लुका 16:11 - पश्‍चिम तामाङ

¹¹ एङ्‌यीमा जम्‍बुलीङ्‌की सम्‍पत्तीरी बीस्‍वासीलो अतसम्, एङ्‌यीमात खल्‍चे देमेन्‍की सम्‍पत्‍ती सोप्‍तीबरी बीस्‍वास् स्‍य्‍हेङ्‌ल?

लुका 16:11 ပူးပေါင်းရင်းမြစ်များ

मत्‍ती 6:24

“खल्‍चेएनो न्‍याबो ङ्‌य्‍हीकी स्‍य्‍हप्‍तो स्‍य्‍हेङ्‌ब अखम्। थेचे गीःत खोस्‍ये मुब, ओसेम् गीःबत अखोस्‍ये मुब। ओसेम् गीःचे पङ्‍बे तम् ङ्‍येन्‍स्‍ये मुब, गीःबचे पङ्‍बे तम्‍मी अङ्‍येन्‍स्‍ये मुब। होलेनो एङ्‌यीमाचेएनो पर्‌मेस्‍वर्‌तेङ् टङइ स्‍य्‍हप्‍तो स्‍य्‍हेङ्‌ब अखम्।

लुका 12:33

एङ्‌यीमातेङ् मुबे स्‍हेःमा चुङ्‌ज्‍यीम् खबे टङ प्रङ्‌नमात पीनो ओसेम् र्‌हङ्‌की लागीरी खेमेनो अडेःबे सुर्‌केनी डुब्‍ज्‍यीम् खेमेनो अन्‍होङ्‍बे टङ स्‍वर्‌गरी र्‌हुब लो। हुजुरी य्‍होएनो अख, बुलुङ्‌चेएनो अच।

लुका 16:12

ओसेम् एङ्‌यीमा ल्‍हो-ल्‍होइ सम्‍पत्तीरी बीस्‍वासीलो अतसम्, एङ्‍यीमाचे यङ्‌थोबे सम्‍पत्‍ती खल्‍चे एङ्‌यीमात पीन्‍ल स्‍यीम्?

लुका 16:9

“ङ एङ्‌यीमात पङ्‌ब, चु जम्‍बुलीङ्‌की सम्‍पत्तीचे र्‌होमा स्‍य्‍हेङो। तलेपङ्‍सम् हुजु सम्‍पत्‍ती बेबतेङ् थेङ्‍यीमाचे एङ्‌यीमात खेमेएनो अबेनले टीबे ग्‍लारी स्‍वागत स्‍य्‍हेङ्‌स्‍ये मुब।”

लुका 18:22

येसुचे थेइ तम् थेःज्‍यीम्, “एचे दवम् लक् गीः स्‍य्‍हेङ्‌थोस्‍ये मुब। एतेङ् मुबे जम्‍मा स्‍हेमा चुङ्‌ज्‍यीम् प्रङ्‌नमात पीनो। एचे स्‍वर्‌गरी स्‍हेमा यङ्‌स्‍ये मुब। ओसेम् खज्‍यीम् ङइ लीप्‍चे ब्रउ” बी सुङ्‌ज्‍यी।

एफीसी 3:8

पर्‌मेस्‍वर्‌की म्‍हीमान्‍हङ्‌री ङ गोदोब्‍न्‍हङ्‍री लक् अतबे म्‍ही तलेएनो ख्रीस्‍ट्‍की दप्‍ज्‍यीम् दप्‍प अखम्‍बे सम्‍पत्‍तीइ ज्‍यबे सम्‍तर् यहुदी अय्‍हीन्‍बे म्‍हीमात स्‍येत्‍पे लक् पर्‌मेस्‍वर्‌की अनुग्रह ग्‍यम्‍से थेङ्‍चे ङत न्‍हङ्‍जेत्‍ज्‍यी।

याकुब 2:5

ङइ म्‍होइबे र्‌होमा, ङ्‌येनो, पर्‌मेस्‍वर्‌चे जम्‍बुलीङ्‌की प्रङ्‌नमात बीस्‍वास्‍री बरु तन लज्‍यीम् थेङ्‌की य्‍हुल्‍री हक् न्‍हङ्‍बरी दम्‍जेत्‍पल अय्‍हीनो स्‍यीम्? चु य्‍हुल् थेङ्‍त म्‍होइबलमात न्‍हङ्‍बरी पर्‌मेस्‍वर्‌चे बाचा स्‍हेङ्‍जेत्‍पल अय्‍हीनो स्‍यीम्?

प्रकास 3:18

होत्‍तज्‍यीम् बरु तबरी मेरी ख्रङ्‍ज्‍यीम् खार्‌तीबे म्‍हर् ओसेम् एत पेत्‍नलबे क्‍लीङ्‍दो ल्‍हीः गप्‍परी तर् येन् ओसेम् एइ मीः म्रङ्‌बरी मलम् ङ ग्‍यम्‍से ग्‍लुबरी ङ एत सल्‍लह पीन्‍ब।