लुका 22:30 - पश्‍चिम तामाङ

³⁰ एङ्‌यीमा ङइ य्‍हुल्‍री ङतेङ् बक्‍च्‍या चबथुङ्‌ब स्‍य्‍हेङ्‌स्‍ये मुब। ओसेम् ठीमारी टीज्‍यीम् इस्राएलकी खलक् चुङ् ङ्‌य्‍हीइ जोरी सासन् स्‍य्‍हेङ्‌स्‍ये मुब।”

लुका 22:30 ပူးပေါင်းရင်းမြစ်များ

मत्‍ती 19:28

येसुचे थेङ्‌यीमात सुङ्‌ज्‍यी, “ङ एङ्‌यीमात देमेन्‍नो पङ्‍ब, म्‍हीइ ज खस्‍येकी छार् बेलोरी थे र्‌हङ्‌की महीमाकी ठीरी टीस्‍ये मुब। एङ्‌यीमा खल-खल ङइ लीप्‍चे ब्रबल मुब एङ्‌यीमाएनो चुङ्‌ङ्‌य्‍ही ठीरी टीस्‍ये मुब, ओसेम् इस्राएलकी चुङ् ङ्‍य्‍ही खलक्‍माकी जोरी सासन् स्‍य्‍हेङ्‌स्‍ये मुब।

मत्‍ती 5:3

“आत्‍मारी प्रङ्‍न म्‍हेन्‍बलम् मोलम् यङ्‍बलमा य्‍हीन्‍ब, तलेपङ्‍सम् स्‍वर्‌गइ य्‍हुल् थेङ्‍यीमाल य्‍हीन्‍ब।

मत्‍ती 8:11

ङ एङ्‌यीमात देम्‍मेन्‍नो पङ्‍ब, स्‍यर्‌तेङ् न्‍हुब ग्‍यम्‍चे यहुदी अय्‍हीन्‍बे य्‍हक्‍को म्‍हीमा स्‍वर्‌गइ य्‍हुल्‍री खज्‍यीम् अब्रहामतेङ् इसहाक ओसेम् याकुबतेङ् बक्‍च्‍य डोन्‍री टीस्‍ये मुब।

लुका 12:37

मालीक् दोःज्‍यीम् खबे बेलोरी मालीक्‍त ब्रेन्‍ज्‍यीम् टीटीबे योक्‍पोमाचे य्‍हक्‍को मोलम् यङ्‌स्‍ये मुब। ङ एङ्‌यीमात देमेन्‍नो पङ्‌ब, थेचे हुजु योक्‍पोमात टीपुङ्‍ज्‍यीम् र्‌हङ्‌चेनो चबे स्‍हेःमा पीन्‍ज्‍यीम् क्‍योङ्‌स्‍ये मुब।

लुका 14:15

येसुतेङ् डोन् चबरी टीबलमाचे चु थ्‍येःज्‍यीम् गीःचे थेङ्‌त पङ्‌ज्‍यी, “पर्‌मेस्‍वर्‌की य्‍हुल्‍री डोन् चबलमा मोलम् यङ्‌बलमा य्‍हीन्‍ब।”

२ तीमोथी 2:12

ङ्‍य्‍हङ्‍माचे दुख नास्‍यीनो टीज्‍यी पङ्‌सम् ङ्‍य्‍हङ्‍माचेएनो थेङ्‍तेङ् बक्‍च्‍य सासन् स्‍य्‍हेङ्‍स्‍ये मुब, ङ्‍य्‍हङ्‍माचे थेङ्‍त इन्‍कार् स्‍य्‍हेङ्‌ज्‍यी पङ्‌सम् थेङ्‍चेएनो ङ्‌य्‍हङ्‌मात इन्‍कार् स्‍य्‍हेङ्‍स्‍ये मुब।

याकुब 1:1

पर्‌मेस्‍वर्‌तेङ् प्रभु येसु ख्रीस्‍ट्‍की योक्‍पो ङ याकुबचे जम्‍बुलीङ्‌की ग्‍ला ग्‍लामारी छर्‌छुर् तज्‍यीम् टीबे पर्‌मेस्‍वर्‌की जम्‍मनो म्‍हीमात चु चीठी ब्रीटीब। एङ्‌यीमात लस्‍सो मुब।

प्रकास 19:9

ओसेम् स्‍वर्‌गदुत्‍चे ङत पङ्‍ज्‍यी, “चु तम् ब्रीउ- थुमाइ भ्‍याकी डोन् चबरी ङ्‌होत्‍पलमा जम्‍मनो मोलम् यङ्‍बलमा य्‍हीन्‍ब।” देबेएनो हुजु स्‍वर्‌गदुत्‍चे ङत पङ्‍ज्‍यी, “चुमानो पर्‌मेस्‍वर्‌की देमेन्‍की फ्रोइ य्‍हीन्‍ब।”

प्रकास 3:21

खल्‍चे डाब, थेत ङ ङइ ठीरी ङतेङ् बक्‍च्‍य टीबुङ्‍स्‍ये मुब, खले ङ र्‌हङ्‍चेएनो डाबल तज्‍यीम् ङइ अपतेङ् बक्‍च्‍य थेङ्‍की ठीरी टीबल मुब।

प्रकास 4:4

हुजु ठीइ कोरोरो खल् गीःस्‍यी ब्‍ली ल्‍हो-ल्‍हो ठीःमा मुबल। ओसेम् क्ररी म्‍हर्‌की क्रेःकीमा कुःबल ओसेम् तर् येन्‍मा येन्‍बे खल् गीःस्‍यी ब्‍ली एल्‍डर्‌मा हुजु ठीमारी टीबल मुबल।