लुका 11:4 - पश्‍चिम तामाङ

⁴ ङ्‌यीमाचे स्‍य्‍हेङ्‌बे पापमा क्षमा न्‍हङ्‌जेतो तलेपङ्‍सम् ङ्‌यीमाइ बीरुद्‍दरी पाप स्‍य्‍हेङ्‌बलमात ङ्‍यीमाचेएनो क्षमा पीन्‍बल मुब। ओसेम् ङ्‌यीमात परीक्षरी ङीन थलजेतो।”

लुका 11:4 ပူးပေါင်းရင်းမြစ်များ

मत्‍ती 18:35

हुजु लीप्‍चे येसुचे डबमात सुङ्‌ज्‍यी, “एङ्‍यीमाचे जम्‍मतनो सेम् य्‍हङ्‌सेनो माफ् अपीन्‍ज्‍यी पङ्‌सम्, स्‍वर्‌गरी स्‍य्‍हुबे ङइ अपचेएनो एङ्‌यीमात होलेनो स्‍हेङ्‍स्‍ये मुब।”

मत्‍ती 26:41

अम्‍हेर्‌नले टीउ, ओसेम् परीक्षरी अदोखइ बी प्रार्‌थना स्‍य्‍हेङो। आत्‍मामी देमेन्‍नो तयार् मुब तर ल्‍हीःमी अखम्‍बल मुब।”

लुका 11:5

ओसेम् येसुचे थेङ्‌यीमात सुङ्‌ज्‍यी, “एङ्‍यीमान्‍हङ्‌री खल्‍ल पङ्‌लेनो र्‌हो गीः मुब बी म्‍हेनो। म्‍हुनगुङ्‌री ए र्‌होकी दीम्‍री ङ्‌यीज्‍यीम् पङ्‌ब, ‘र्‌हो, ङत ग्‍येङ् सोम् खीत्‍पीनो,

लुका 13:4

होलेनो सीलोआम्‍की धरहरा गुर्‌ज्‍यीम् स्‍यीबे चोप्‍प्रेत् म्‍हीमा यरुसलेमकी ल्‍हो-ल्‍हो जम्‍मा म्‍हीमा बीमम् य्‍हक्‍को पापी य्‍हीन्‍ब म्‍हेम्‍बो स्‍यीम्?

लुका 22:46

थेङ्‌चे थेङ्‌यीमात, “एङ्‌यीमा तले न्‍हुटीबल? रेःगो ओसेम् एङ्‌यीमा परीक्षरी अदोखइ बी प्रार्‌थना स्‍य्‍हेङो” बी सुङ्‌ज्‍यी।

लुका 8:13

युङ्‌ब मुबे सरी दोःबे ब्‍लु पङ्‍बलमी चु य्‍हीन्‍ब, थेङ्‍यीमाचे पर्‌मेस्‍वर्‌की फ्रोइ् थ्‍येःब बीसेम् तङ्‌ज्‍यीम् बीस्‍वास् स्‍य्‍हेङ्‌ब। तर थेइ बीस्‍वासकी टा अरेबल तज्‍यीम् य्‍हम्‍बगीकीनो बीस्‍वास् स्‍य्‍हेङ्‌ब। ओसेम् दुख खब साच्‍चेनो बीस्‍वास् स्‍य्‍हेङ्‌ब पीत्‍लाब।

युहन्‍ना 17:15

थेङ्‌यीमात चु जम्‍बुलीङ्‍ ग्‍यम्‍से नोम्‍जेतो पङ्‍ज्‍यीम् ङ प्रार्‌थना अस्‍य्‍हेङ्, तर थेङ्‌यीमात सैतान ग्‍यम्‍से थर्‌न लजेतो पङ्‌ज्‍यीम् प्रार्‌थना स्‍य्‍हेङ्‌ब।

१ कोरीन्‍थी 10:13

म्‍हीइ जीवन्‍री खबे परीक्षमा बीम ल्‍हो-ल्‍हो परीक्षमा एङ्‍यीमात खबल अरे। तर पर्‌मेस्‍वर् बीस्‍वासीलो मुब, ओसेम् थेङ्‍चे एङ्‍यीमात एङ्‍यीमाचे नाब अखम्‍बे परीक्षरी दो:न लअजेत्, तर एङ्‍यीमाचे नाब खम्‍खइ पङ्‍ज्‍यीम् हुजु ग्‍यम्‍से डोङ्‌बे ग्‍यम्‍एनो ङोन्‍पीन्‍जेत्‍प।

कलस्‍सी 3:13

गीःचे गीःत नाको, खलइ बीरुद्‍दरी पङ्‌लेनो तए दोस् मुसम् गीःचे गीःत क्षमा पीनो। प्रभुचे खले एङ्‍यीमात क्षमा स्‍य्‍हेङ्‍जेत्‍ज्‍यी, होलेनो एङ्‌यीमाचेएनो गीःचे गीःत क्षमा स्‍य्‍हेङो।

२ थेस्‍लोनीकी 3:3

तर प्रभुमी बीस्‍वासीलो मुबल तज्‍यीम् थेङ्‌चे एङ्‌यीमात बङ्‍ज्‍येन् तनलजेत्‍स्‍ये मुब, ओसेम् सैतान् ग्‍यम्‍से थर्‌नलजेत्‍स्‍ये मुब।

२ तीमोथी 4:18

प्रभुचेनो ङत जम्‍मनो दुस्‍टमा ग्‍यम्‍से थर्‌नलजेत्‍स्‍ये मुब, ओसेम् थेङ्‌चेनो ङत ज्‍यनले स्‍वर्‌गइ य्‍हुल्‍री नोम्‍जेत्‍स्‍ये मुब। थेङ्‍त खेम पङ्‌लेनो महीमा तखइ! आमेन्।

याकुब 2:13

तलेपङ्‍सम् ल्‍हो-ल्‍होत कृपा अस्‍य्‍हेङ्‌बे म्‍हीमात पर्‌मेस्‍वर्‌चेएनो कृपा अलनले न्‍यय स्‍य्‍हेङ्‌जेत्‍प। तर कृपाचे न्‍ययत डाब।

प्रकास 2:10

एत खय्‍हम्‍बे दुखमातेङ् थलोङो। एइ बीस्‍वास्‍त जाच्‍तीबरी सैतान्‍चे एङ्‍यीमान्‍हङ्‍री डेत्‍डेत्‍त जेल्‍री युस्‍ये मुब, ओसेम् एङ्‍यीमाचे च्‍यीरेत् सम्‍म दुख नाथोःस्‍ये मुब। ए स्‍यीथोःलेनो ङत बीस्‍वास् स्‍य्‍हेङ्‍ब थपीतो, ओसेम् ङचे एत खेमेएनो अबेबे जीवन्‍की इनाम् पीन्‍स्‍ये मुब।

प्रकास 3:10

एचे धर्‌यले नाज्‍यीम् ङचे कुल्‍बे तम् ङ्‌येन्‍ज्‍यीम् ब्रबल तज्‍यीम्, जम्‍बुलीङ्‌की जम्‍मनो म्‍हीमात जाच्‍तीबरी चु जम्‍बुलीङ्‌री खस्‍येकी य्‍हक्‍को दुख ग्‍यम्‍से ङ एत थर्‌नलस्‍ये मुब।