लुका 21:31 - पश्‍चिम तामाङ

³¹ होलेनो चु जम्‍मा तम्‍मा तटीबल म्रङ्‌बतेङ् पर्‌मेस्‍वर्‌की य्‍हुल् खयम्‍नेम् बी एङ्‍यीमाचे स्‍येःस्‍ये मुब।

लुका 21:31 ပူးပေါင်းရင်းမြစ်များ

मत्‍ती 3:2

थेचे पङ्‍ज्‍यी, “पस्‍चताप स्‍य्‍हेङो, तलेपङ्‍सम् स्‍वर्‌गइ य्‍हुल् ज्‍यदङ् खबल मुब।”

लुका 21:32

देमेन्‍नो ङ एङ्‌यीमात पङ्‌ब, चु जम्‍मा तम्‍मा पुरा अतगदे चु पुस्‍तइ म्‍हीमा नास् तस्‍ये अरे।

हीब्रु 10:37

तलेपङ्‍सम् धर्‌म छ्‌येःरी पर्‌मेस्‍वर्‌चे चोले सुङ्‌बल मुब, “य्‍हम्‍बगीरीनो युस्‍येलमी युस्‍येनो मुब, ओसेम् थे गेःस्‍ये अरे।”

याकुब 5:9

ङइ बीस्‍वासी र्‌होमा, एङ्‍यीमा गी:चे गी:की बीरुद्‍दरी थम्‍हुरुको, होलेलसम् एङ्‍यीमात प्रभुचे न्‍याय स्‍य्‍हेङ्‍जेत्‍स्‍ये मुब। च्‍याको, न्‍याय स्‍य्‍हेङ्‍जेत्‍स्‍येकी प्रभु म्रङ्‍खजेत्‍परी टोप तबल मुब।

१ पत्रुस 4:7

जम्‍बुलीङ्‌की जम्‍मनो स्‍हेमा बेबे बेलो ज्‍यतङ् खबल मुब। होलेतज्‍यीम् एङ्‍यीमा प्रार्‌थनाकी लागीरी सेम् दुल्‍ज्‍यीम् चोङ्‍ले टीउ।