लुका 13:4 - पश्‍चिम तामाङ

⁴ होलेनो सीलोआम्‍की धरहरा गुर्‌ज्‍यीम् स्‍यीबे चोप्‍प्रेत् म्‍हीमा यरुसलेमकी ल्‍हो-ल्‍हो जम्‍मा म्‍हीमा बीमम् य्‍हक्‍को पापी य्‍हीन्‍ब म्‍हेम्‍बो स्‍यीम्?

लुका 13:4 ပူးပေါင်းရင်းမြစ်များ

मत्‍ती 18:24

हुजु ग्‍यल्‍बोचे र्‌हङ्‌की हीसाब कीन्‍ब तीप्‍मम् हजार च्‍यी म्‍हर्‌की पइस छ्‍ये मुबे योक्‍पो गीत थेइज बज्‍यी।

मत्‍ती 6:12

ओसेम् ङ्‌यीमाचे स्‍य्‍हेङ्‌बे पापमात क्षमा स्‍य्‍हेङ्‌जेतो, खले ङ्‍यीमाचेएनो ङ्‌यीमाइ बीरुद्‍दरी पाप स्‍य्‍हेङ्‍बलमात क्षमा पीन्‍बल मुब।

लुका 11:4

ङ्‌यीमाचे स्‍य्‍हेङ्‌बे पापमा क्षमा न्‍हङ्‌जेतो तलेपङ्‍सम् ङ्‌यीमाइ बीरुद्‍दरी पाप स्‍य्‍हेङ्‌बलमात ङ्‍यीमाचेएनो क्षमा पीन्‍बल मुब। ओसेम् ङ्‌यीमात परीक्षरी ङीन थलजेतो।”

लुका 13:3

ङ एङ्‌यीमात पङ्‌ब, होले अय्‍हीन्! एङ्‌यीमाचेएनो पाप ग्‍यम्‍चे पस्‍चताप स्‍य्‍हेङ्‌ज्‍यीम् अदोःज्‍यी पङ्‌सम् एङ्‌यीमाएनो जम्‍मनो होले स्‍यीस्‍ये मुब।

लुका 13:5

ङ एङ्‌यीमात पङ्‌ब, होले अय्‍हीन्! एङ्‌यीमाचेएनो पाप ग्‍यम्‍चे पस्‍चताप स्‍य्‍हेङ्‌ज्‍यीम् अदोःज्‍यी पङ्‌सम् एङ्‌यीमाएनो जम्‍मनो होलेनो स्‍यीस्‍ये मुब।”

युहन्‍ना 9:11

थेचे म्‍हीमात जोहप् पीन्‍ज्‍यी, “येसु पङ्‍बे म्‍हीचे सेप्रतेङ् थो ज्‍योप्‍ज्‍यीम् ङइ मीःरी स्‍य्‍हल्‍पीन्‍ज्‍यी, ओसेम् ङत, ‘सीलोआमरी ङ्‍यीउ ओसेम् लीः ख्रुउ’ बी सुङ्‌ज्‍यी। ङचे ङ्‌यीज्‍यीम् ङइ ली ख्रुज्‍यी, ओसेम् ङइ मीःचे म्रङ्‌ब खम्‍ज्‍यी।”

युहन्‍ना 9:7

ओसेम् थेङ्‌चे सुङ्‌ज्‍यी, “ङ्‍यीउ, सीलोआम पङ्‍बे ग्‍येरी ङ्‌यीज्‍यीम् ली ख्रुउ।” (सीलोआम पङ्‍बलम् पीत्‍पल य्‍हीन्‍ब।) हुजु कन म्‍ही ङ्‌यीज्‍यीम् लीः ख्रुज्‍यी, ओसेम् थेइ मीः म्रङ्‌ब खम्‍ज्‍यीम् दोःखज्‍यी।

प्रेरीत् 28:4

हुजु ग्‍लाकी म्‍हीमाचे पावलकी यारी पुख्री येइज्‍यीम् टीबल म्रङ्‌ज्‍यीम् थेमान्‍हङ् चोले पङ्‍ज्‍यी, “चु म्‍ही देमेन्‍नो म्‍ही सेत्‍पे म्‍ही य्‍हीन्‍स्‍यील। थे समुन्‍द्रचे थर्‌ज्‍यीम् खलेएनो ख्‍लइ न्‍याय ग्‍यम्‍से थर् अखम्।”