लुका 14:13 - पश्‍चिम तामाङ

¹³ तर एचे डोन् पीन्‍बतेङ् प्रङ्‌नमा, स्‍य्‍हेलेन्‍दी, खोरामा, ओसेम् कनमात ङ्‌होतो।

लुका 14:13 ပူးပေါင်းရင်းမြစ်များ

मत्‍ती 15:30

ओसेम् य्‍हक्‍को-य्‍हक्‍को म्‍हीमा थेङ्‌ज खज्‍यी। थेङ्‍यीमाचे खोरा, कनतेङ् लेम्‍ब ओसेम् ल्‍होल्‍होएनो य्‍हक्‍को नबमात बज्‍यीम् थेङ्‌की ङोन्‍री थेन्‍पीन्‍ज्‍यी। ओसेम् थेङ्‌चे हुजुमा जम्‍मतनो फेन्‍न लजेत्‍ज्‍यी।

मत्‍ती 22:10

होत्‍तज्‍यीम् हुजु योक्‍पोमा ग्‍यम् ल्‍हम्‍डमारी ङ्‌यीज्‍यीम् दोबलमा जम्‍मनो ज्‍यब-अज्‍यबमात ङ्‌होत्‍ज्‍यीम् बज्‍यी, ओसेम् भ्‍या स्‍य्‍हेङ्‌बे दीम् डोम्‍बोमाचे प्‍लीङ्ज्‍यी।

लुका 11:41

तर तङ्‌लोमाकी न्‍हङ्‌री मुबे स्‍हेमा प्रङ्‌नमात पीनो ओसेम् एङ्‌यीमाइ जम्‍मा स्‍हेमा चोखो तस्‍ये मुब।”

लुका 14:12

येसुचे र्‌हङ्‌त ङ्‌होत्‍पे ङ्‌होप्‍तात सुङ्‌जेत्‍ज्‍यी, “एचे डोन् पीन्‍बतेङ् र्‌हङ्‌की म्‍हेम्‍हेमा, अज्‍यो-अले, र्‌होमा ओसेम् बरु खीम्‍चेमात थङ्‌होतो। तलेपङ्‍सम् थेङ्‌यीमाचेएनो एचे र्‌हङ्‌लेनो ङ्‌होत्‍ज्‍यीम् एइ खीत् फाब।

लुका 14:14

ओसेम् एचे मोलम् यङ्‌स्‍ये मुब। तलेपङ्‍सम् एत थेङ्‍यीमाचे खीत् फाब अखम्। तर धर्‌मी म्‍हीमाकी पुनरुत्‍थान् तबतेङ् पर्‌मेस्‍वर्‌चे एत खीत् न्‍हङ्‌स्‍ये मुब।”

लुका 14:21

योक्‍पो दोःय्‍हर्‌ज्‍यीम् जम्‍मा तम्‍मा ङ्‌होप्‍तात स्‍येत्‍ज्‍यी। ओसेम् ङ्‌होप्‍तात बोमो रप्‍ज्‍यीम् योक्‍पोत पङ्‌ज्‍यी, ‘सहरकी ग्‍यम्‍मारी ओसेम् गल्‍लीमारी ग्‍योने ङ्‌यीज्‍यीम् प्रङ्‌नमा, स्‍य्‍हेलेन्‍दीमा, खोरामा ओसेम् कनमात ङ्‌होत्‍ज्‍यीम् बोउ।’

प्रेरीत् 9:39

होत्‍तज्‍यीम् पत्रुस थेङ्‍यीमातेङ् ङ्‍यीज्‍यी। हुजुरी दोःब बीसेम् थेङ्‍यीमाचे पत्रुसत दीम्‍की जोमी जोइ तलरी बोर्‌ज्‍यी। हुजुरी मुबे र्‌हेम्‍बो स्‍यीबे अमकोलमाचे पत्रुसत डोर्‌कासचे राबे येन्‍मा ङोन्‍ज्‍यीम् पत्रुसकी कोरोरो क्राज्‍यी।

१ तीमोथी 3:2

अगुवाइ लक् स्‍य्‍हेङ्‌बे म्‍ही ताइ दोस्‍एनो अरेबल तथोब, थेचे म्रीङ् गीकीनो भ्‍या स्‍य्‍हेङ्‍बल तथोब, र्‌हङ्‌चे र्‌हङ्‍त दुल्‍थोब, र्‌हङ्‌की सेम्‍त अधीन्‍री थेन्‍थोब, स्‍य्‍हेस यङ्‌बरी जेःबल तथोब, डोम्‍बो क्‍योङ्‍ब स्‍येथोःब ओसेम् थेचे ज्‍यनले लोप्‍प खम्‍थोब।

१ तीमोथी 5:10

थे ज्‍यबे लक्‍मा स्‍य्‍हेङ्‌ज्‍यीम् मीन् चल्‍दीबल तथोब, थेचे र्‌हङ्‍की कोलमात ज्‍यनले स्‍य्‍हप्‍तो स्‍य्‍हेङ्‍बल, डोम्‍बोमात दीम्‍री क्‍योङ्‍बल, बीस्‍वासीमाकी कङ् ख्रुबल, दुखरी मुबलमात र्‌हो स्‍य्‍हेङ्‍बल, ओसेम् खजु पङ्‌लेनो ज्‍यबे लक्‍मा स्‍य्‍हेङ्‍बल तथोब।

तीतस 1:8

तर थे डोम्‍बोमात स्‍य्‍हेस स्‍य्‍हेङ्‌बे म्‍ही, ज्‍यबे लक् स्‍य्‍हेङ्‌बरी तङ्‍बे म्‍ही, र्‌हङ्‌चे र्‌हङ्‍त दुल्‍बे म्‍ही, ज्‍यनले न्‍याय स्‍य्‍हेङ्‌बे म्‍ही, पबीत्र म्‍ही ओसेम् अनुसासन्‍री टीबे म्‍ही तथोब।

फीलेमोन 1:7

म्‍होइबे अले, एचे ल्‍हो-ल्‍होमात म्‍होइबल तज्‍यीम् ङचे य्‍हक्‍को तङ्‍बतेङ् य्‍हक्‍को आर् यङ्‌बल मुब। तलेपङ्‍सम् एचे पर्‌मेस्‍वर्‌की म्‍हीमाकी सेम् तङ्‍नलबल मुब।

हीब्रु 13:2

डोम्‍बोमात क्‍योङ्‍ब थम्‍लेतो। चोले डोम्‍बो क्‍योङ्‍बे बेलोरी कोइ कोइ म्‍हीमाचेम् अस्‍येननो स्‍वर्‌गदुत्‍मात क्‍योङ्‍ब मुबल।