लुका 19:6 - पश्‍चिम तामाङ

⁶ जखायस ग्‍योन्-ग्‍योन् दुङ्‌री फब्‍युज्‍यी। ओसेम् तङ्-तङ्‌ज्‍यीम् येसुत थेइ दीम्‍री स्‍वागत स्‍य्‍हेङ्‌ज्‍यी।

लुका 19:6 ပူးပေါင်းရင်းမြစ်များ

लुका 19:5

येसु हुजुरी दोखब बीसेम् दोङ्‌बो जोरी स्‍हीःज्‍यीम् जखायसत सुङ्‌ज्‍यी, “जखायस, ग्‍योन्-ग्‍योन् दुङ्‌री फप्‍यु, तलेपङ्‍सम् ङ तीङ्‌यी एइ दीम्‍री टीथोब मुब।”

लुका 19:7

चु म्रङ्‌बे जम्‍मा म्‍हीमाचे, “चु म्‍ही पापीकी दीम्‍री डोम्‍बो तज्‍यीम् ङ्‌यीज्‍यी” बी पङ्‌ज्‍यीम् गन्‍गन् लब थाल्‍दीज्‍यी।

लुका 2:16

होत्‍तज्‍यीम् थेमा ग्‍योन्-ग्‍योन्‍नो बेथलेहेमरी य्‍हर्‌ज्‍यी। हुजुरी थेमाचे मरीयमतेङ् योसेफ ओसेम् स्‍यीङ्‌की कोःरी नेइटीबे कोलत म्रङज्‍यी।

लुका 5:29

हुजु लीप्‍चे लेबीचे येसुइ लागीरी दीम्‍री ङ्‌हच्‍छ्‌यङ् डोन् स्‍य्‍हेङ्‌ज्‍यी। हुजु डोन् चबरी तीरो दुत्‍पे य्‍हक्‍को म्‍हीमातेङ् ल्‍होल्‍होएनो म्‍हीमा मुबल।

प्रेरीत् 16:15

हुजु लीप्‍चे लीडीयातेङ् थेइ दीम्‍की म्‍हेम्‍यमाचे बप्‍तीस्‍मा कीन्‍ज्‍यी। ओसेम् थेचे फ्‍या लज्‍यीम्, “थेङ्‍माचे ङत प्रभुत बीस्‍वास् स्‍य्‍हेङ्‌बे अङ म्‍हेन्‍सम् ङइ दीम्‍री ब्‍योन्‍खज्‍यीम् स्‍य्‍हुजेतो” बी पङ्‍ज्‍यीम् ङ्‍यीमात थेइ दीम्‍री ङ्‌यीबरी कर् लज्‍यी।

प्रेरीत् 16:34

हुजु लीप्‍चे हाकीम्‍चे पावलतेङ् सीलासत र्‌हङ्‌की दीम्‍न्‍हङ् बोर्‌ज्‍यीम् चब क्‍योङ्‍ज्‍यी। ओसेम् पर्‌मेस्‍वर्‌त बीस्‍वास् स्‍य्‍हेङ्‌बल तज्‍यीम् थेतेङ् थेइ म्‍हेम्‍यमा जम्‍मनो तङ्‌ज्‍यी।

प्रेरीत् 2:41

हुजु लीप्‍चे य्‍हक्‍को म्‍हीमाचे थेचे पङ्‍बे तम्‍त बीस्‍वास् लज्‍यीम् बप्‍तीस्‍मा कीन्‍ज्‍यी। हुजु दीन्‍कुनो थेङ्‍यीमातेङ् हजार सोम्‍गदे म्‍हीमा कप्‍ज्‍यी।