लुका 16:20 - पश्‍चिम तामाङ

²⁰ तर थेइ म्रप्‍री ल्‍ही ल्‍हुङ्‌पनो पोर् मुबे लाजरस पङ्‌बे प्रङ्‌न म्‍ही गीःत म्‍हीमाचे बज्‍यीम् थेन्‍बल मुबल।

लुका 16:20 ပူးပေါင်းရင်းမြစ်များ

मत्‍ती 26:71

ओसेम् पत्रुस दोइ म्रप्‍क्‍योर् ङ्‍यीज्‍यी, हुजुरी ल्‍हो-ल्‍हो अमकोल योक्‍पो गीःचे थेत म्रङ्‌ज्‍यीम् हुजुरी मुबे म्‍हीमात पङ्‍ज्‍यी, “चु म्‍हीएनो नासरत्‍की येसुतेङ् बक्‍च्‍य मुबल।”

लुका 16:19

येसुचे देबेएनो सुङ्‌ज्‍यी, “बरु म्‍ही गीः मुबल, हुजु म्‍हीचे य्‍हक्‍को सेइ फाबे ज्‍यबे येन् येन्‍ज्‍यीम् दीन्‍लनो रोङ्‌ब-रोङ्‌ब चज्‍यीम् टीब मुबल।

लुका 16:21

थेचे बरु म्‍हीचे चज्‍यीम् तइबे स्‍यीरमा चज्‍यीम् र्‌हङ्‌की फो म्रेन्‍न लबे सेम् लब मुबल। ओसेम् नीकीमा खज्‍यीम् थेइ पोर् ल्‍हेम्‍पीन्‍ब मुबल।

युहन्‍ना 11:1

बेथनीया पङ्‍बे नम्‍सरी टीबे लाजरस पङ्‍बे म्‍ही गी नबल मुबल। ओसेम् थेइ अनमा मरीयमतेङ् मार्‌थएनो बेथानीयारी टीबल मुबल।

प्रेरीत् 3:2

हुजुरी पर्‌मेस्‍वर्‌की दीम्‍न्‍हङ् वङ्‌बे ज्‍यबे म्रप् पङ्‍बे म्रप्‍री न्‍हब य्‍हङ्‌सेनो स्‍हेल्‍हेन्‍दी तबे म्‍ही गीःत म्‍हीमाचे दीन्‍लनो नाबज्‍यीम् थेन्‍खब मुबल। थेचे पर्‌मेस्‍वर्‌की दीम्‍न्‍हङ् वङ्‌बे म्‍हीमातेङ् टङ र्‌हीत्‍प खम्‍खइ बी हुजुरी थेन्‍ब मुबल।

याकुब 1:9

प्रङ्‍न बीस्‍वासीमा एङ्‍यीमा तङ्‍थोब। तलेपङ्‍सम् एङ्‌यीमात पर्‌मेस्‍वर्‌चे ङ्‍हच्‍छ्‍यङ् स्‍हेस न्‍हङ्‌बल मुब।

याकुब 2:5

ङइ म्‍होइबे र्‌होमा, ङ्‌येनो, पर्‌मेस्‍वर्‌चे जम्‍बुलीङ्‌की प्रङ्‌नमात बीस्‍वास्‍री बरु तन लज्‍यीम् थेङ्‌की य्‍हुल्‍री हक् न्‍हङ्‍बरी दम्‍जेत्‍पल अय्‍हीनो स्‍यीम्? चु य्‍हुल् थेङ्‍त म्‍होइबलमात न्‍हङ्‍बरी पर्‌मेस्‍वर्‌चे बाचा स्‍हेङ्‍जेत्‍पल अय्‍हीनो स्‍यीम्?