लुका 21:25 - पश्‍चिम तामाङ

²⁵ “लनी, दीनीतेङ् सार्‌मारी खेमेएनो अम्रङ्‌बे चीनोमा म्रङ्‌स्‍ये मुब। ओसेम् समुन्‍द्र ङ्‌य्‍हबतेङ् ङ्‌हच्‍छ्‌यङ् लोङ्‌बे छाल्‍माचे लज्‍यीम् जम्‍बुलीङ्‌की जम्‍मा म्‍हीमा लोङ्‌स्‍ये मुब।

लुका 21:25 ပူးပေါင်းရင်းမြစ်များ

मत्‍ती 24:29

“हुजु दुखइ दीन् बेब साच्‍चेनो दीनी म्‍हुन्‍दुङ् तस्‍ये मुब, ओसेम् लनीचे य्‍हल् पीन्‍स्‍ये अरे, सारमा मुचे तइस्‍ये मुब, ओसेम् मुरी मुबे सक्‍तीमा य्‍होङ्‌स्‍ये मुब।

मत्‍ती 27:45

दीन्‍गुङ् य्‍हङ्‍से प्रोः बेलोक्‍योर् सम्‍म य्‍हुल्‍की जम्‍मनो ग्‍लामारी म्‍हुन्‍दुङ् तज्‍यी।

मर्‌कुस् 13:24

“हुजु ङ्‍हच्‍छ्‍यङ् दुख बेब बीसेम् दीनीचे य्‍हल् पीन्‍ब पीत्‍स्‍ये मुब। ओसेम् लनीचेएनो य्‍हल् पीन्‍स्‍ये अरे।

मर्‌कुस् 13:26

हुजु लीप्‍चे म्‍हीइ ज ङ्‍हच्‍छ्‍यङ् सक्‍तीतेङ् महीमारी मुक्‍पन्‍हङ् युटीबल म्रङ्‌स्‍ये मुब।

मर्‌कुस् 15:33

दीन् गुङ् य्‍हङ्‍स्‍ये प्रो बेलोसम्‍म य्‍हुल् म्‍हुन्‍दुङ्‍चे उप्‍ज्‍यी।

लुका 21:24

हुजु बेलोरी डेत्‍डेत् गोच्‍जचे तम्‍ज्‍यीम् सेत्‍स्‍ये मुब, डेत्-डेत् चुङ्‌ज्‍यीम् ल्‍हो-ल्‍हो य्‍हुल्‍माचे बोर्‌स्‍ये मुब। ओसेम् यहुदी अय्‍हीन्‍बे म्‍हीमाकी बेलो अबे गदे थेङ्‍यीमाचे यरुसलेमत च्‍येन्‍ज्‍यीम् टीस्‍ये मुब।”

लुका 21:26

जम्‍बुलीङ्‌री खयम्‍टीबे दुख म्रङ्‌ज्‍यीम् म्‍हीमा लोङ्‌ज्‍यीम् स्‍यीब र्‌हङ्‌ले गुर्‌स्‍ये मुब। तलेपङ्‍सम् मुरी मुबे सक्‍तीमा य्‍होङ्‌स्‍ये मुब।

प्रेरीत् 2:19

ङचे नम्‍तीङ् मुरी तेङेन्‍की चीनोमा ङोन्‍स्‍ये मुब, ओसेम् दुङ्‌री जम्‍बुलीङ्‌री तेङेन्‍की लक्‍मा स्‍य्‍हेङ्‌स्‍ये मुब। हुजुमा का, मेतेङ् मीङ्‍गुइ बोन् तस्‍ये मुब।

प्रकास 20:11

ओसेम् ङचे तर्‌तर्‌पे ङ्‍हच्‍छ्‌यङ् ठी गीःतेङ् हुजुइ जोरी स्‍य्‍हुजेत्‍टीबल गीःत म्रङ्‍ज्‍यी। थेङ्‍की ङ्‍होन्‍सङ्‍चे मुतेङ् जम्‍बुलीङ् म्‍हय्‍हर्‌ज्‍यी ओसेम् दोःज्‍यीम खनएनो अम्रङ्।