लुका 17:24 - पश्‍चिम तामाङ

²⁴ तलेपङ्‍सम् मुरी तीप्‍लीक् फ्‍लीक्‍पतेङ् गुः गीःचे गीःब गुःसम्‍म य्‍हल् तब र्‌हङ्‌ले म्‍हीइ ज युबे दीन्‍री जम्‍मा म्‍हीमाचे थेङ्‌त म्रङ्‌स्‍ये मुब।

लुका 17:24 ပူးပေါင်းရင်းမြစ်များ

मत्‍ती 24:27

तलेपङ्‍सम् तीप्‍लीक् फ्‍लीक्‍पतेङ् मुरी स्‍यर् य्‍हङ्‍से न्‍हुब् सम्‍मनो य्‍हल् तब र्‌हङ्‌ले म्‍हीइ ज युबे दीन्‍रीएनो जम्‍म म्‍हीमाचे थेङ्‌त म्रङ्‌स्‍ये मुब।

मत्‍ती 24:30

“हुजु लीप्‍चे म्‍हीइ जइ चीनो मुरी म्रङ्‌स्‍ये मुब, ओसेम् जम्‍बुलीङ्‌की जम्‍मनो म्‍हीमा क्रास्‍ये मुब। थेङ्‍यीमाचे म्‍हीइ जत मुक्‍पन्‍हङ् ङ्‍हच्‍छ्‍यङ् सक्‍तीतेङ् महीमारी युटीबल म्रङ्‌स्‍ये मुब।

मत्‍ती 25:31

“म्‍हीइ ज जम्‍मनो स्‍वर्‌गदुत्‍मातेङ् बक्‍च्‍य र्‌हङ्‌की महीमारी युस्‍ये मुब, ओसेम् र्‌हङ्‌की महीमाकी ठीरी टीस्‍ये मुब।

मत्‍ती 26:64

येसुचे जोहाप् न्‍हङ्‌ज्‍यी, “हुजुम् थेङ्‌चेनो सुङ्‌ज्‍यी। ङ थेङ्‍मात पङ्‍ब, देरेम् ग्‍योनेनो थेङ्‍माचे म्‍हीइ जत सक्‍तीसाली पर्‌मेस्‍वर्‌की केत् फ्‍या पट्‍टीइ ठीःरी टीटीबल, ओसेम् थेत स्‍वर्‌ग ग्‍यम्‍से मुक्‍पन्‍हङ् युटीबल म्रङ्‌स्‍ये मुब।”

मत्‍ती 5:15

खल म्‍हीचेएनो बत्‍ती म्रज्‍यीम् पतीचे अउप्, तर दीम्‍री मुबलमा जम्‍मतनो य्‍हल् पीन्‍खइ पङ्‍ज्‍यीम् नोबे ग्‍लारी थेन्‍ब।

१ कोरीन्‍थी 1:8

ङ्‍य्‍हङ्‍की प्रभु येसु ख्रीस्‍ट् दो:ज्‍यीम् ब्‍योन्‍युबे दीन्‍री एङ्‍यीमा दोस् अरेबल तखइ पङ्‍ज्‍यीम् पर्‌मेस्‍वर्‌चे ज्‍युकी दीन्‍सम्‍मनो एङ्‌यीमाकी बीस्‍वास्‍त कोङ्‍नलजेत्‍स्‍ये मुब।

१ थेस्‍लोनीकी 5:2

तलेपङ्‍सम् प्रभु ब्‍योन्‍युबे दीन् सेम्‍चे अम्‍हेन्‍बे बेलोरी म्‍हुन य्‍हो खब र्‌हङ्‌ले खस्‍ये मुब बी एङ्‍यीमाचे ज्‍यनले स्‍येब।

२ थेस्‍लोनीकी 2:2

एङ्‌यीमात खल्‍चे पङ्‌लेनो प्रभु ब्‍योन्‍युबे दीन् खबल मुब बी ङ्‌यीमाचे र्‌हङ्‌ले अगम्बानी ग्‍यम्‍से पङ्‌लेनो, प्रचार ग्‍यम्‍से पङ्‌लेनो, चीठी ग्‍यम्‍से पङ्‌लेनो एङ्‍यीमा थलोङो ओसेम् थथोमो।

२ थेस्‍लोनीकी 2:8

हुजु लीप्‍चे पर्‌मेस्‍वर्‌की नीयम्‍त अङ्‍येन्‍बे हुजु म्‍ही म्रङखस्‍ये मुब। ओसेम् प्रभु येसु ख्रीस्‍ट् ब्‍योन्‍युजेत्‍प बीसेम् र्‌हङ्‌की य्‍हल्‍की सक्‍तीतेङ् बु: गीःचेनो थेत नास् स्‍य्‍हेङ्‍जेत्‍स्‍ये मुब।

याकुब 5:8

होलेनो एङ्‌यीमाएनो धैर्‌य लज्‍यीम् टीउ, ओसेम् प्रभुरी भरोसा कोङनले थेनो, तलेपङ्‌सम् प्रभु ब्‍योन्‍युबे दीन् ज्‍यदङ् खटीबल मुब।

२ पत्रुस 3:10

तर प्रभुइ दीन्मी म्‍हीमाचे सेम्‍चेनो अम्‍हेन्‍बे बेलोरी य्‍हो खब र्‌हङ्‌ले खस्‍ये मुब। हुजु दीन्‍री ङ्‍हच्‍छ्‍यङ् केत् डोङ्‍ज्‍यीम् मु म्‍हज्‍यीम् य्‍हर्‌स्‍ये मुब। ओसेम् मुरी मुबे जम्‍मनो स्‍हेमा क्रोज्‍यीम् नास् तस्‍ये मुब। जम्‍बुलीङ्‌तेङ् जम्‍बुलीङ्‌री मुबे जम्‍मनो स्‍हेमा नास् तस्‍ये मुब।