लुका 11:48 - पश्‍चिम तामाङ

⁴⁸ एङ्‌यीमाइ म्‍हेमेमाचे स्‍य्‍हेङ्‌बे लक् एङ्‌यीमाइ लक्‍चेनो ङोन्‍ब। तलेपङ्‍सम् एङ्‌यीमाइ म्‍हेमेमाचे अगम्‍बक्‍तमात सेत्‍ज्‍यी। ओसेम् एङ्‍यीमाचेमी थेङ्‌यीमाइ दुर्‌समा स्‍य्‍हेङ्‌ब।

लुका 11:48 ပူးပေါင်းရင်းမြစ်များ

मत्‍ती 23:27

“धीक्‍कार एङ्‌यी धर्‌म लोप्‍पोन्‍मातेङ् फरीसीमा! एङ्‍यीमा कपटीमा य्‍हीन्‍ब। तलेपङ्‍सम् एङ्‍यीमा तर् सेप्‍प्र स्‍य्‍हल्‍बे दुर्‌समा र्‌हङ्‍ब मुब, दोचे च्‍यामम् ज्‍यब म्रङ्‌ब, तर न्‍हङ्‍चेम् स्‍यीबे म्‍हीइ नख्रुत्‍तेङ् क्रम्‍बे स्‍हेःमाकीनो मुबल तब।

मत्‍ती 23:31

चोले एङ्‍यीमा र्‌हङ्‌चे र्‌हङ्‌तनो अगम्‍बक्‍तमात सेत्‍पलमाकी छकोन्‍मा य्‍हीन्‍ब पङ्‍ब।

लुका 11:47

“धीक्‍कार एङ्‌यीमात! तलेपङ्‍सम् एङ्‍यीमाचे एङ्‌यीमाइ म्‍हेमेमाचे सेत्‍पे अगम्‍बक्‍तमाइ ज्‍यबे दुर्‌समा स्‍य्‍हेङ्‌बल मुब।

लुका 11:49

होत्‍तज्‍यीम् पर्‌मेस्‍वर्‌चे र्‌हङ्‌की बुद्‍दी ग्‍यम्‍से सुङ्‌ज्‍यी, ‘ङ अगम्‍बक्‍तमातेङ् प्रेरीतमात थेङ्‌यीमाज पीत्‍स्‍ये मुब। तर थेङ्‍यीमाचे डेत्-डेत् सेत्‍स्‍ये मुब। ल्‍हो-ल्‍होमात दुख पीन्‍स्‍ये मुब।’

रोमी 1:32

चोतेबे लक् स्‍य्‍हेङ्‌बे म्‍हीमाचेमी पर्‌मेस्‍वर्‌की नीयम् अनुसार स्‍यीबे सजाय नाथोस्‍ये मुब बी स्‍येज्‍यीमएनो थेङ्‍यीमाचे चोतेबे लक्‍मा स्‍य्‍हेङ्‍स्‍यीनो टीब। होदेकीनो अय्‍हीन् थेङ्‌यीमाचेमी ल्‍हो-ल्‍हो म्‍हीमात चोतेबे लक् स्‍य्‍हेङ्‌बरी झेन् सोत्‍प मुबल।

याकुब 5:10

ङइ बीस्‍वासी र्‌होमा, धैर्‌य लबतेङ् दुख नाबे नमुनाकी लागीरी प्रभुइ छेन्‍री लोप्‍पे अगम्‍बक्‍तमात व्‍हल् लउ।