लुका 20:6 - पश्‍चिम तामाङ

⁶ तर ङ्‌य्‍हङ्‌माचे म्‍ही ग्‍यम्‍से पङ्‌गे पङ्‌स्‍यीम् जम्‍मा म्‍हीमाचे ङ्‌य्‍हङ्‌मात युङ्‌बचे प्रुङ्‌ज्‍यीम् सेत्‍स्‍ये मुब। तलेपङ्‍सम् म्‍हीमाचे युहन्‍नात अगम्‍बक्‍त बी बीस्‍वास् स्‍य्‍हेङ्‌ब मुबल।”

लुका 20:6 ပူးပေါင်းရင်းမြစ်များ

मत्‍ती 11:9

ङत पङो, देमेन्‍नो एङ्‍यीमा ता च्‍याबरी डोङ्‍ज्‍यी? ता अगम्‍बक्‍तत च्‍याबरी? य्‍हीन्‍ब, ङ एङ्‌यीमात देमेन्‍नो पङ्‍ब, ओसेम् एङ्‍यीमाचे अगम्‍बक्‍त बीमएनो ङ्‍हच्‍छ्‍यङ् गीःत म्रङ्‌बल मुब।

मत्‍ती 14:5

होत्‍तज्‍यीम् हेरोदचे युहन्‍नात सेत्‍पे सेम् लबल मुबल। तर थे म्‍हीमातेङ् लोङ्‍बल मुबल, तलेपङ्‍सम् म्‍हीमाचे युहन्‍नात अगम्‍बक्‍त पङ्‍ज्‍यीम् म्‍हन्‍दीब मुबल।

मत्‍ती 21:26

तर म्‍हीमा ग्‍यम्‍से पङ्‍गे पङ्‌स्‍यीम्, म्‍हीमा ङ्‍य्‍हङ्‍माइ बीरुद्‍दरी रेःल बी लोङ्‍ब, तलेपङ्‍सम् जम्‍मनो म्‍हीमाचे युहन्‍नात अगम्‍बक्‍त य्‍हीन्‍ब बी बीस्‍वास् लब मुबल।”

मत्‍ती 21:46

होत्‍तज्‍यीम् थेङ्‍यीमाचे थेङ्‌त चुङ्‍ब म्‍हइज्‍यी, तर थेङ्‍यीमा लोङ्‌ज्‍यी, तलेपङ्‍सम् म्‍हीमाचे थेङ्‌त अगम्‍बक्‍त य्‍हीन्‍ब बी म्‍हन्‍दीब मुबल।

मत्‍ती 26:5

ओसेम् थेङ्‍यीमाचे पङ्‍ज्‍यी, “तर नीस्‍तार पर्‌बइ बेलोरी चु लक् स्‍य्‍हेङ्‌ब अत, अय्‍हीन् पङ्‌सम् म्‍हीमान्‍हङ् खइलबइल तस्‍ये मुब।”

मर्‌कुस् 12:12

यहुदी अगुवामाचे येसुत चुङ्‍ब म्‍हइज्‍यी, तलेपङ्‍सम् थेङ्‌चे सुङ्‍बे अर्‌थ थेङ्‌यीमाकी बीरुद्‍दरी सुङ्‌बल बी था मुबल। तर थेङ्‌यीमा य्‍हक्‍को म्‍हीमातेङ् लोङ्‍बल तज्‍यीम् थेङ्‌त ख्‍लेथेन्‍ज्‍यीम् य्‍हर्‌ज्‍यी।

लुका 1:76

ङइ ज, एत गोदोब्‍न्‍हङ्‍की जोइ पर्‌मेस्‍वर्‌की अगम्‍बक्‍त पङ्‌स्‍ये मुब। तलेपङ्‍सम् प्रभुकी ग्‍यम् थोन्‍नलबरी ए ङोन्-ङोन् ङ्‌यीस्‍ये मुब।

लुका 20:5

ओसेम् थेङ्‌यीमा र्‌हङ्‌न्‍हङ्‌रीनो तम् पङ्‌ब थाल्‍दीज्‍यी, “पर्‌मेस्‍वर् ग्‍यम्‍से पङ्‌गे पङ्‌स्‍यीम्, ‘एङ्‍यीमाचे तले युहन्‍नात बीस्‍वास् अस्‍य्‍हेङ्‌बल?’ बी थेचे ङ्‌योत्‍स्‍ये तज्‍यी।

लुका 20:7

होत्‍तज्‍यीम् थेङ्‍यीमाचे येसुत पङ्‌ज्‍यी, “युहन्‍नाचे हुजु अधीकार् खनचे यङ्‌ज्‍यी बी ङ्‌यीमाचे स्‍येःबल अरे।”

लुका 7:30

तर फरीसीमातेङ् धर्‌म लोप्‍पोन्‍माचेमी थेमाइ लागीरी पर्‌मेस्‍वर्‌की योजनत अङ्‌येन्‍ज्‍यीम् युहन्‍ना ग्‍यम्‍से बप्‍तीस्‍मा अकीन्।

युहन्‍ना 10:41

ओसेम् य्‍हक्‍को म्‍हीमा थेङ्‌ज खज्‍यीम् थेङ्‍यीमान्‍हङ् चोले पङ्‍ज्‍यी, “युहन्‍नाचेम् तएनो अचम्‍मइ लक् अस्‍य्‍हेङ्, तर युहन्‍नाचे येसुइ बारेरी पङ्‍बे जम्‍मनो तम्‍मा देमेन् तज्‍यी।”

प्रेरीत् 5:26

ओसेम् कप्‍तान्‍चे पर्‌मेस्‍वर्‌की दीम् रुङ्‍बे स्‍यीपाइमात बक्‍च्‍य बोर्‌ज्‍यीम् प्रेरीतमात कीन्‍बरी ङ्‍यीज्‍यी। ओसेम् थेङ्‍यीमाचे प्रेरीतमात तेएनो अलनले बज्‍यी। तलेपङ्‍सम् म्‍हीमाचे युङ्‌ब प्रुङ्‍ल बी थेङ्‍यीमा लोङ्‍बल मुबल।