लुका 12:33 - पश्‍चिम तामाङ

³³ एङ्‌यीमातेङ् मुबे स्‍हेःमा चुङ्‌ज्‍यीम् खबे टङ प्रङ्‌नमात पीनो ओसेम् र्‌हङ्‌की लागीरी खेमेनो अडेःबे सुर्‌केनी डुब्‍ज्‍यीम् खेमेनो अन्‍होङ्‍बे टङ स्‍वर्‌गरी र्‌हुब लो। हुजुरी य्‍होएनो अख, बुलुङ्‌चेएनो अच।

लुका 12:33 ပူးပေါင်းရင်းမြစ်များ

मत्‍ती 19:21

येसुचे थेत सुङ्‌ज्‍यी, “ए देमेन्‍नो पर्‌मेस्‍वर्‌की ङ्‍होन्‍सङ् ज्‍यब तइ म्‍हेन्‍सम् ङ्‌यीज्‍यीम् एतेङ् मुबे जम्‍मनो स्‍य्‍हेमा चुङ्‌ज्‍यीम् प्रङ्‌नमात पीनो, ओसेम् एचे स्‍वर्‌गरी सम्‍पतीमा यङ्‍स्‍ये मुब। हुजु लीप्‍चे खज्‍यीम् ङइ लीक्‍यम् ब्रउ।”

लुका 11:41

तर तङ्‌लोमाकी न्‍हङ्‌री मुबे स्‍हेमा प्रङ्‌नमात पीनो ओसेम् एङ्‌यीमाइ जम्‍मा स्‍हेमा चोखो तस्‍ये मुब।”

लुका 12:21

ओसेम् येसुचे सुङ्‌ज्‍यी, “र्‌हङ्‌की लागीरी स्‍हेःमा र्‌हुब् लबमा तर पर्‌मेस्‍वर्‌की तम्‍री बरु अतबलमाकी गती चु र्‌हङ्‍ब तस्‍ये मुब।”

लुका 16:9

“ङ एङ्‌यीमात पङ्‌ब, चु जम्‍बुलीङ्‌की सम्‍पत्तीचे र्‌होमा स्‍य्‍हेङो। तलेपङ्‍सम् हुजु सम्‍पत्‍ती बेबतेङ् थेङ्‍यीमाचे एङ्‌यीमात खेमेएनो अबेनले टीबे ग्‍लारी स्‍वागत स्‍य्‍हेङ्‌स्‍ये मुब।”

लुका 18:22

येसुचे थेइ तम् थेःज्‍यीम्, “एचे दवम् लक् गीः स्‍य्‍हेङ्‌थोस्‍ये मुब। एतेङ् मुबे जम्‍मा स्‍हेमा चुङ्‌ज्‍यीम् प्रङ्‌नमात पीनो। एचे स्‍वर्‌गरी स्‍हेमा यङ्‌स्‍ये मुब। ओसेम् खज्‍यीम् ङइ लीप्‍चे ब्रउ” बी सुङ्‌ज्‍यी।

युहन्‍ना 12:6

थेचे प्रङ्‌नमात म्‍होइबल तज्‍यीम् चोले पङ्‍बल अय्‍हीन्, तर थे य्‍हो तज्‍यीम् चोले पङ्‍बल मुबल। टङइ गल्‍द थेचे नाब मुबल, ओसेम् थेचे हुजु गल्‍द ग्‍यम्‍से टङ य्‍हो लब मुबल।

प्रेरीत् 2:45

थेङ्‍यीमाचे र्‌हङ्‌की सम्‍पतीमातेङ् स्‍हेमा चुङ्‌ज्‍यीम् खल्‍त ता तोज्‍यी हुजु म्‍हीमात जुज्‍यीम् पीन्‍ब मुबल।

२ कोरीन्‍थी 8:2

ल्‍हो-ल्‍हो म्‍हीमाचे य्‍हक्‍को दुख पीन्‍लेएनो थेङ्‍यीमा य्‍हक्‍को तङ्‍बल मुब। ओसेम् थेङ्‍यीमा र्‌हङ् य्‍हक्‍को प्रङ्‍न मुलेएनो ल्‍हो-ल्‍होत सेम् य्‍हङ् लज्‍यीम् पीन्‍ब।