लुका 17:1 - पश्‍चिम तामाङ

¹ येसुचे थेङ्‌की डबमात सुङ्‌ज्‍यी, “म्‍हीत पाप स्‍य्‍हेङ्‌न लबे तम्‍मा खब। तर पाप स्‍य्‍हेङ्‌न लबरी परीक्ष बबे म्‍हीत धीक्‍कार!

लुका 17:1 ပူးပေါင်းရင်းမြစ်များ

मत्‍ती 16:23

येसुचे पत्रुसत दोःज्‍यीम् स्‍हीज्‍यी ओसेम् सुङ्‌ज्‍यी, “ओ सैतान, ए ङ ग्‍यम्‍से थारीङ् य्‍हरो, ए ङइ लागीरी थोक्‍पे युङ्‌ब य्‍हीन्‍ब, तलेपङ्‍सम् एचे म्‍हेन्‍बे चु तम् पर्‌मेस्‍वर्‌की थुः ग्‍यम्‍से अय्‍हीन् तर म्‍ही ग्‍यम्‍से य्‍हीन्‍ब।”

मत्‍ती 18:7

धीक्‍कार चु जम्‍बुलीङ्‍त! तलेपङ्‍सम् म्‍हीमात पापरी फसइतीबे तम्‍मा चु जम्‍बुलीङ्‌री मुब। परीक्षमा खनो-खब, तर धीक्‍कार, हुजु म्‍हीत खल्‍चे ल्‍हो-ल्‍होत पापरी दोनलब!

लुका 16:31

अब्राहमचे थेत पङ्‌ज्‍यी, ‘थेङ्‍यीमाचे मोसातेङ् अगम्‍बक्‍तमाकी तम् अङ्‌येन्‍ज्‍यी पङ्‌सम् स्‍यीबलमा खल सोज्‍यीम् ङ्‌यीलेएनो थेङ्‍यीमाचे बीस्‍वास् स्‍य्‍हेङ्‌स्‍ये अरे।’”

रोमी 14:13

होत्‍तज्‍यीम् ङ्‌य्‍हङ्‌माचे गी:चे गी:त दोस् ल्‍हइतीब पीत्‍थोब। बरु ङ्‌य्‍हङ्‍माचे ल्‍हो-ल्‍हो बीस्‍वासी र्‌होमात थोक्‍न लबे लक्‍तेङ् पाप्‍री दो:न लबे लक् खेमेएनो अस्‍य्‍हेङ् पङ्‌ज्‍यीम् पक्‍क लइ।

रोमी 16:17

बीस्‍वासी र्‌होमा, ङ एङ्‌यीमात फ्‍या लब, एङ्‌यीमाकी गुङ्‍री थीनलबतेङ् एङ्‌यीमाकी बीस्‍वास्‍त थोक्‍नलबे म्‍हीमा ग्‍यम्‍से होसीयार्‌ले टीउ। एङ्‌यीमाचे ङ्‌यीमा ग्‍यम्‍से लोप्‍पे तम्‍माकी बीरोद् थेङ्‍यीमाचे स्‍य्‍हेङ्‍ब। होतेबे म्‍हीमा ग्‍यम्‍से थारीङ्‍नो टीउ।

१ कोरीन्‍थी 10:32

एङ्‍यीमाचे यहुदीमा य्‍हीन्‍लेनो, यहुदी अय्‍हीन्‍बे म्‍हीमा य्‍हीन्‍लेनो, ओसेम् पर्‌मेस्‍वर्‌की मन्‍डली य्‍हीन्‍लेनो खल्‍तएनो न्‍होङ्‍नलबे लक् थस्‍हेङो।

१ कोरीन्‍थी 11:19

पर्‌मेस्‍वर्‌चे दम्‍जेत्‍पे म्‍हीमा स्‍येःबरी एङ्‍यीमान्‍हङ्‍री थीएनो थीथोःब।

१ कोरीन्‍थी 8:13

होत्‍तज्‍यीम् ङचे चबे चबचे ङइ बीस्‍वासी र्‌होमात पाप् स्‍य्‍हेङ्‍नलब पङ्‌सम् ङ थेमाइ सेम् अन्‍होङ्‍बे लागीरी ङचे दोज्‍यीम् खेमेएनो ख्‍लत पीन्‍बे स्‍य चस्‍ये अरे।

१ तीमोथी 4:1

पबीत्र आत्‍माचे गोनलेनो सुङ्‌ब, लीक्‍क्‍यम्‍की बेलोरी डेत्‍डेत् म्‍हीमाचे बीस्‍वास् स्‍य्‍हेङ्‌ब पीत्‍लास्‍ये मुब। ओसेम् थेङ्‍यीमाचे भ्‍युकी आत्‍मामातेङ् म्‍हङ्‍माचे पङ्‍बे तम्‍मा ङ्‍येन्‍स्‍ये मुब।

प्रकास 2:14

तर एइ बीरुद्‍दरी ङचे पङ्‍थोबे तम् चेक् मुब। एङ्‌यीमाकी गुङ्‍री बालाम्‍की तम् ङ्‍येन्‍बमा डेत्‍डेत् मुब। ख्‍लमात पीन्‍बे चब चज्‍यीम् ओसेम् बेस्‍या स्‍य्‍हेङ्‌ज्‍यीम् इस्राएलीमात पाप् स्‍य्‍हेङ्‍नलबरी बालाम्‍चे बालाक ग्‍यल्‍बोत लोप्‍ज्‍यी।

प्रकास 2:20

तर एइ बीरुद्‍दरी ङचे चु तम् पङ्‍नोथोःब: एचे इजेबेल पङ्‍बे अमकोलचे पङ्‍बे तम्‍त ङ्‍येन्‍ब। थेचे थे अगम्‍बादीनी य्‍हीन्‍ब पङ्‍ब तर र्‌हङ्‍की तम्‍माचे ङइ सेवा स्‍य्‍हेङ्‌बे म्‍हीमात बेस्‍या स्‍य्‍हेङ्‌बरी ओसेम् ख्‍लमात पीन्‍बे चब चबरी लोप्‍ज्‍यीम् फसइतीब।