लुका 13:34 - पश्‍चिम तामाङ

³⁴ “यरुसलेमकी म्‍हीमा! एङ्‍यीमाचे अगम्‍बक्‍तमात सेत्‍प ओसेम् पर्‌मेस्‍वर्‌चे पीत्‍युजेत्‍पे चवमात युङ्‌ब प्रुङ्‌ज्‍यीम् सेत्‍प। ङचे एङ्‌यीमाकी कोलमात नक ममाचे थेइ कोलमात ब्‍यब्‍चे उप्‍प र्‌हङ्‌ले उप्‍प छ्‌यज्‍यी, तर एङ्‌यीमा अङ्‌येन्।

लुका 13:34 ပူးပေါင်းရင်းမြစ်များ

मत्‍ती 22:3

राजाचे डोन्‍री ङ्‍होत्‍पलमात खोउ पङ्‌बरी र्‌हङ्‌की योक्‍पोमात पीत्‍ज्‍यी, तर थेङ्‍यीमा खबे सेम् अल।

मत्‍ती 22:6

ओसेम् ल्‍हो-ल्‍होमाचे ग्‍यल्‍बोइ योक्‍पोमात चुङ्‌ज्‍यीम् तोब ग्‍यङ्‍ब लज्‍यी ओसेम् सेत्‍लाज्‍यी।

लुका 15:28

होत्‍तज्‍यीम् ज ग्रेन्‍त य्‍हक्‍को बोमो रप्‍ज्‍यीम् थे दीम्‍न्‍हङ्एनो अवङ्। ओसेम् अप दोरी युज्‍यीम् थेत फ्‍या लज्‍यीम् व्‍हम्‍ज्‍यी।

लुका 19:44

ओसेम् थेङ्‍यीमाचे एइ सहर्‌तेङ् एइ कउरु न्‍हङ् मुबे म्‍हीमात नास् लस्‍ये मुब। ओसेम् थेङ्‍यीमाचे युङ्‌ब गीःएनो अस्‍हीनले थेन्‍स्‍ये अरे। तलेपङ्‍सम् पर्‌मेस्‍वर्‌चे एत थर्‌नलबरी ब्‍योन्‍युबे बेलो एचे अस्‍ये।”

लुका 23:28

येसुचे थेङ्‌यीमा पट्‍टीचे दोःज्‍यीम् सुङ्‌जेत्‍ज्‍यी, “यरुसलेमकी जमेमा ङइ लागीरी थक्राको। तर एङ्‌यीमा र्‌हङ्‌की लागीरी ओसेम् र्‌हङ्‌की कोलमाइ लागीरी क्राको!

प्रेरीत् 7:52

एङ्‌यीमाइ म्‍हेमेमाचे अगम्‍बक्‍तमा जम्‍मतनो दुख पीन्‍बल मुबल। ओसेम् पर्‌मेस्‍वर्‌की फ्रोइकीनो ङ्‌येन्‍ज्‍यीम् ब्रबे म्‍ही ब्‍योन्‍युस्‍ये मुब पङ्‍बे तम् स्‍येत्‍पलमात थेङ्‍यीमाचे सेत्‍लाज्‍यी। ओसेम् देरे एङ्‍यीमाचेम् थेङ्‌त म्‍हीमाइ यारी सोप्‍तीपीन्‍ज्‍यीम् सेत्‍ज्‍यी।

प्रेरीत् 7:59

थेङ्‍यीमाचे युङ्‌बचे प्रुङ्‍टीबे बेलोरी स्‍तीफनस्‍चे, “प्रभु येसु, ङइ आत्‍मात कीन्‍जेतो” बी प्रार्‌थना स्‍य्‍हेङ्‌ज्‍यी।

प्रेरीत् 8:1

स्‍तीफनस्‍त सेत्‍पे म्‍हीमातेङ् साऊलएनो डीःबल मुबल। हुजु दीन् य्‍हङ्‍से यरुसलेमकी मन्‍डलीत बीरोद् लज्‍यीम् य्‍हक्‍को दुख पीन्‍ब तीप्‍ज्‍यी। होत्‍तज्‍यीम् प्रेरीतमा अय्‍हर्, तर ल्‍हो-ल्‍हो जम्‍मनो बीस्‍वासीमा छर्‌छुर् तज्‍यीम् यहुदीयातेङ् सामारीया प्रदेस्‍क्‍योर् य्‍हर्‌ज्‍यी।

प्रकास 11:8

थेङ्‍य्‍हीकी स्‍यीबे ल्‍हीःमा हुजु ङ्‍हच्‍छ्‌यङ् सहर्‌की ग्‍यम्‍रीनो थेन्‍स्‍ये मुब। हुजुरीनो थेङ्‍यीमाकी प्रभुत क्रुस्‍री च्‍योलाबल मुबल। हुजु सहर्‌मी दुस्‍ट सहर् सदोम्‍तेङ् दुस्‍ट य्‍हुल् मीस्र र्‌हङ्‍ब य्‍हीन्‍ब।