लुका 19:47 - पश्‍चिम तामाङ

⁴⁷ ओसेम् येसुचे दीन्‍लनो पर्‌मेस्‍वर्‌त तेन्‍बे दीम्‍री लोप्‍जेत्‍ज्‍यी। तर ङ्‍हच्‍छ्‍यङ् लम्‍बुमा, धर्‌म लोप्‍पोन्‍मातेङ् म्‍हीमाकी अगुवामाचे थेङ्‌त सेत्‍प म्‍हइब मुबल।

लुका 19:47 ပူးပေါင်းရင်းမြစ်များ

मत्‍ती 21:23

येसु पर्‌मेस्‍वर्‌की दीम्‍री वङ्‍जेत्‍ज्‍यीम् लोप्‍जेत्‍टीबे बेलोरी ङ्‍हच्‍छ्‍यङ् लम्‍बुमातेङ् एल्‍डरमा थेङ्‌ज खज्‍यी। ओसेम् थेङ्‍यीमाचे थेङ्‌त ङ्‌योत्‍ज्‍यी, “एचे खजु अधीकार् ग्‍यम्‍चे चु लक्‍मा स्‍य्‍हेङ्‍टीब? एत चु अधीकार् खल्‍चे पीन्‍ज्‍यी?”

मत्‍ती 26:55

हुजु लीप्‍चे येसुचे य्‍हक्‍को म्‍हीमात सुङ्‌ज्‍यी, “एङ्‍यीमा तले ङत डाकुत चुङ्‌बरी र्‌हङ्‌ले तर्‌वालमातेङ् रोलेमा बज्‍यीम् खबल? दीन्‍लनो ङ पर्‌मेस्‍वर्‌की दीम्‍री लोप्‍ज्‍यीम् टीबे बेलोरी अचुङ्‍मु स्‍यीम्!

मर्‌कुस् 11:18

चु तम् ङ्‍हच्‍छ्‍यङ् लम्‍बुमातेङ् धर्‌म लोप्‍पोन्‍माचे थ्‍येःज्‍यी। ओसेम् थेङ्‍यीमाचे येसुत खले सेत्‍प पङ्‍ज्‍यीम् ज्‍यप्‍ज्‍यीम् च्‍याब तीप्‍ज्‍यी। तर थेङ्‌यीमा येसुतेङ् लोङ्‍बल मुबल। तलेपङ्‍सम् जम्‍म म्‍हीमा थेङ्‌चे लोप्‍जेत्‍पे फ्रोइरी तेङेन् तबल मुबल।

मर्‌कुस् 12:12

यहुदी अगुवामाचे येसुत चुङ्‍ब म्‍हइज्‍यी, तलेपङ्‍सम् थेङ्‌चे सुङ्‍बे अर्‌थ थेङ्‌यीमाकी बीरुद्‍दरी सुङ्‌बल बी था मुबल। तर थेङ्‌यीमा य्‍हक्‍को म्‍हीमातेङ् लोङ्‍बल तज्‍यीम् थेङ्‌त ख्‍लेथेन्‍ज्‍यीम् य्‍हर्‌ज्‍यी।

मर्‌कुस् 14:1

नीस्‍तार् पर्‌वतेङ् खमीर् अयुबे ग्‍येङ् चबे दीन् खबरी ङ्‍य्‍हीरेत् चेत्‍प मुबल। ङ्‍हच्‍छ्‍यङ् लम्‍बुमातेङ् धर्‌म लोप्‍पोन्‍माचे येसुत कुटीले चुङ्‌ज्‍यीम् सेत्‍परी ज्‍यप्‍टीब मुबल।

मर्‌कुस् 14:49

ङ दीन्‍लनो एङ्‌यीमातेङ् बक्‍च्‍य पर्‌मेस्‍वर्‌की दीम्‍री लोप्‍ज्‍यीम् टीबे बेलोरी एङ्‍यीमाचे ङत अचुङ्‍मु स्‍यीम्। तर धर्‌मइ छ्‍येःइ तम् पुरा तबे लागीरी चोले तबल य्‍हीन्‍ब।”

लुका 19:48

तर थेङ्‍यीमाचे थेङ्‌त सेत्‍परी मौक अयङ्। तलेपङ्‍सम् जम्‍मा म्‍हीमा थेङ्‌की फ्रोइत सेम् य्‍हङ्‌सेनो ङ्‌येन्‍टीब मुबल।

लुका 20:19

धर्‌म लोप्‍पोन्‍मातेङ् ङ्‍हच्‍छ्‍यङ् लम्‍बुमाचे येसुत हुजु बेलोरीनो चुङ्‌ब छ्‌यज्‍यी। तलेपङ्‍सम् थेङ्‌चे हुजु अर्‌थ थेङ्‌यीमाकी बीरुद्‍दरी सुङ्‌बल बी थेङ्‍यीमाचे स्‍येःबल मुबल। तर थेङ्‌यीमा म्‍हीमातेङ् लोङ्‍ब मुबल।

युहन्‍ना 10:39

चु थ्‍येःब बीसेम् थेङ्‍यीमाचे देबेएनो थेङ्‌त चुङ्‍ब म्‍हइज्‍यी, तर थेङ् थेङ्‍यीमा ग्‍यम्‍से स्‍येजेत्‍ज्‍यी।

युहन्‍ना 18:20

येसुचे थेत जोहप् न्‍हङ्‌ज्‍यी, “ङचे जम्‍मइ ङ्‍होन्‍सङ् जम्‍मचेनो थ्‍येःनले लोप्‍पल मुब। ङचे यहुदीमा र्‌हुब तबे दीम्‍मातेङ् पर्‌मेस्‍वर्‌की दीम्‍री दीन्‍लनो लोप्‍पल मुबल, हुजुमारी य्‍हक्‍को म्‍हीमा र्‌हुब तबल मुबल। ङचे खेमेएनो खोसोक्‍ले लोप्‍पल अरे।

युहन्‍ना 7:19

मोसाचे एङ्‌यीमात पर्‌मेस्‍वर्‌की नीयम् पीन्‍बल अय्‍हीनो स्‍यीम्? तर एङ्‌यीमा खल्‍चेएनो पर्‌मेस्‍वर्‌की हुजु नीयम् अङ्‍य्‍हेन्। तले एङ्‍यीमाचे ङत सेत्‍प म्‍हइबल?”

युहन्‍ना 7:44

ओसेम् डेत्-डेत्‍चेम् थेङ्‌त चुङ्‍ब म्‍हइज्‍यी, तर खल्‍चेएनो थेङ्‌त या अजङ्।