लुका 12:21 - पश्‍चिम तामाङ

²¹ ओसेम् येसुचे सुङ्‌ज्‍यी, “र्‌हङ्‌की लागीरी स्‍हेःमा र्‌हुब् लबमा तर पर्‌मेस्‍वर्‌की तम्‍री बरु अतबलमाकी गती चु र्‌हङ्‍ब तस्‍ये मुब।”

लुका 12:21 ပူးပေါင်းရင်းမြစ်များ

लुका 12:33

एङ्‌यीमातेङ् मुबे स्‍हेःमा चुङ्‌ज्‍यीम् खबे टङ प्रङ्‌नमात पीनो ओसेम् र्‌हङ्‌की लागीरी खेमेनो अडेःबे सुर्‌केनी डुब्‍ज्‍यीम् खेमेनो अन्‍होङ्‍बे टङ स्‍वर्‌गरी र्‌हुब लो। हुजुरी य्‍होएनो अख, बुलुङ्‌चेएनो अच।

लुका 16:11

एङ्‌यीमा जम्‍बुलीङ्‌की सम्‍पत्तीरी बीस्‍वासीलो अतसम्, एङ्‌यीमात खल्‍चे देमेन्‍की सम्‍पत्‍ती सोप्‍तीबरी बीस्‍वास् स्‍य्‍हेङ्‌ल?

लुका 6:24

“तर धीक्‍कार बरुमा, तलेपङ्‍सम् एङ्‍यीमाचे सुखइ जीवन बीतइतीज्‍यीन्‍बल मुब!

रोमी 2:5

तर एङ्‌यीमाकी सेम् कोङ्‍बल ओसेम् पस्‍चताप् अस्‍य्‍हेङ्‌बल तज्‍यीम् एङ्‌यीमाचे पर्‌मेस्‍वर्‌की बोमोइ दीन्‍री य्‍हक्‍को ङ्‍हच्‍छ्‍यङ् सजाय यङ्‍स्‍ये मुब। हुजु बेलोरी पर्‌मेस्‍वर्‌चे जम्‍मनो म्‍हीमाकी न्‍याय ठीक्-ठीक्‍ले स्‍य्‍हेङ्‍जेत्‍स्‍ये मुब।

२ कोरीन्‍थी 6:10

ङ्‌यीमा य्‍हक्‍को छेर्‌लेनो तङ्‍बल मुब। ङ्‌यीमा प्रङ्‍न मुलेएनो य्‍हक्‍को म्‍हीमात बीस्‍वास्‍री बरु तनलब। ङ्‌यीमातेङ् तएनो अरेबेल र्‌हङ्‍ब म्रङ्‍लेएनो ङ्‌यीमातेङ् जम्‍म स्‍हेःमा मुब।

१ तीमोथी 6:9

तर बरु तबे सेम् थोबे म्‍हीमाम् परीक्षरी दोःब ओसेम् वरी ङ्‍यम्‍ङ्‍य स्‍यप्‍प र्‌हङ्‌ले स्‍यप्‍प। थेइ सेम्‍चे मुर्‌खतेङ् र्‌हङ्‌तनो दुख यङ्‌बे लक् स्‍य्‍हेङ्‍गे म्‍हेन्‍ब। ओसेम् हुजु लक्‍चे लज्‍यीम् थे न्‍होङ्‍बतेङ् नास्‍री दोःब।

याकुब 2:5

ङइ म्‍होइबे र्‌होमा, ङ्‌येनो, पर्‌मेस्‍वर्‌चे जम्‍बुलीङ्‌की प्रङ्‌नमात बीस्‍वास्‍री बरु तन लज्‍यीम् थेङ्‌की य्‍हुल्‍री हक् न्‍हङ्‍बरी दम्‍जेत्‍पल अय्‍हीनो स्‍यीम्? चु य्‍हुल् थेङ्‍त म्‍होइबलमात न्‍हङ्‍बरी पर्‌मेस्‍वर्‌चे बाचा स्‍हेङ्‍जेत्‍पल अय्‍हीनो स्‍यीम्?

प्रकास 2:9

एचे नाबे दुखमा ङचे स्‍येःब, ओसेम् ए प्रङ्‍न मुब पङ्‍बे तम्‍एनो ङचे स्‍येःब, तर एमी पर्‌मेस्‍वर्‌की ङोन्‍री बरु मुब! यहुदी अय्‍हीन्‍लेएनो र्‌हङ् यहुदी य्‍हीन्‍ब पङ्‍बलमाचे एइ बीरुद्‍दरी स्‍य्‍हेङ्‌बे नीन्‍द ङचे स्‍येःब, थेङ्‍यीमामी सैतान्‍की तम् ङ्‌येन्‍बे समुह य्‍हीन्‍ब।