लुका 11:41 - पश्‍चिम तामाङ

⁴¹ तर तङ्‌लोमाकी न्‍हङ्‌री मुबे स्‍हेमा प्रङ्‌नमात पीनो ओसेम् एङ्‌यीमाइ जम्‍मा स्‍हेमा चोखो तस्‍ये मुब।”

लुका 11:41 ပူးပေါင်းရင်းမြစ်များ

मत्‍ती 26:11

प्रङ्‍नमाम् एङ्‌यीमातेङ् खेमा पङ्‌लेनो बक्‍च्‍य तब, तर ङ खेमा पङ्‌लेनो एङ्‌यीमातेङ् बक्‍च्‍य तस्‍ये अरे।

मत्‍ती 5:42

ओसेम् र्‌हीत्‍पलमात पीनो, एत छ्‍ये ताबलमात छ्‍ये पीनो।

मर्‌कुस् 7:19

तलेपङ्‌सम् हुजु म्‍हीइ सेम्‍न्‍हङ् अय्‍हीन्, तर फोन्‍हङ् वङ्‌ब, ओसेम् हुजु ल्‍ही ग्‍यम्‍से डोङ्‌य्‍हर्‌ब” बी सुङ्‌ज्‍यी। (चोले येसुचे जम्‍म थोइ चबे स्‍हेमा सुद्‍द य्‍हीन्‍ब बी सुङ्‌जेत्‍ज्‍यी।)

लुका 12:33

एङ्‌यीमातेङ् मुबे स्‍हेःमा चुङ्‌ज्‍यीम् खबे टङ प्रङ्‌नमात पीनो ओसेम् र्‌हङ्‌की लागीरी खेमेनो अडेःबे सुर्‌केनी डुब्‍ज्‍यीम् खेमेनो अन्‍होङ्‍बे टङ स्‍वर्‌गरी र्‌हुब लो। हुजुरी य्‍होएनो अख, बुलुङ्‌चेएनो अच।

लुका 16:9

“ङ एङ्‌यीमात पङ्‌ब, चु जम्‍बुलीङ्‌की सम्‍पत्तीचे र्‌होमा स्‍य्‍हेङो। तलेपङ्‍सम् हुजु सम्‍पत्‍ती बेबतेङ् थेङ्‍यीमाचे एङ्‌यीमात खेमेएनो अबेनले टीबे ग्‍लारी स्‍वागत स्‍य्‍हेङ्‌स्‍ये मुब।”

लुका 18:22

येसुचे थेइ तम् थेःज्‍यीम्, “एचे दवम् लक् गीः स्‍य्‍हेङ्‌थोस्‍ये मुब। एतेङ् मुबे जम्‍मा स्‍हेमा चुङ्‌ज्‍यीम् प्रङ्‌नमात पीनो। एचे स्‍वर्‌गरी स्‍हेमा यङ्‌स्‍ये मुब। ओसेम् खज्‍यीम् ङइ लीप्‍चे ब्रउ” बी सुङ्‌ज्‍यी।

लुका 19:8

तर जखायस प्रभुइ ङोन्‍री रप्‍ज्‍यीम् पङ्‌ज्‍यी, “सेन्‍जेतो प्रभु, देरेम् ङतेङ् मुबे सम्‍पत्तीमाकी फक्‍ले प्रङ्‌नमात पीन्‍स्‍ये मुब। ओसेम् ङचे खल्‍त पङ्‌लेनो भ्‍यु पङ्‌ज्‍यीम् तेए कीन्‍बल मुसम् थेत बो ब्‍ली य्‍हक्‍को दोःपीन्‍स्‍ये मुब।”

प्रेरीत् 10:15

तर थेचे देबेएनो चोतेबे केत् थ्‍येःज्‍यी, “पर्‌मेस्‍वर्‌चे चोखो स्‍य्‍हेङ्‍ज्‍यीन्‍बे स्‍हेत एचे चोखो अय्‍हीन्‍बे स्‍हे थपङो।”

प्रेरीत् 11:29

ओसेम् एन्‍टीओखीयारी मुबे डबमाचे र्‌हङ्-र्‌हङ्‍चे गत्‍ते खम्‍ज्‍यी होदे यहुदीयारी मुबे बीस्‍वासीमात र्‌हो लबरी टङ पीत्‍पे तम् डीःज्‍यी।

प्रेरीत् 24:17

“य्‍हक्‍को बर्‌स लीप्‍चे ङ यरुसलेमरी ङइ म्‍हीमात टङ पीन्‍बरी ओसेम् पर्‌मेस्‍वर्‌त भेटी पीन्‍बरी खबल मुबल।

२ कोरीन्‍थी 8:12

एङ्‌यीमाल पीन्‍बे सेम् य्‍हक्‍को मुसम् एङ्‌यीमातेङ् ता मुब, हुजु ग्‍यम्सेनो पीन्बे स्‍हेरी पर्‌मेस्‍वर् तङ्‌जेत्‍प, तर एङ्‌यीमातेङ् अरेबे स्‍हे पर्‌मेस्‍वर्‌चे म्‍हइअजेत्।

एफीसी 4:28

खल्‍ल पङ्‌लेनो य्‍हो लबे बानी मुसम् देरेम् य्‍हो लब पीत्‍थोब। तर थेचे र्‌हङ्‍चेनो दुख लज्‍यीम् इमान्‍दार्‌ले लक् स्‍य्‍हेङ्‍थोब, ओसेम् थेचे तोःबे म्‍हीमात ता पङ्‌लेनो पीन्‍ब खम्‍थोब।

तीतस 1:15

सुद्‍द म्‍हीमाकी लागीरी जम्‍मनो स्‍हेःमा सुद्‍द तब। तर असुद्‍दतेङ् बीस्‍वास् अस्‍य्‍हेङ्‍बलमाकी लागीरी तएनो सुद्‍द अत, तलेपङ्‍सम् थेङ्‍यीमाकी सेम्‍तेङ् थेङ्‍यीमाचे म्‍हेन्‍बे तम् दुस्‍ट तब।

हीब्रु 13:16

गीःचे गीःत ज्‍यब स्‍य्‍हेङ्‌बतेङ् र्‌हो स्‍य्‍हेङ्ब थम्‍लेतो। चुमानो पर्‌मेस्‍वर् तङ्‌बे ठा:मा य्‍हीन्‍ब।

हीब्रु 6:10

पर्‌मेस्‍वर्‌चे अन्‍याय स्‍य्‍हेङ्‍अजेत्, ओसेम् एङ्‌यीमाचे थेङ्‍की लागीरी स्‍य्‍हेङ्‌बे लक्‍तेङ् थेङ्‌की म्‍हीमात र्‌हो लज्‍यीम् थेङ्‍त ङोन्‍बे म्‍होइबत थेङ्‍चे म्‍लेत्‍अजेत्। ओसेम् देरेएनो एङ्‌यीमाचे होतेबे र्‌हो लबे लक् स्‍य्‍हेङ्‍स्‍यीनो टीबल मुब।

याकुब 1:27

पर्‌मेस्‍वर् अपत सेम्‍री ङ्‌यीबे चोखोतेङ् पबीत्र धर्‌ममी दुख यङ्‍बे र्‌हेम्‍बो स्‍यीबे अमकोलमा ओसेम् दुख यङ्‍बे व्‍हङ्‍स्‍य कोलमात स्‍य्‍हप्‍तो स्‍य्‍हेङ्‌ब ओसेम् जम्‍बुलीङ्‌की अज्‍यबे लक्‍मा ग्‍यम्‍से फे:ज्‍यीम् टीब य्‍हीन्‍ब।