लुका 17:25 - पश्‍चिम तामाङ

²⁵ तर ङोन्‍ग्‍यम् थेचे य्‍हक्‍को दुख ना:थोस्‍ये मुब। ओसेम् चु पुस्‍तइ म्‍हीमाचे अखोस्‍ये मुब।

लुका 17:25 ပူးပေါင်းရင်းမြစ်များ

मत्‍ती 16:21

हुजु बेलो य्‍हङ्‌सेनो येसुचे थेङ्‌की डबमात सुङ्‌ज्‍यी, “ङ यरुसलेम्‍री ङ्‍यीथोब, ओसेम् अगुवामातेङ् ङ्‍हच्‍छ्‍यङ् लम्‍बुमा ओसेम् धर्‌म लोप्‍पोन्‍मा ग्‍यम्‍से दुख नाथोब, ओसेम् ङ स्‍यीस्‍ये मुब, तर सोम्‍रेत्कुनो स्‍यीब ग्‍यम्‍से सोस्‍ये मुब।”

मत्‍ती 21:42

येसुचे थेङ्‌यीमात सुङज्‍यी, “एङ्‍यीमाचे धर्‌मइ छ्‍येःरी ब्रीबे चु तम् खेमेएनो खेत्‍पल अरे? ‘कर्‌मीमाचे लक् अत पङ्‍ज्‍यीम् ख्‍लाबे युङ्‌ब स्‍हुर् युङ्‌ब तखज्‍यी, परमप्रभुचेनो चु स्‍य्‍हेङ्‌जेत्‍पल य्‍हीन्‍ब, ओसेम् चु ङ्‍य्‍हङ्‍माइ लागीरी अचम्‍म य्‍हीन्‍ब।’

मर्‌कुस् 10:33

थेङ्‌चे सुङ्‌ज्‍यी, “ङ्‌येनो, देरे ङ्‍य्‍हङ्‍मा यरुसलेम्‍री ङ्‍यीटीबल मुब। म्‍हीइ जत हुजुरी चुङ्‌ज्‍यीम् ङ्‍हच्‍छ्‍यङ् लम्‍बुमातेङ् धर्‌म लोप्‍पोन्‍माकी यारी सोप्‍तीस्‍ये मुब। थेङ्‍यीमाचे थेत सेत्‍नोथोब पङ्‍ज्‍यीम् रोमी म्‍हीमाकी यारी सोप्‍तीस्‍ये मुब।

मर्‌कुस् 12:10

एङ्‍यीमाचे धर्‌मइ छ्‍येः खेत्‍पल अरेउ? ‘खजु युङ्‌बत कर्‌मीमाचे लक् अत पङ्‍ज्‍यी, हुजु युङ्‍बनो स्‍हुर् युङ्‌ब तखज्‍यी।

मर्‌कुस् 8:31

हुजु लीप्‍चे येसुचे डबमात र्‌हङ्‌की बारेरी चोले सुङ्‌ज्‍यी, “म्‍हीइ जचे य्‍हक्‍को दुख नाथोस्‍ये मुब। ओसेम् थेत अगुवामा, ङ्‍हच्‍छ्‍यङ् लम्‍बुमा ओसेम् धर्‌म लोप्‍पोन्‍माचे बीरोद् लज्‍यीम् सेत्‍स्‍ये मुब। तर थे सोम्‍रेत् लीप्‍चे दोज्‍यीम् सोस्‍ये मुब।”

मर्‌कुस् 9:31

तलेपङ्‍सम् थेङ्‌चे र्‌हङ्‌की डबमात लोप्‍जेत्‍टीब मुबल। थेङ्‌चे थेङ्‌यीमात सुङ्‌ज्‍यी, “म्‍हीइ जत म्‍हीमाकी यारी सोप्‍तीस्‍ये मुब, ओसेम् थेङ्‍यीमाचे थेत सेत्‍स्‍ये मुब। तर स्‍यीज्‍यीम् सोम्‍रेत् लीप्‍चे थे सोज्‍यीम् रेःस्‍ये मुब।”

लुका 18:31

येसुचे चुङ्‌ङ्‌य्‍ही डबमात तीच्‍छङ् नोम्‍ज्‍यीम् थेङ्‌यीमात सुङ्‌ज्‍यी, “ङ्‌येनो, ङ्‌य्‍हङ्‌मा यरुसलेम्‍क्‍योर् य्‍हर्‌टीब। अगम्‍बक्‍तमाचे म्‍हीइ जइ बारेरी ब्रीबे जम्‍मा तम् हुजुरी पुरा तस्‍ये मुब।

लुका 18:33

थेमाचे थेत कोर्‌रचे ग्‍यङ्‌स्‍ये मुब ओसेम् सेत्‍स्‍ये मुब। तर थे सोम्‍रेत्‍की दीन्‍री सोज्‍यीम् रेःस्‍ये मुब।”

लुका 24:46

ओसेम् थेङ्‌यीमात सुङ्‌ज्‍यी, “चोले ब्रीबल मुब, मुक्‍ती न्‍हङ्‌बे ख्रीस्‍ट्‍चे दुख नाज्‍यीम् स्‍यीथोस्‍ये मुब। ओसेम् सोम्‍रेत् कुनो स्‍यीब ग्‍यम्‍से सोथोस्‍ये मुब।

लुका 9:22

थेङ्‌चे डबमात सुङ्‌जेत्‍ज्‍यी, “म्‍हीइ जचे य्‍हक्‍को दुख नास्‍ये मुब। थेङ्‌त अगुवामा, ङ्‍हच्‍छ्‍यङ् लम्‍बुमा ओसेम् धर्‌म लोप्‍पोन्‍माचे अखोज्‍यीम् सेत्‍लास्‍ये मुब। तर थे सोम्‍रेत्‍की दीन्‍री सोस्‍ये मुब।”

युहन्‍ना 1:11

थेङ् र्‌हङ्‌की म्‍हीमाजनो ब्‍योन्‍युज्‍यी, तर र्‌हङ्‌की म्‍हीमाचेनो थेङ्‌त ग्रहन् अस्‍य्‍हेङ्।

युहन्‍ना 12:38

अगम्‍बक्‍त यसैयाचे पङ्‍बे चु तम् टोप् तखज्‍यी, “परमप्रभु, खल्‍चे ङ्‍यीमाकी सम्‍तर्‌त पतइतीज्‍यी? ओसेम् परमप्रभुइ ङ्‍हच्‍छ्‍यङ् सक्‍ती खलत ङोन्‍ज्‍यी?”