लुका 14:27 - पश्‍चिम तामाङ

²⁷ ओसेम् खजु म्‍हीचे र्‌हङ्‌की क्रुस् नाज्‍यीम् ङइ लीप्‍चे अब्रज्‍यी हुजु ङइ डब ताअखम्।

लुका 14:27 ပူးပေါင်းရင်းမြစ်များ

मत्‍ती 10:38

ओसेम् र्‌हङ्‌की क्रुस् नाज्‍यीम् ङइ लीप्‍चे अब्रबे म्‍ही ङइ म्‍ही तबरी जेःबल अत।

मत्‍ती 13:21

तर थेङ्‌यीमाकी सेम्‍री टा अङ्‍यीबल तज्‍यीम् य्‍हम्‍बगीकीनो टीब। ओसेम् पर्‌मेस्‍वर्‌की फ्रोइ ङ्‌येन्‍बल तज्‍यीम् दुख खब साच्‍चेनो थेङ्‍यीमाचे थेङ्‌की फ्रोइत बीस्‍वास् स्‍य्‍हेङ्‌ब पीत्‍लाब।

मर्‌कुस् 10:21

येसुचे थेत म्‍होइज्‍यीम् स्‍हीजेत्‍ज्‍यी ओसेम् सुङ्‌ज्‍यी, “एचे दवम् लक् गीः स्‍य्‍हेङ्‌थोस्‍ये मुब। ङ्‍यीउ ओसेम् एइ मुब थम्‍चे स्‍हेमा चुङ्‌ज्‍यीम् प्रङ्‌नमात पीनो, एचे स्‍वर्‌गरी सम्‍पती यङ्‍स्‍ये मुब। हुजु लीप्‍चे खज्‍यीम् ङइ लीप्‍चे ब्रउ।”

मर्‌कुस् 15:21

ग्‍यम्‍री य्‍हर्‌टीमम् थेङ्‍यीमाचे कुरेनी पङ्‍बे ग्‍लाकी सीमोन पङ्‍बे म्‍हीत सहर्‌री खटीबल खदु तज्‍यी। थे अलेक्‍जेन्‍डरतेङ् रुफसकी अप मुबल। स्‍यीपाइमाचे थेत कर्‌लेनो येसुइ क्रुस् नापुङ्‍ज्‍यी।

लुका 14:28

“एङ्‌यीमा खल्‍चे पङ्‌लेनो धरहरा स्‍य्‍हेङ्‌बे सेम् लज्‍यी पङ्‌सम् हुजु धरहरा बुत्‍नले स्‍य्‍हेङ्‌बरी खर्‌च गदे ङ्‌यीब टीम् बी एचे ङोन्‍ग्‍यम्‍नो हीसाब अस्‍य्‍हेङ्‌ङो स्‍यीम्?

युहन्‍ना 19:17

ओसेम् येसुचे र्‌हङ्‌की क्रुस् र्‌हङ्‍चेनो नाजेत्‍ज्‍यीम् खप्‍पर् पङ्‍बे ग्‍लारी स्‍येजेत्‍ज्‍यी। (हुजुत हीब्रु ग्‍योत्‍री गलगथा पङ्‍ब।)

प्रेरीत् 14:22

थेङ्‍य्‍हीचे हुजु ग्‍लामारी मुबे बीस्‍वासीमात बीस्‍वास्‍री कोङ्‍नलज्‍यीम् खेम पङ्‌लेनो बीस्‍वास्‍री टीउ बी आर् पीन्‍ज्‍यीम् पङ्‍ज्‍यी। ओसेम्, “पर्‌मेस्‍वर्‌की य्‍हुल्‍री वङ्‌ब बीम ङोन्‍ग्‍यम् ङ्‍य्‍हङ्‍चे दुख नाथोब” पङ्‍बे तम् थेङ्‌यीमात लोप्‍ज्‍यी।

२ तीमोथी 1:12

होत्‍तज्‍यीम् ङचे चु तम्‍माकी दुख नाटीब मुब। तर ङ अपेत् तलेपङ्‍सम् ङचे खलत बीस्‍वास् स्‍य्‍हेङ्‍बल हुजु ङचे स्‍येःबल मुब। पर्‌मेस्‍वर्‌चे ङत सोप्‍तीबे तम्‍त थेङ्‌चेनो ख्रीस्‍ट् दो:युजेत्‍पे दीन् सम्‍मइ लागीरी ज्‍यनले थेन्‍जेत्स्‍ये मुब पङ्‍ज्‍यीम्‍एनो ङचे स्‍येब।

२ तीमोथी 3:12

येसु ख्रीस्‍ट्त बीस्‍वास् स्‍य्‍हेङ्‌ज्‍यीम् पर्‌मेस्‍वर्‌त सेम्‍री ङ्‌यीबे जीवन् सोबलमात म्‍हीमाचे दुख पीन्‍स्‍ये मुब।