लुका 13:27 - पश्‍चिम तामाङ

²⁷ ओसेम् थेचे देबेएनो पङ्‌स्‍ये मुब, ‘एङ्‌यीमा खनचे खबल? ङचे एङ्‌यीमात स्‍येःबल अरे। अज्‍यबे लक् स्‍य्‍हेङ्‌बे म्‍हीमा, ङ ग्‍यम्‍चे थारीङ् य्‍हरो!’

लुका 13:27 ပူးပေါင်းရင်းမြစ်များ

मत्‍ती 25:12

तर दुलहचे जोहाप् पीन्‍ज्‍यीम् पङ्‍ज्‍यी, ‘ङ एङ्‌यीमात देमेन्‍नो पङ्‍ब, ङचे एङ्‌यीमात स्‍येबल अरे।’”

मत्‍ती 25:41

“हुजु लीप्‍चे थेङ्‌चे र्‌हङ्‌की ल्‍होम्‍पट्‍टीचे मुबलमात पङ्‌स्‍ये मुब, ‘पर्‌मेस्‍वर्‌की केम्‍लङ् यङ्‍बलमा! एङ्‍यीमा ङ ग्‍यम्‍से थारीङ् य्‍हरो, ओसेम् सैतान्‍तेङ् थेइ चवमाकी लागीरी टोप लबे खेमेएनो अस्‍यीबे मेन्‍हङ् य्‍हरो!

लुका 13:25

दीम्‍की न्‍यबो रेःज्‍यीम् म्रप् दुङ्‌स्‍ये मुब। ओसेम् एङ्‌यीमा दोरी रप्‍ज्‍यीम् म्रप्‍री डोङ्-डोङ् लज्‍यीम्, ‘प्रभु, ङ्‌यीमाइ लागीरी म्रप् ठोङ्‍जेतो!’ बी पङ्‌स्‍ये मुब। तर थेङ्‌चे सुङ्‍स्‍ये मुब, ‘एङ्‌यीमा खनसे खबल? ङचे एङ्‌यीमात स्‍येबल अरे।’

१ कोरीन्‍थी 8:3

तर खजु म्‍हीचे पर्‌मेस्‍वर्‌त म्‍होइब थेत पर्‌मेस्‍वर्‌चे खेम्‍जेत्‍प।

गलाती 4:9

तर देरेम् एङ्‍यीमाचे पर्‌मेस्‍वर्‌त स्‍येःबल मुब, य्‍हीन्‍बरीम् पर्‌मेस्‍वर्‌चेक एङ्‍यीमात खेम्‍जेत्‍पल मुब। होले पङ्‌सम् देबेएनो खले हुजु कम्‍जोर्‌तेङ् तइ लक् अतबे पेठीम्‍मारी दोःज्‍यीम् य्‍हर्‌बे सेम् लब? ओसेम् तले थेङ्‍यीमाकी बाना तबरी सेम् लब?

२ तीमोथी 2:19

तर पर्‌मेस्‍वर् र्‌हङ्‍चेनो स्‍य्‍हेङ्‍जेत्‍पे जग कोङ्‍ब ओसेम् हुजुरी चोले ब्रीबल मुब- “प्रभुचे र्‌हङ्‍लमात खेम्‍जेत्‍प” ओसेम् “प्रभुइ छेन् कीन्‍बलमा अज्‍यबे लक्‍मा ग्‍यम्‍से थारीङ् टीथोब।”