लुका 16:9 - पश्‍चिम तामाङ

⁹ “ङ एङ्‌यीमात पङ्‌ब, चु जम्‍बुलीङ्‌की सम्‍पत्तीचे र्‌होमा स्‍य्‍हेङो। तलेपङ्‍सम् हुजु सम्‍पत्‍ती बेबतेङ् थेङ्‍यीमाचे एङ्‌यीमात खेमेएनो अबेनले टीबे ग्‍लारी स्‍वागत स्‍य्‍हेङ्‌स्‍ये मुब।”

लुका 16:9 ပူးပေါင်းရင်းမြစ်များ

मत्‍ती 19:21

येसुचे थेत सुङ्‌ज्‍यी, “ए देमेन्‍नो पर्‌मेस्‍वर्‌की ङ्‍होन्‍सङ् ज्‍यब तइ म्‍हेन्‍सम् ङ्‌यीज्‍यीम् एतेङ् मुबे जम्‍मनो स्‍य्‍हेमा चुङ्‌ज्‍यीम् प्रङ्‌नमात पीनो, ओसेम् एचे स्‍वर्‌गरी सम्‍पतीमा यङ्‍स्‍ये मुब। हुजु लीप्‍चे खज्‍यीम् ङइ लीक्‍यम् ब्रउ।”

मत्‍ती 6:19

“र्‌हङ्‌की लागीरी जम्‍बुलीङ्‌री सम्‍पती र्‌हुब्‍ज्‍यीम् थेन्‍बे सेम् थलउ। चु जम्‍बुलीङ्‌री सोःबे सम्‍पतीमा बुलुङ्तेङ् चेःजे चब, ओसेम् य्‍होमा वङ्‌ज्‍यीम् य्‍होलब।

मत्‍ती 6:24

“खल्‍चेएनो न्‍याबो ङ्‌य्‍हीकी स्‍य्‍हप्‍तो स्‍य्‍हेङ्‌ब अखम्। थेचे गीःत खोस्‍ये मुब, ओसेम् गीःबत अखोस्‍ये मुब। ओसेम् गीःचे पङ्‍बे तम् ङ्‍येन्‍स्‍ये मुब, गीःबचे पङ्‍बे तम्‍मी अङ्‍येन्‍स्‍ये मुब। होलेनो एङ्‌यीमाचेएनो पर्‌मेस्‍वर्‌तेङ् टङइ स्‍य्‍हप्‍तो स्‍य्‍हेङ्‌ब अखम्।

लुका 11:41

तर तङ्‌लोमाकी न्‍हङ्‌री मुबे स्‍हेमा प्रङ्‌नमात पीनो ओसेम् एङ्‌यीमाइ जम्‍मा स्‍हेमा चोखो तस्‍ये मुब।”

लुका 12:33

एङ्‌यीमातेङ् मुबे स्‍हेःमा चुङ्‌ज्‍यीम् खबे टङ प्रङ्‌नमात पीनो ओसेम् र्‌हङ्‌की लागीरी खेमेनो अडेःबे सुर्‌केनी डुब्‍ज्‍यीम् खेमेनो अन्‍होङ्‍बे टङ स्‍वर्‌गरी र्‌हुब लो। हुजुरी य्‍होएनो अख, बुलुङ्‌चेएनो अच।

लुका 14:14

ओसेम् एचे मोलम् यङ्‌स्‍ये मुब। तलेपङ्‍सम् एत थेङ्‍यीमाचे खीत् फाब अखम्। तर धर्‌मी म्‍हीमाकी पुनरुत्‍थान् तबतेङ् पर्‌मेस्‍वर्‌चे एत खीत् न्‍हङ्‌स्‍ये मुब।”

लुका 16:11

एङ्‌यीमा जम्‍बुलीङ्‌की सम्‍पत्तीरी बीस्‍वासीलो अतसम्, एङ्‌यीमात खल्‍चे देमेन्‍की सम्‍पत्‍ती सोप्‍तीबरी बीस्‍वास् स्‍य्‍हेङ्‌ल?

लुका 16:13

“योक्‍पो गीःचे मालीक् ङ्‌य्‍हीकी सेवा स्‍य्‍हेङ् अखम्। थेचे गीःत म्‍होइब ओसेम् गीःबत अम्‍होइ। ओसेम् थेचे गीःचे पङ्‌बल ङ्‌येन्‍ब, गीःबचे पङ्‌बल अङ्‌येन्। एङ्‍यीमाचे पर्‌मेस्‍वर्‌तेङ् टङइ सेवा बक्‍च्‍य स्‍य्‍हेङ् अखम्।”

लुका 16:4

देरेम् ङचे चु लक् स्‍य्‍हेङ् अम्‍यङ्‌लेनो म्‍हीमाचे ङत थेङ्‌यीमाकी दीम्‍री स्‍वागत् स्‍य्‍हेङ्‌न लबे लागीरी ङचे ता स्‍य्‍हेङ्‌थोब बी ङत था मुब।’

प्रेरीत् 10:31

‘कर्‌नेलीयस, पर्‌मेस्‍वर्‌चे एइ प्रार्‌थना सेन्‍जेत्‍पल मुब। ओसेम् एचे प्रङ्‌नमात चब थुङ्‍ब पीन्‍बल थेङ्‌चे व्‍हल् लजेत्‍पल मुब।

प्रेरीत् 10:4

कर्‌नेलीयस लोङ्‌ज्‍यी, ओसेम् स्‍वर्‌गदुत्‍त च्‍याज्‍यीम्, “प्रभु सुङो!” बी पङ्‍मम् स्‍वर्‌गदुत्‍चे पङ्‍ज्‍यी, “एचे स्‍य्‍हेङ्‌बे प्रार्‌थनातेङ् एचे प्रङ्‌नमात पीन्‍बे चब थुङ्‍ब पर्‌मेस्‍वर्‌त सेम्‍री ङ्‌यीबे ठा र्‌हङ्‌ब तबल मुब।

२ कोरीन्‍थी 4:17

तलेपङ्‍सम् ङ्‌यीमाचे देरे य्‍हम्‍की लागीरी नाबे दुखमी लीक्‍यम् यङ्‍स्येकी ङ्‍य्‍हक्‍को ङ्‍हच्‍छ्‍यङ्तेङ् खेमेएनो अबेबे महीमत व्‍हल् लज्‍यीम्‍मी देमेन्‍नो तेएनो अय्‍हीन्।

यहुदा 1:21

ओसेम् खेमेएनो अबेबे जीवन्‍की लागीरी ङ्‍य्‍हङ्‍की प्रभु येसु ख्रीस्‍ट्‍की क्रीपा ब्रेन्‍ज्‍यीम् टीबतेङ् एङ्‍यीमाचे र्‌हङ्‌चे र्‌हङ्‍त पर्‌मेस्‍वर्‌की म्‍होइबरी थेनो।