लुका 21:12 - पश्‍चिम तामाङ

¹² “तर चुमा तब बीमम् ङोन्‍ग्‍यम् एङ्‌यीमात ङइ तम् ङ्‌येन्‍बल पङ्‌ज्‍यीम् म्‍हीमाचे चुङ्‌ज्‍यीम् दुख पीन्‍स्‍ये मुब। एङ्‌यीमात यहुदीमा र्‌हुप् तबे दीम्‍मारी सोप्‍तीज्‍यीम् जेल्‍री च्‍युप्‍स्‍ये मुब। ओसेम् एङ्‌यीमात ग्‍यल्‍बोमातेङ् सासक्‍माकी ङोन्‍ग्‍यम् रप्‍पुङ्‌स्‍ये मुब।

लुका 21:12 ပူးပေါင်းရင်းမြစ်များ

मत्‍ती 22:6

ओसेम् ल्‍हो-ल्‍होमाचे ग्‍यल्‍बोइ योक्‍पोमात चुङ्‌ज्‍यीम् तोब ग्‍यङ्‍ब लज्‍यी ओसेम् सेत्‍लाज्‍यी।

मत्‍ती 24:8

चुमाम् जम्‍मनो कोल न्‍हबे बेलोइ ल्‍हङ्‍दु खब र्‌हङ्‍बकीनो य्‍हीन्‍ब।

लुका 21:11

ओसेम् ङ्‍हच्‍छ्‍यङ्-ङ्‍हच्‍छ्‍यङ् सङ्‌गुल्मा खस्‍ये मुब। ओसेम् खनबीबीनो अनीकाल्‍मातेङ् य्‍हम्‍मा खस्‍ये मुब। मुरी ङ्‍हच्‍छ्‍यङ्-ङ्‍हच्‍छ्‍यङ् लोङ्‌बे चीनोमा म्रङ्‌स्‍ये मुब।

युहन्‍ना 15:20

ङचे एङ्‌यीमात, ‘योक्‍पो न्‍याबो बीम ङ्‍हच्‍छ्‍यङ् अत’ बी पङ्‍बे तम् व्‍हल् लउ। म्‍हीमाचे ङत दुख पीन्‍ज्‍यी पङ्‌सम् एङ्‍यीमातएनो पीन्‍स्‍ये मुब। ओसेम् थेङ्‍यीमाचे ङइ तम्‍मा ङ्‍येन्‍ज्‍यी पङ्‌सम् एङ्‌यीमाकी तमएनो ङ्‍येन्‍स्‍ये मुब।

युहन्‍ना 15:21

ओसेम् एङ्‍यीमा ङइ म्‍ही तबल तज्‍यीम् थेङ्‍यीमाचे दुख पीन्‍स्‍ये मुब, तलेपङ्‍सम् थेङ्‍यीमाचे ङत पीत्‍युजेत्‍पे अपत अस्‍ये।

प्रेरीत् 22:30

तर यहुदीमाचे पावलत तले दोस् ल्‍हइतीबल टीम् बी स्‍येःबे सेम् सेनपतील मुबल। होत्‍तज्‍यीम् न्‍हम्‍स्‍य्‍होर्‌हङ् जम्‍म ङ्‍हच्‍छ्‍यङ् लम्‍बुमातेङ् ङ्‍हच्‍छ्‍यङ् सभाकी जम्‍म सदस्‍यमात ङ्‍हच्‍छ्‍यङ् सभारी र्‌हुब् तउ बी कुल्‍ज्‍यी। ओसेम् पावलत बज्‍यीम् थेङ्‌यीमाकी ङोन्‍री रप्‍पुङ्‍ज्‍यी।

प्रेरीत् 5:40

ओसेम् सभाकी म्‍हीमाचे गमलीएलकी तम् ङ्‍येन्‍ज्‍यी। ओसेम् थेङ्‍यीमाचे प्रेरीतमात न्‍हङ्‌री ङ्‌होत्‍ज्‍यीम् कोर्‌रचे ग्‍यङ्‌पुङ्‌ज्‍यी। ओसेम् “एङ्‍यीमाचे देरे य्‍हङ्‍से येसुइ मीन्‍री खेमेएनो थलोपो” पङ्‍ज्‍यीम् प्रेरीतमात पीत्‍लाज्‍यी।

प्रेरीत् 8:3

तर साऊलचेमी मन्डलीमात नास् लब छ्‍येटीब मुबल। ओसेम् दीम्-दीम्‍री वङ्‌ज्‍यीम् अपकोलतेङ् अमकोलमा जम्‍मतनो इज्‍यीम् डुत्‍पोर्‌ज्‍यीम् जेलन्‍हङ् च्‍युप्‍लाब मुबल।

प्रेरीत् 9:4

ओसेम् थे सरी गुर्‌ज्‍यीम् चोले पङ्‍बे केत् थ्‍येःज्‍यी, “साऊल, एचे ङत तले दुख पीन्‍ब?”

१ पत्रुस 2:13

प्रभुइ लागीरी म्‍हीमाकी सासन्‍की अधीन्‍री टीउ। ग्‍यल्‍बोइ अधीन्‍री टीउ, थेतेङ् गोदोब्‍न्‍हङ्‍री ङ्‍हच्‍छ्‍यङ् अधीकार् तब।

प्रकास 2:10

एत खय्‍हम्‍बे दुखमातेङ् थलोङो। एइ बीस्‍वास्‍त जाच्‍तीबरी सैतान्‍चे एङ्‍यीमान्‍हङ्‍री डेत्‍डेत्‍त जेल्‍री युस्‍ये मुब, ओसेम् एङ्‍यीमाचे च्‍यीरेत् सम्‍म दुख नाथोःस्‍ये मुब। ए स्‍यीथोःलेनो ङत बीस्‍वास् स्‍य्‍हेङ्‍ब थपीतो, ओसेम् ङचे एत खेमेएनो अबेबे जीवन्‍की इनाम् पीन्‍स्‍ये मुब।