लुका 13:11 - पश्‍चिम तामाङ

¹¹ हुजुरी म्‍हङ् स्‍यप्‍ज्‍यीम् छीक्‍प कुरीक् तबे अमकोल गीः मुबल। थेत होले तज्‍यीम् ल्‍हेगोर् गीःस्‍यी डुःतीङ् तबल मुबल। थे फ्‍युत्‍ले रप्‍प अखम्‍ब मुबल।

लुका 13:11 ပူးပေါင်းရင်းမြစ်များ

मत्‍ती 4:23

ओसेम् येसु गालील प्रदेस्‍की जम्‍मा ग्‍लामारी स्‍येजेत्‍ज्‍यी। थेङ्‌चे यहुदीमा र्‌हुब् तबे दीम्‍मारी स्‍येज्‍यीम् म्‍हीमात लोप्‍जेत्‍ज्‍यी। ओसेम् पर्‌मेस्‍वर्‌की य्‍हुल्‍की ज्‍यबे सम्‍तर् स्‍येत्‍जेत्‍ज्‍यी। ओसेम् थेङ्‌चे जम्‍मा थोइ रोग स्‍यप्‍ज्‍यीम् नबे म्‍हीमातेङ् नबलमात फेन्‍न लजेत्‍ज्‍यी।

मर्‌कुस् 9:21

ओसेम् येसुचे हुजु कोलइ अपत, “खेम य्‍हङ्‍स्‍ये चु कोलत चोले तबल?” बी ङ्‌योत्‍जेत्‍ज्‍यी। ओसेम् कोलइ अपचे पङ्‍ज्‍यी, “थे ज्‍यीद मुब य्‍हङ्‌स्‍येनो चोले तबल य्‍हीन्‍ब।

लुका 13:12

येसुचे हुजु अमकोलत म्रङ्‌ब बीसेम् ङोन्‍ग्‍यम् ङ्‍होत्‍जेत्‍ज्‍यीम् सुङ्‌ज्‍यी, “अङ, ए नब ग्‍यम्‍चे फेन्‍बल मुब।”

लुका 13:16

चु अब्रहामकी जमे ल्‍हेगोर् गीःस्‍यी डुःतीङ्‍सम्‍म सैतान्‍चे चुङ्‍ज्‍यी। दुःब न्‍हबे दीन्‍री थेत सैतान् ग्‍यम्‍से फेःज्‍यीम् फेन्‍न लब ज्‍यब वुइ अज्‍य?”

लुका 21:28

होले तबल म्रङ्‌बे बेलोरी एङ्‍यीमाचे रप्‍ज्‍यीम् अङ्‌ले मुक्‍तीङ् च्‍याको। तलेपङ्‍सम् एङ्‌यीमाकी उद्‍दार् ग्‍योन्‍नो खस्‍ये मुब।”

लुका 8:2

थेङ्‌तेङ् बक्‍च्‍य रोगमातेङ् म्‍हङ् स्‍यप्‍प ग्‍यम्‍से फेन्‍बे डेत्-डेत् अमकोलमाएनो मुबल। हुजुमा न्‍हङ्‌री म्‍हङ् ङ्‌यीस् स्‍यप्‍प ग्‍यम्‍से फेन्‍बे मरीयम मग्‍दलीनीएनो मुबल।

लुका 8:27

येसु दोङ्‌गचे ग्‍येइ यरी फप्‍मम् हुजु प्रदेस्‍की ज्‍यीद सहरसे म्‍हङ् स्‍यप्‍पे म्‍ही गीः थेङ्‌त खदु लबरी खज्‍यी। थे य्‍हक्‍को बेलो ङोन्‍ग्‍यम् य्‍हङ्‌सेनो क्‍लीङ्‌दो ब्रज्‍यीम् दीम् पीत्‍ज्‍यीम् स्‍यीबे म्‍हीमा बुप्‍पे ऊमारी टीब मुबल।

लुका 8:43

हुजु य्‍हक्‍को म्‍हीमान्‍हङ्‌री ल्‍हेगोर् गीः सम्‍म का य्‍हर्‌स्‍यीनो टीबे अमकोल गीः मुबल, तर थेत खल्‍चेएनो फेन्‍न लअखम्बल मुबल।

प्रेरीत् 3:2

हुजुरी पर्‌मेस्‍वर्‌की दीम्‍न्‍हङ् वङ्‌बे ज्‍यबे म्रप् पङ्‍बे म्रप्‍री न्‍हब य्‍हङ्‌सेनो स्‍हेल्‍हेन्‍दी तबे म्‍ही गीःत म्‍हीमाचे दीन्‍लनो नाबज्‍यीम् थेन्‍खब मुबल। थेचे पर्‌मेस्‍वर्‌की दीम्‍न्‍हङ् वङ्‌बे म्‍हीमातेङ् टङ र्‌हीत्‍प खम्‍खइ बी हुजुरी थेन्‍ब मुबल।

प्रेरीत् 4:22

तलेपङ्‍सम् चु तेङेन्‍की लक् ग्‍यम्‍से फेन्‍बे म्‍ही ल्‍हेगोर् सोम् स्‍यी ब्‍लीतीङ् बीम य्‍हक्‍को बर्‌सल मुबल।