लुका 11:9 - पश्‍चिम तामाङ

⁹ “होत्‍तज्‍यीम् ङ एङ्‌यीमात पङ्‌ब, र्‌हीतो! ओसेम् एङ्‌यीमात न्‍हङ्‌स्‍ये मुब। म्‍हयो ओसेम् एङ्‍यीमाचे यङ्‌स्‍ये मुब। म्रप्‍री डोङ्-डोङ् लो, ओसेम् एङ्‌यीमाकी लागीरी ठोङ्‌जेत्‍स्‍ये मुब।

लुका 11:9 ပူးပေါင်းရင်းမြစ်များ

मत्‍ती 21:22

एङ्‍यीमाचे बीस्‍वास् लज्‍यी पङ्‌सम् प्रार्‌थनारी ता र्‌हीत्‍ज्‍यी हुजु एङ्‍यीमाचे यङ्‍स्‍ये मुब।”

मत्‍ती 21:31

देरे हुजु ज ङ्‍य्‍ही न्‍हङ्‌री खल्‍चे अपचे कुल्‍बल ङ्‍येन्‍ज्‍यी?” ओसेम् थेङ्‍यीमाचे, “ज ग्रेन्‍चे” बी जोहाप् पीन्‍ज्‍यी। हुजु लीप्‍चे येसुचे थेङ्‌यीमात सुङज्‍यी, “ङ एङ्‌यीमात देमेन्‍नो पङ्‍ब, तीरो दुत्‍पलमातेङ् बेस्‍य लबलमा एङ्‍यीमा बीमम् ङोन्‍ग्‍यम् पर्‌मेस्‍वर्‌की य्‍हुल्‍री वङ्‍स्‍ये मुब।

मत्‍ती 6:29

तर ङ एङ्‌यीमात पङ्‍ब, सोलोमन ग्‍यल्‍बो थेइ जम्‍म स्‍य्‍हेसमा यङ्‌ज्‍यीम् ज्‍यबे गोइल येन्‍लेनो म्‍हेन्‍दोमा न्‍हङ्‌री गीः गदेएनो ज्‍यब अरेबल मुबल।

मर्‌कुस् 11:24

होत्‍तज्‍यीम् ङ एङ्‌यीमात पङ्‍ब, एङ्‍यीमाचे प्रार्‌थनारी त र्‌हीत्‍ज्‍यी हुजु यङ्‍ज्‍यीन्‍बल मुब बी बीस्‍वास् लउ। ओसेम् हुजु एङ्‍यीमाचे यङ्‍स्‍ये मुब।

मर्‌कुस् 13:37

एङ्‌यीमात पङ्‍ब र्‌हङ्‌लेनो ङचे जम्‍मतनो चोङ्‍ले टीउ पङ्‍बल मुब।”

लुका 11:10

तलेपङ्‍सम् खल्‍चे र्‌हीत्‍ज्‍यी थेत न्‍हङ्‌स्‍ये मुब, ओसेम् खल्‍चे म्‍हइज्‍यी थेचे यङ्‌स्‍ये मुब। ओसेम् खल्‍चे डोङ्-डोङ् लज्‍यी थेइ लागीरी म्रप् ठोङ्‌जेत्‍स्‍ये मुब।

युहन्‍ना 14:13

एङ्‍यीमाचे ङइ मीन्‍री ता र्‌हीत्‍लेनो ज ग्‍यम्‍से अपइ महीमा तखइ पङ्‍ज्‍यीम् हुजु ङचे टोप् लपीन्‍स्‍ये मुब।

युहन्‍ना 15:16

एङ्‍यीमाचे ङत दम्‍बल अय्‍हीन्, ङचे एङ्‌यीमात दम्‍ज्‍यी, ओसेम् एङ्‍यीमाचे ङ्‌यीज्‍यीम् खेम पङ्‌लेनो तस्‍यीनो टीबे रोरो रोःन लउ पङ्‍ज्‍यीम् ङचे एङ्‌यीमात पीत्‍टीब मुब। ओसेम् एङ्‍यीमाचे ङइ मीन्‍री ता र्‌हीत्‍ज्‍यी हुजु अपचे न्‍हङ्‌जेत्स्‍ये मुब।

युहन्‍ना 15:7

एङ्‍यीमा ङतेङ् तज्‍यी पङ्‌सम्, ओसेम् ङचे पङ्‍बे तम्‍मा एङ्‌यीमातेङ् तज्‍यी पङ्‌सम् एङ्‍यीमाचे सेम्‍चे म्‍हेन्‍बल र्‌हीतो, ओसेम् हुजु एङ्‌यीमाकी लागीरी स्‍य्‍हेङ्‍पीन्‍स्‍ये मुब।

युहन्‍ना 4:10

येसुचे अमकोलत जोहाप् न्‍हङ्‌ज्‍यी, “एचे पर्‌मेस्‍वर्‌की बरदान्‍तेङ् एत यी र्‌हीत्‍पे म्‍हीत स्‍येबल य्‍हीन्‍सम् एचेक थेत र्‌हीत्‍स्‍ये मुबल, ओसेम् थेचे एत सोम्‍बो यी पीन्‍स्‍ये मुबल।”

रोमी 2:7

ज्‍यबे लक् स्‍य्‍हेङ्‍स्‍यीनो टीज्‍यीम् पर्‌मेस्‍वर्‌की महीमा, स्‍य्‍हेस ओसेम् खेमेनो अबेबे जीवन् म्‍हइबे म्‍हीमात पर्‌मेस्‍वर्‌चे खेमेनो अबेबे जीवन् न्‍हङ्‌जेत्स्‍ये मुब।

२ कोरीन्‍थी 6:2

तलेपङ्‍सम् पर्‌मेस्‍वर्‌चे सुङब, “ङचे ठीक् बेलोरी एइ तम् ङ्‍येन्‍ज्‍यी, ओसेम् मुक्‍तीइ दीन्‍री ङचे एत र्‌हो लज्‍यी।” च्‍यागो, पर्‌मेस्‍वर्‌की अनुग्रह यङ्‍बे बेलो देरेनो य्‍हीन्‍ब, ओसेम् मुक्‍तीइ दीन्‍एनो य्‍हीन्‍ब।

हीब्रु 11:6

बीस्‍वास् अस्‍य्‍हेङ्‍नले खल्‍चेएनो पर्‌मेस्‍वर्‌त तङ्‍नलब अखम्। तलेपङ्‍सम् पर्‌मेस्‍वर्‌ज खबलमा खल्‍चे पङ्‌लेनो पर्‌मेस्‍वर् मुब ओसेम् थेङ्‍त म्‍हइबलमात थेङ्‍चे बक्सीस् न्‍हङ्‍जेत्‍प पङ्‍ज्‍यीम् बीस्‍वास् स्‍य्‍हेङ्‌नोथोःब।

हीब्रु 4:16

होत्‍तज्‍यीम् चेकेएनो अलोङ्‌नले पर्‌मेस्‍वर्‌की अनुग्रहकी ठीइ ङोन्‍री ङ्‍यीइ, ओसेम् तोःबे बेलोरी ङ्‍य्‍हङ्‍माचे र्‌हो यङ्‍बे लागीरी कृपातेङ् अनुग्रह यङ्‍स्‍ये मुब।

याकुब 1:5

एङ्‍यीमान्‍हङ्‍री खल्‍त पङ्‍लेएनो बुद्‍दी तोःज्‍यी पङ्‌सम् बराअजेत्‍नले सेम् य्‍हङ्‍से न्‍हङ्‌जेत्‍पे पर्‌मेस्‍वर्‌त र्‌हीतो, ओसेम् एत हुजु न्‍हङ्‌स्‍ये मुब।

याकुब 5:15

बीस्‍वास् लज्‍यीम् स्‍य्‍हेङ्‌बे प्रार्‌थनचे नबे म्‍ही फेन्‍स्‍ये मुब, ओसेम् प्रभुचे फेन्‍न लजेत्‍स्‍ये मुब। थेचे पाप स्‍य्‍हेङ्‍बल मुसम् क्षमा यङ्‍स्‍ये मुब।

१ युहन्‍ना 3:22

ओसेम् ङ्‍य्‍हङ्‍चे ता र्‌हीत्‍ज्‍यी हुजु यङ्‍ब, तलेपङ्‍सम् ङ्‍य्‍हङ्‍मा थेङ्‌चे कुल्‍जेत्‍पे अर्‌तीमा ङ्‌येन्‍ज्‍यीम् ब्रब, ओसेम् थेङ् तङ्‍बे लक् स्‍य्‍हेङ्‌ब।

प्रकास 2:24

“तर चोतेबे भ्‍युकी तम् अङ्‍येन्‍बे ओसेम् कोइ कोइचे पङ्‍बे सैतान्‍की र्‌हस्‍यइ तम्‍मा अलोप्‍पे थीआटीराकी मन्‍डलीरी मुबे ल्‍हो-ल्‍होमात ङ पङ्‍ब, ङ एङ्‌यीमात ल्‍हो-ल्‍हो य्‍हक्‍को तम्‍मा ङ्‌येनो पङ्‌स्‍ये अरे।