लुका 2:14 - पश्‍चिम तामाङ

¹⁴ “गोदोब्‍न्‍हङ्‍की जोरी स्‍वर्‌गरी स्‍य्‍हुबे पर्‌मेस्‍वर्‌त जयजयकार, ओसेम् जम्‍बुलीङ्‌री पर्‌मेस्‍वर्‌चे म्‍होइ्‌बे म्‍हीमात सान्‍ती तरीखइ।”

लुका 2:14 ပူးပေါင်းရင်းမြစ်များ

मत्‍ती 21:9

येसुइ लीप्‍तेङ् ङोन्‍चे ब्रबे य्‍हक्‍को म्‍हीमाचे चोले पङ्‌ज्‍यीम् क्रीङ्‌ज्‍यी, “दाऊदकी जत तोप्‍प तखइ! परमप्रभुइ छेन्‍री ब्‍योन्‍खजेत्‍पे म्‍ही मोलम् यङ्‌बे म्‍ही य्‍हीन्‍ब! स्‍वर्‌गरी स्‍य्‍हुबे पर्‌मेस्‍वर्‌त तोप्‍प तखइ!”

लुका 1:79

हुजु य्‍हल्‍चे म्‍हुन्‍दुङ्‍न्‍हङ् टीबलमातेङ् स्‍यील बी लोङ्‍बलमात य्‍हल् पीन्‍स्‍ये मुब। ओसेम् ङ्‌य्‍हङ्‌मात सान्‍तीइ ग्‍यम्‍री बोर्‌स्‍ये मुब।”

लुका 19:38

“परमप्रभुइ छेन्‍री ब्‍योन्‍खबे ग्‍यल्‍बोचे मोलम् यङ्‍खइ, स्‍वर्‌गरी सान्‍ती तखइ, ओसेम् गोदोब्‍न्‍हङ्‍की जोइ पर्‌मेस्‍वर्‌की महीमा तखइ!”

लुका 2:13

हुजु बेलोरीनो ल्‍हो-ल्‍हो य्‍हक्‍को स्‍वर्‌गदुत्मा हुचुरी म्रङ्‌ज्‍यी। ओसेम् पर्‌मेस्‍वर्‌त तोप्‍पे ह्‍वइ थेमाचे चोले कोज्‍यी,

लुका 2:15

स्‍वर्‌गदुत्मा स्‍वर्‌गरी दोःज्‍यीम् य्‍हर्‌ब बीसेम् गोर्‌तेन्माचे थेमा न्‍हङ् चोले पङ्‌ज्‍यी, “लौ ब्रे, बेथलेहेम्‍री, ङ्‌य्‍हङ्‌मात परमप्रभुचे सुङ्‌ब र्‌हङ्‌ले तबे तम् च्‍याबरी”

लुका 3:22

ओसेम् स्‍वर्‌गचे पबीत्र आत्‍मा ढुकुरकी ल्‍हीरी येसुतेङ् स्‍य्‍हुबरी न्‍हेयुज्‍यी। ओसेम् स्‍वर्‌गचे पर्‌मेस्‍वर्‌की चोतेबे फ्रोइ युज्‍यी, “ए ङइ खोबे ज य्‍हीन्‍ब। ङ एतेङ् य्‍हक्‍को तङ्‌बल मुब।”

युहन्‍ना 14:27

ङ एङ्‌यीमात सान्‍ती पीन्‍थेन्‍ब। ङ एङ्‌यीमात ङइ सान्‍ती पीन्‍ब, ओसेम् चु जम्‍बुलीङ्‌की सान्‍ती र्‌हङ्‍ब अय्‍हीन्। एङ्‌यीमाकी सेम् य्‍हक्‍को थछेरो, ओसेम् थलोङो।

युहन्‍ना 17:4

थेङ्‌चे ङत टोप् लउ पङ्‍ज्‍यीम् न्‍हङ्‌बे जम्‍मनो लक् ङचे टोप् लज्‍यीम् ङचे चु जम्‍बुलीङ्‌री थेङ्‌की महीमा स्‍य्‍हेङ्‌बल मुब।

युहन्‍ना 3:16

तलेपङ्‍सम् पर्‌मेस्‍वर्‌चे जम्‍बुलीङ्‌की म्‍हीमात य्‍हक्‍को म्‍होइज्‍यीम् र्‌हङ्‌की गीःकीनो मुबे जत पीत्‍युजेत्‍ज्‍यी। खल्‍चे पर्‌मेस्‍वर्‌की जत बीस्‍वास् स्‍य्‍हेङ्‌ब थेङ्‍यीमा खलएनो नास् तस्‍ये अरे तर थेङ्‍यीमाचे खेमेएनो अबेबे जीवन् यङ्‍स्‍ये मुब।

प्रेरीत् 10:36

येसु ख्रीस्‍ट् ग्‍यम्‍से इस्राएलीमाकी गुङ्‍री पर्‌मेस्‍वर्‌चे पीत्‍खजेत्‍पे सान्‍ती यङ्‌बे ज्‍यबे सम्‍तर् एङ्‍यीमाचे स्‍येःबलनो मुब। हुजु येसुनो जम्‍मइ प्रभु य्‍हीन्‍ब।

रोमी 5:1

ङ्‍य्‍हङ्‍मात पर्‌मेस्‍वर्‌चे बीस्‍वास् ग्‍यम्‍से पर्‌मेस्‍वर्‌की ङोन्‍री धर्‌मी तनलजेत्‍पल मुब, होत्‍तज्‍यीम् ङ्‍य्‍हङ्‍की प्रभु येसु ख्रीस्‍ट् ग्‍यम्सेनो ङ्‍य्‍हङ्‍मा पर्‌मेस्‍वर्‌तेङ् थुन्‍बल मुब।

एफीसी 1:6

पर्‌मेस्‍वर्‌चे र्‌हङ्‍की म्‍होइबे ज ग्‍यम्‍से ङ्‍य्‍हङ्‍मात ओलेनो न्‍हङ्‍जेत्‍पे महीमाचे प्‍लीङ्‍बे अनुग्रहकी लागीरी ङ्‍य्‍हङ्‍माचे पर्‌मेस्‍वर्‌त तोप्के।

एफीसी 1:9

पर्‌मेस्‍वर्‌चे ख्रीस्‍ट्‍री थेन्‍जेत्‍पे उदेस्‍ये अनुसार् थेङ्‍चे र्‌हङ्‍की रहस्‍यइ योजनामा ङ्‍य्‍हङ्‍मात स्‍येःनलेजत्‍पल मुब।

एफीसी 2:4

तर कृपारी बरु पर्‌मेस्‍वर्‌चे ङ्‍य्‍हङ्‍मात य्‍हक्‍को म्‍होइजेत्‍ज्‍यी।

एफीसी 2:7

चुमी थेङ्‌चे खेम पङ्‍लेनोइ लागीरी थेङ्‌की ङ्‍हच्‍छ्‍यङ् अनुग्रह म्‍हीमात ङोन्‍जेत्‍परी स्‍य्‍हेङ्‍जेत्‍ज्‍यी। चु अनुग्रह थेङ्‍चे र्‌हङ्‍की म्‍होइब ग्‍यम्‍से येसु ख्रीस्‍ट्‍री ङ्‍य्‍हङ्‍मात ङोन्‍जेत्‍पल मुब।

फीलीप्‍पी 2:11

ओसेम् येसु ख्रीस्‍ट्‍नो प्रभु य्‍हीन्‍ब पङ्‍ज्‍यीम् जम्‍मचेनो, पर्‌मेस्‍वर् अपइ महीमकी लागीरी पङ्‌स्‍ये मुब।

फीलीप्‍पी 2:13

तलेपङ्‍सम् पर्‌मेस्‍वर् एङ्‍यीमा न्‍हङ्‍री खेम पङ्‌लेनो लक् स्‍य्‍हेङ्‍जेत्‍टीब मुब। थेङ्‌चेनो एङ्‍यीमात थेङ्‌की उदेस्‍य टोप् लबे सेम्‍तेङ सक्‍ती न्‍हङ्‍जेत्‍प।

कलस्‍सी 1:20

ओसेम् पर्‌मेस्‍वर्‌चे क्रुस्‍री य्‍हर्‌पुङ्‍बे येसु ख्रीस्‍ट्‍की काः ग्‍यम्‍से सान्‍ती नोम्‍खजेत्‍ज्‍यीम् स्‍वर्‌गतेङ् जम्‍बुलीङ्‌री मुबे जम्‍मनो स्‍हेमात र्‌हङ्‍तेङ् थुन्‍नलजेत्‍ज्‍यी।

२ थेस्‍लोनीकी 2:16

ङ्‍य्‍हङ्‍की प्रभु येसु ख्रीस्‍ट् ओसेम् अप पर्‌मेस्‍वर्‌चे ङ्‌य्‍हङ्‌मात म्‍होइजेत्‍ज्‍यी, ओसेम् थेङ्‌की अनुग्रह ग्‍यम्‍से खेमेएनो अबेबे आर्‌तेङ् ज्‍यबे आस् न्‍हङ्‍जेत्‍ज्‍यी।

प्रकास 5:13

ओसेम् स्‍वर्‌गरी, जम्‍बुलीङ्‌री, जम्‍बुलीङ् दुङ्‌री, समुन्‍द्ररी ओसेम् हुजुरी मुबे जम्‍मनो जन्‍तुमाचे चोले कोटीबल ङचे थेःज्‍यी, “ठीरी स्‍य्‍हुजेत्‍टीपलतेङ् थुमात तोप्‍प, स्‍हेस, महीमा, ओसेम् सक्‍ती खेमपङ्‌लेनो तस्‍यीनोटीखइ!”