लुका 13:24 - पश्‍चिम तामाङ

²⁴ “ङ एङ्‌यीमात पङ्‌ब, ज्‍यीद म्रप्‍से न्‍हङ्‌री वङ्‌बरी बङ् लो। तलेपङ्‍सम् य्‍हक्‍को म्‍हीमा वङ्‌ब म्‍हइस्‍ये मुब तर वङब खम्‍स्‍ये अरे।

लुका 13:24 ပူးပေါင်းရင်းမြစ်များ

मत्‍ती 11:12

बप्‍तीस्‍मा पीन्‍बे युहन्‍नाचे प्रचार स्‍य्‍हेङ्‌बे बेलो य्‍हङ्‌से देरे सम्‍म स्‍वर्‌गइ य्‍हुल् झेन् य्‍हक्‍को तबोर्‌टीबल मुब। ओसेम् बीरोद् स्‍य्‍हेङ्‌बलमाम् हुजुइ बीरुद्‍दरी छेत्‍टीब।

लुका 13:23

हुजु बेलोरी म्‍ही गीःचे थेङ्‌त ङ्‌योत्‍ज्‍यी, “प्रभु, मुक्‍ती यङ्‌स्‍येकी म्‍ही चेक्‍कीनो मुब?” येसुचे थेङ्‌यीमात सुङ्‌ज्‍यी,

लुका 21:36

खेमा पङ्‌लेएनो होसीयार् तज्‍यीम् टीउ। हुजु लोङ्‌न तस्‍येकी बेलोरी थर्‌ज्‍यीम् म्‍हीइ जइ ङोन्‍ग्‍यम् रप्‍प खम्‍खइ बी प्रार्‌थना स्‍य्‍हेङो।”

युहन्‍ना 13:33

“ङइ कोलमा, देरेम् ङ य्‍हम्‍बगीकीनो एङ्‌यीमातेङ् तस्‍ये मुब। एङ्‍यीमाचे ङत म्‍हइस्‍ये मुब, तर ङचे यहुदी अगुवामात पङ्‍ब र्‌हङ्‌लेनो ङ एङ्‍यीमातएनो पङ्‍ब, ङ ङ्‍यीटीबे ग्‍लारी, एङ्‍यीमा खब अखम्।

युहन्‍ना 5:4

तलेपङ्‍सम् पर्‌मप्रभुइ चव गीः बेलो-बेलोरी ग्‍येरी युज्‍यीम् यी य्‍होङ्‌पीन्‍ब मुबल। ओसेम् यी य्‍होङ्‌ब साच्‍चेनो यी न्‍हङ् ङोन्‍ग्‍यम् वङ्‌बे म्‍हील खतेबे नेत् मुलेएनो फेन्‍ब मुबल।]

युहन्‍ना 6:27

क्रम्‍ज्‍यीम् य्‍हर्‌बे चबइ लागीरी लक् थस्‍य्‍हेङो, तर खेमेएनो अबेबे जीवनसम्‍म टीबे चबइ लागीरी लक् स्‍य्‍हेङो। हुजु एङ्‌यीमात म्‍हीइ जचे पीन्‍स्‍ये मुब, तलेपङ्‍सम् पर्‌मेस्‍वर् अपचेनो थेत हुजु लक् स्‍य्‍हेङ्‌बे हक् न्‍हङ्‌बल मुब।”

युहन्‍ना 7:34

ओसेम् एङ्‍यीमाचे ङत म्‍हइस्‍ये मुब, तर यङ्‍स्‍ये अरे, ओसेम् ङ मुबे ग्‍लारी एङ्‍यीमा खब खम्‍स्‍ये अरे।”

युहन्‍ना 8:21

येसुचे देबेएनो थेङ्‌यीमात चोले सुङ्‌जेत्‍ज्‍यी, “ङ थारीङ् य्‍हर्‌स्‍ये मुब, ओसेम् एङ्‍यीमाचे ङत म्‍हइस्‍ये मुब, तर एङ्‌यीमा र्‌हङ्‌की पाप्‍रीनो स्‍यीस्‍ये मुब, तलेपङ्‍सम् ङ ङ्‍यीटीबे ग्‍लारी एङ्‍यीमा खब अखम्।”

रोमी 10:3

तलेपङ्‍सम् पर्‌मेस्‍वर्‌चे थेङ्‍की ङोन्‍री धर्‌मी ङोन्‍न लजेत्‍बे ग्‍यम्‍त थेङ्‍यीमाचे अस्‍येज्‍यीम् र्‌हङ् ग्‍यम्‍चेनो धर्‌मी ङोन्‍ब म्‍हइब, होलेतज्‍यीम् थेङ्‍यीमा पर्‌मेस्‍वर्‌चे धर्‌मी ङोन्‍बे ग्‍यम्‍री अब्र।

कलस्‍सी 1:29

ख्रीस्‍ट्‍चे ङन्‍हङ् न्‍हङ्‍जेत्‍पे ङ्‍य्‍हच्‍छ्‌यङ् सक्‍तीचेनो चु लक् खम्‍ब सम्‍मइ बङ् तेत्‍ज्‍यीम् स्‍य्‍हेङ्‍ब।

हीब्रु 4:11

होत्‍तज्‍यीम् ङ्‍य्‍हङ्‍मा हुजु दुःब न्‍हबे ग्‍लारी वङ्‌बरी खम्‍गदे बङ् लइ, ओसेम् ङ्‍य्‍हङ्‍मा खलेएनो पर्‌मेस्‍वर्‌की अर्‌तीमा अङ्‍येन्‍बे इस्रएलीमा र्‌हङ्‌ले नास् तज्‍यीम् अय्‍हर्‌खइ।

२ पत्रुस 1:10

होत्‍तज्‍यीम् बीस्‍वासी र्‌होमा, पर्‌मेस्‍वर्‌चे एङ्‍यीमात ङ्‍होत्‍जेत्‍पलतेङ् दम्‍जेत्‍पल य्‍हीन्‍ब पङ्‍बे तम् पक्‍कले ङोनो। तलेपङ्‍सम् चु तम्‍मा स्‍य्‍हेङ्‌सम् एङ्‍यीमा बीस्‍वास्‍री खेमेएनो गुर्‌स्‍ये अरे।