लुका 16:19 - पश्‍चिम तामाङ

¹⁹ येसुचे देबेएनो सुङ्‌ज्‍यी, “बरु म्‍ही गीः मुबल, हुजु म्‍हीचे य्‍हक्‍को सेइ फाबे ज्‍यबे येन् येन्‍ज्‍यीम् दीन्‍लनो रोङ्‌ब-रोङ्‌ब चज्‍यीम् टीब मुबल।

लुका 16:19 ပူးပေါင်းရင်းမြစ်များ

मर्‌कुस् 15:17

ओसेम् थेङ्‍यीमाचे थेङ्‌त ग्‍यल्‍बोचे येन्‍ब र्‌हङ्‍बे खवल पीङ् येन् येन्‍पीन्‍ज्‍यी। ओसेम् पुजुइ पुजुइ क्रेःकी राज्‍यीम् थेङ्‌की क्ररी कुःपीन्‍ज्‍यी।

मर्‌कुस् 15:20

चोले थेङ्‍यीमाचे येसुत ङोब बुत्‍ज्‍यीम् खवल पीङ् येन् प्‍लोक्‍ज्‍यीम् थेङ्‌की न्‍हम्‍जनो येन्‍पीन्‍ज्‍यी। हुजु लीप्‍चे थेङ्‍यीमाचे थेङ्‌त क्रुस्‍री च्‍योबरी फीर्‌च्‍योर् बोर्‌ज्‍यी।

लुका 15:13

“तोव दीन् लीप्‍चे ज च्‍यङ्‌बचे र्‌हङ्‌की जम्‍मा सम्‍पत्‍ती बोर्‌ज्‍यीम् ल्‍हो-ल्‍हो य्‍हुल्‍री य्‍हर्‌ज्‍यी। हुजुरी थेचे र्‌हङ्‌की सम्‍पत्‍ती मनमोज्‍री बेलज्‍यी।

लुका 16:1

येसुचे र्‌हङ्‌की डबमात सुङ्‌ज्‍यी, “बरु म्‍ही गीःल सम्‍पत्‍तीमा कीन्‍ब पीन्‍ब स्‍य्‍हेङ्‌बे म्‍ही गीः मुबल। ‘हुजु कीन्‍ब पीन्‍ब स्‍य्‍हेङ्‌बे म्‍हीचे एइ सम्‍पत्‍तीमा तोर्‌मोर् स्‍य्‍हेङ्‌टीब’ बी म्‍हीमाचे बरु म्‍हीत स्‍येत्‍ज्‍यी।

लुका 16:18

खल्‍चे र्‌हङ्‌की म्रीङ्‌त सीङ्‌ग थाज्‍यीम् ल्‍हो-ल्‍होत भ्‍या स्‍य्‍हेङ्‌ब, थेचे ब्‍यभीचार् स्‍य्‍हेङ्‌ब। ओसेम् ल्‍हो-ल्‍होचे सीङ्‌ग थाबे म्रीङ्‌त भ्‍या स्‍य्‍हेङ्‌बे म्‍हीचेएनो ब्‍यभीचार् स्‍य्‍हेङ्‌ब।”

लुका 16:20

तर थेइ म्रप्‍री ल्‍ही ल्‍हुङ्‌पनो पोर् मुबे लाजरस पङ्‌बे प्रङ्‌न म्‍ही गीःत म्‍हीमाचे बज्‍यीम् थेन्‍बल मुबल।

प्रकास 17:4

हुजु अमकोलचे खवल खपीङ्‍तेङ् सर्‌पे वल येन् येन्‍बल मुबल, ओसेम् थे म्‍हर्‌तेङ् रत्‍नमा ओसेम् मोतीमा येन्‍ज्‍यीम् छ्‌येःबल मुबल। थेचे यारी म्‍हर्‌की खोरे गीः थोःटीब मुबल। हुजु खोरेमी थेचे स्‍य्‍हेङ्‌बे नेइबे तम्‍मातेङ् ब्‍यभीचार्‌की असुद्‍द तम्‍माचे प्‍लीङ्‍बल मुबल।

प्रकास 18:16

ओसेम् थेङ्‍यीमाचे पङ्‌स्‍ये मुब, “अम्‍मइ! हुजु ङ्‍हच्‍छ्‌यङ् सहर्, थेमी ज्‍यबे सुतीइ येन्, खवल खपीङ्‍तेङ् वल येन् येन्‍ज्‍यीम् य्‍हक्‍को सेइ फाबे म्‍हर्, रत्‍नमा ओसेम् मोतीमा येन्‍ज्‍यीम् छ्‌येःबे अमकोल र्‌हङ्‍ब मुबल।

प्रकास 18:7

ओसेम् थेचे गदे घमन्‍डतेङ् मनमोज्‍यी लज्‍यीम् टीज्‍यी, थेत होदेनो कस्‍टतेङ् दुख पीनो। तलेपङ्‍सम् थेचे सेम्‍न्‍हङ्‌रीनो पङ्‍ब, ‘ङमी ङ्‍हच्‍छ्‍यङ् ग्‍यल्‍मो तज्‍यीम् टीबल मुब, ङ र्‌हेम्‍बो स्‍यीबे अमकोल अय्‍हीन्, ङचे खेमेएनो दुख लथोस्‍ये अरे।’