6 तर थेङ्यीमाचे तेएनो पङ्अखम्।
ओसेम् खल्चेएनो येसुत जोहाप् पीन्ब अखम्। ओसेम् हुजु दीन् य्हङ्से खल्चेएनो येसुत ल्हो-ल्हो तइ तमेएनो ङ्योत्पे आर् अल।
थेङ्चे चोले सुङ्मम् थेङ्की बीरोधीमा पेत्ज्यी। तर ल्हो-ल्हो म्हीमामी जम्मनो थेङ्चे स्य्हेङ्बे तेङेन्की लक् म्रङ्ज्यीम् तङ्टीब मुबल।
थेङ्यीमाचे म्हीमाइ ङ्होन्सङ् थेङ्त तेइ तम्रीएनो फसइतीज्यीम् चुङ्ब अखम्। होत्तज्यीम् थेङ्यीमा थेङ्की जोहाप्री थोम्ज्यीम् कुटीले टीज्यी।
हुजु लीप्चे खल्चेएनो येसुत तइ तमेएनो ङ्योत्प अखम्।
तलेपङ्सम् ङ एङ्यीमात चोतबे तम्की छीःतेङ् बुद्दी पीन्स्ये मुब। एङ्यीमात अखोबलमाचे एङ्यीमाइ तम् थाज्यीम् जोहाप्एनो फाब खम्स्ये अरे।
तर स्तीफनस्चे पबीत्र आत्माइ बुद्दी ग्यम्से तम् पङ्बल तज्यीम् थेङ्यीमा खल्चेएनो जोहाप् पीन्अखम्।
