लुका 14:15 - पश्‍चिम तामाङ

¹⁵ येसुतेङ् डोन् चबरी टीबलमाचे चु थ्‍येःज्‍यीम् गीःचे थेङ्‌त पङ्‌ज्‍यी, “पर्‌मेस्‍वर्‌की य्‍हुल्‍री डोन् चबलमा मोलम् यङ्‌बलमा य्‍हीन्‍ब।”

लुका 14:15 ပူးပေါင်းရင်းမြစ်များ

मत्‍ती 25:10

“हुजु मुर्‌ख कङ्‍य अमकोलमा छ्‌युकु ग्‍लुबरी ङ्‌यीबे बेलोरी दुलह दोखज्‍यी। ओसेम् टोप्‍ले छ्‍येज्‍यीम् टीटीबे बुद्‍दी मुबे कङ्‍य अमकोलमा दुलहतेङ् बक्‍च्‍य भ्‍याइ डोन् चबरी न्‍हङ्‌री वङ्‍ज्‍यी, ओसेम् म्रप् दुङ्‍ज्‍यी।

मत्‍ती 8:11

ङ एङ्‌यीमात देम्‍मेन्‍नो पङ्‍ब, स्‍यर्‌तेङ् न्‍हुब ग्‍यम्‍चे यहुदी अय्‍हीन्‍बे य्‍हक्‍को म्‍हीमा स्‍वर्‌गइ य्‍हुल्‍री खज्‍यीम् अब्रहामतेङ् इसहाक ओसेम् याकुबतेङ् बक्‍च्‍य डोन्‍री टीस्‍ये मुब।

लुका 12:37

मालीक् दोःज्‍यीम् खबे बेलोरी मालीक्‍त ब्रेन्‍ज्‍यीम् टीटीबे योक्‍पोमाचे य्‍हक्‍को मोलम् यङ्‌स्‍ये मुब। ङ एङ्‌यीमात देमेन्‍नो पङ्‌ब, थेचे हुजु योक्‍पोमात टीपुङ्‍ज्‍यीम् र्‌हङ्‌चेनो चबे स्‍हेःमा पीन्‍ज्‍यीम् क्‍योङ्‌स्‍ये मुब।

लुका 13:29

ओसेम् म्‍हीमा स्‍यर्, न्‍हुब, ल्‍होतेङ् ज्‍यङ्‌से खज्‍यीम् पर्‌मेस्‍वर्‌की य्‍हुल्‍री डोन् चबरी टीस्‍ये मुब।

लुका 22:16

तलेपङ्‍सम् ङ एङ्‌यीमात पङ्‌ब, पर्‌मेस्‍वर्‌की य्‍हुल्‍री चु डोन्‍की अर्‌थ पुरा अतगदे ङचे चु डोन् फेरी चस्‍ये अरे।”

लुका 22:30

एङ्‌यीमा ङइ य्‍हुल्‍री ङतेङ् बक्‍च्‍या चबथुङ्‌ब स्‍य्‍हेङ्‌स्‍ये मुब। ओसेम् ठीमारी टीज्‍यीम् इस्राएलकी खलक् चुङ् ङ्‌य्‍हीइ जोरी सासन् स्‍य्‍हेङ्‌स्‍ये मुब।”

प्रकास 19:9

ओसेम् स्‍वर्‌गदुत्‍चे ङत पङ्‍ज्‍यी, “चु तम् ब्रीउ- थुमाइ भ्‍याकी डोन् चबरी ङ्‌होत्‍पलमा जम्‍मनो मोलम् यङ्‍बलमा य्‍हीन्‍ब।” देबेएनो हुजु स्‍वर्‌गदुत्‍चे ङत पङ्‍ज्‍यी, “चुमानो पर्‌मेस्‍वर्‌की देमेन्‍की फ्रोइ य्‍हीन्‍ब।”