लुका 20:14 - पश्‍चिम तामाङ

¹⁴ तर पीमा स्‍य्‍हेङ्‌बलमाचे न्‍याबोइ जत म्रङ्‌ब बीसेम् थेमा न्‍हङ् गीःचे गीःत पङ्‌ज्‍यी, ‘क्‍युजुम् न्‍याबोइ ज य्‍हीन्‍ब। थेत सेत्‍लागे ओसेम् थेइ अङ्‌गुर्‌की म्रङ् ङ्‌य्‍हङ्‌माल तनलइ।’

लुका 20:14 ပူးပေါင်းရင်းမြစ်များ

मत्‍ती 16:7

ओसेम् डबमा र्‌हङ्‌न्‍हङ्‌री, “ङ्‍य्‍हङ्‍माचे ग्‍येङ् अबबल तज्‍यीम् थेङ्‌चे चोले सुङ्‌बल य्‍हीन्‍थोब” पङ्‍ज्‍यीम् तम् लज्‍यी।

मत्‍ती 21:25

युहन्‍नाचे बप्‍तीस्‍मा पीन्‍बे अधीकार् खन ग्‍यम्‍से यङ्‌ज्‍यी? पर्‌मेस्‍वर् ग्‍यम्‍से वुइ म्‍ही ग्‍यम्‍से?” चु थ्‍येःज्‍यीम् थेङ्‍यीमान्‍हङ्‍री गीचे गीत चोले तम् पङ्‍ज्‍यी, “पर्‌मेस्‍वर् ग्‍यम्‍से पङ्‍गे पङ्‌स्‍यीम् थेचे ङ्‌य्‍हङ्‌मात ‘एङ्‍यीमाचे युहन्‍नात तले बीस्‍वास् अलबल?’ बी पङ्‌स्‍ये मुब।

मत्‍ती 21:34

अङ्‌गुर् मीन्‍बे बेलो तब बीसेम् न्‍यबोचे थेइ बो कीन्‍बरी योक्‍पोमात अङ्‌गुर् पीमा स्‍य्‍हेङ्‌बे म्‍हीमाज पीत्‍ज्‍यी।

लुका 19:47

ओसेम् येसुचे दीन्‍लनो पर्‌मेस्‍वर्‌त तेन्‍बे दीम्‍री लोप्‍जेत्‍ज्‍यी। तर ङ्‍हच्‍छ्‍यङ् लम्‍बुमा, धर्‌म लोप्‍पोन्‍मातेङ् म्‍हीमाकी अगुवामाचे थेङ्‌त सेत्‍प म्‍हइब मुबल।

लुका 20:13

“हुजु लीप्‍चे अङ्‌गुर्‌की म्रङ्‌की न्‍याबोचे र्‌हङ्‌की सेम् न्‍हङ् चोले म्‍हेन्‍ज्‍यी, ‘ङ ता लस्‍ये? देरेम् ङ ङइ खोबे जत पीत्‍प। थेङ्‍यीमाचे देमेन्‍नो थेतमी स्‍य्‍हेस स्‍य्‍हेङ्‌स्‍ये मुब।’

लुका 20:15

होत्‍तज्‍यीम् थेङ्‍यीमाचे थेत अङ्‌गुर्‌की म्रङ् ग्‍यम्‍से फीर्‌च्‍योर् बोर्‌ज्‍यीम् सेत्‍लाज्‍यी।” येसुचे, “देरेम् अङ्‌गुर्‌की म्रङ्‌की न्‍याबोचे हुजु पीमा स्‍य्‍हेङ्‌बलमात ता स्‍य्‍हेङ्‌ल? बी ङ्‌योत्‍जेत्‍ज्‍यी।

लुका 20:19

धर्‌म लोप्‍पोन्‍मातेङ् ङ्‍हच्‍छ्‍यङ् लम्‍बुमाचे येसुत हुजु बेलोरीनो चुङ्‌ब छ्‌यज्‍यी। तलेपङ्‍सम् थेङ्‌चे हुजु अर्‌थ थेङ्‌यीमाकी बीरुद्‍दरी सुङ्‌बल बी थेङ्‍यीमाचे स्‍येःबल मुबल। तर थेङ्‌यीमा म्‍हीमातेङ् लोङ्‍ब मुबल।

लुका 20:5

ओसेम् थेङ्‌यीमा र्‌हङ्‌न्‍हङ्‌रीनो तम् पङ्‌ब थाल्‍दीज्‍यी, “पर्‌मेस्‍वर् ग्‍यम्‍से पङ्‌गे पङ्‌स्‍यीम्, ‘एङ्‍यीमाचे तले युहन्‍नात बीस्‍वास् अस्‍य्‍हेङ्‌बल?’ बी थेचे ङ्‌योत्‍स्‍ये तज्‍यी।

लुका 22:2

ओसेम् ङ्‍हच्‍छ्‍यङ् लम्‍बुमातेङ् धर्‌म लोप्‍पोन्‍माचे येसुत सेत्‍पे मौक च्‍याटीब मुबल। तर थेङ्‌यीमा म्‍हीमातेङ् लोङ्‍ब मुबल।

प्रेरीत् 2:23

पर्‌मेस्‍वर्‌चे र्‌हङ्‌चे थुः लजेत्‍पतेङ् ङोन्‍ग्‍यम्‍नो खेम्‍जेत्‍प अनुसार् येसुत एङ्‌यीमाकी यारी न्‍हङ्‍जेत्‍ज्‍यी। ओसेम् एङ्‍यीमाचे येसुत यहुदी अय्‍हीन्‍बे म्‍हीमाकी यारी सोप्‍तीज्‍यीम् क्रुस्‍री च्‍योज्‍यीम् सेत्‍पुङ्‌ज्‍यी।”

प्रेरीत् 3:15

ओसेम् जीवन् न्‍हङ्‌बलतम् एङ्‍यीमाचे सेत्‍ज्‍यी। तर पर्‌मेस्‍वर्‌चे थेङ्‌त स्‍यीब ग्‍यम्‍से सोनलजेत्‍ज्‍यी। चु तम् ङ्‌यीमाचे म्रङ्‌बल मुब।

रोमी 8:17

ओसेम् ङ्‍य्‍हङ्‍मा थेङ्‍की ज जमे तबल तज्‍यीम् हक् यङ्‍बलमाएनो य्‍हीन्‍ब। देमेन्‍नो, ङ्‍य्‍हङ्‍मा ख्रीस्‍ट्‍तेङ् बक्‍च्‍य पर्‌मेस्‍वर्‌की महीमीत् हक् यङ्‍स्‍येलमा य्‍हीन्‍ब। तलेपङ्‍सम् ङ्‍य्‍हङ्‍माचे ख्रीस्‍ट्‍तेङ् बक्‍च्‍य दुख नासम् ङ्‍य्‍हङ्‍माचेएनो थेङ्‍तेङ् बक्‍च्‍य थेङ्‍की महीमा यङ्‍स्‍ये मुब।

हीब्रु 1:2

तर चु ज्‍युःकी दीन्‍मारी थेङ् र्‌हङ्‍की ज ग्‍यम्‍से ङ्‍य्‍हङ्‍मातेङ् फ्रोइ लजेत्‍पल मुब। पर्‌मेस्‍वर्‌चे र्‌हङ्‍की जत तीरेत् जम्‍म अधीकार् न्‍हङ्‍जेत्‍परी दम्‍जेत्‍ज्‍यी, ओसेम् थेङ्‍चे ज ग्‍यम्सेनो जम्‍बुलीङ् स्‍य्‍हेङ्‌जेत्‍ज्‍यी।