लुका 11:39 - पश्‍चिम तामाङ

³⁹ होत्‍तज्‍यीम् प्रभुचे थेत सुङ्‌ज्‍यी, “एङ्‌यी फरीसीमा तङ्‍लोमा पगचेकीनो म्‍यप्‍प तर एङ्‌यीमाइ न्‍हङ्‍पट्‍टीचेम् लोभ्‍तेङ् अज्‍यबे स्‍हेमाचे प्‍लीङ्‌बल मुब।

लुका 11:39 ပူးပေါင်းရင်းမြစ်များ

मत्‍ती 15:19

तलेपङ्‍सम् म्‍हीइ सेम् न्‍हङ्‌सेनो दुस्‍ट तम्‍मा, सेत्‍प-तुप्‍प, ब्‍यभीचार् स्‍य्‍हेङ्‌ब, बेस्‍या स्‍य्‍हेङ्‌ब, य्‍होलब, भ्‍यु पङ्‍ब ओसेम् नीन्‍द स्‍य्‍हेङ्‌बे अज्‍यबे तम्‍मा डोङ्‌ब।

मत्‍ती 7:15

“भ्‍यु पङ्‍बे अगम्‍बक्‍तमा ग्‍यम्‍से होसीयार्‌ले टीउ। थेङ्‍यीमा ग्‍युकी ल्‍हीःरी खब, तर न्‍हङ्‍पट्‍टीचेम् लोङ्‍बे फरामा र्‌हङ्‍ब तब।

लुका 16:15

ओसेम् येसुचे थेङ्‌यीमात सुङ्‌ज्‍यी, “एङ्‌यीमा म्‍हीमाकी ङोन्‍ग्‍यम् र्‌हङ्‌चे र्‌हङ्‌त धर्‌मी म्‍हेन्‍ब। तर पर्‌मेस्‍वर्‌चे एङ्‌यीमाइ सेम्‍की तम् खेम्‍ब। तलेपङ्‍सम् म्‍हीमाकी गुङ्‌री ङ्‌हच्‍छ्‌यङ् तबे स्‍हेमा पर्‌मेस्‍वर्‌की ङोन्‍री नइबल तब।

लुका 7:13

प्रभुचे हुजु अमकोलत म्रङ्‌मम् तीङ् छज्‍यीम् थेत चोले सुङ्‌ज्‍यी, “थक्राको!”

लुका 7:19

चु तम् ङ्‌योत्‍परी प्रभुज पीत्‍ज्‍यी, “ङ्‌यीमाचे ब्रेन्‍टीबे मुक्‍ती न्‍हङ्‌बे म्‍ही एनो य्‍हीन्‍ब वुइ? ल्‍हो-ल्‍हो खलते ब्रेन्‍थोब?”

युहन्‍ना 12:6

थेचे प्रङ्‌नमात म्‍होइबल तज्‍यीम् चोले पङ्‍बल अय्‍हीन्, तर थे य्‍हो तज्‍यीम् चोले पङ्‍बल मुबल। टङइ गल्‍द थेचे नाब मुबल, ओसेम् थेचे हुजु गल्‍द ग्‍यम्‍से टङ य्‍हो लब मुबल।

युहन्‍ना 13:2

थेङ्‍मा ङ्‌येसेकी स्‍य्हेब सोल्‍टीबे बेलोरी सैतान्‍चे सीमोन्‍की ज यहुदा इस्‍करीयोतकी सेम्‍री थेङ्‌त चुङ्‍न लपीन्‍बे सेम् युपीन्‍ज्‍यीन्‍बल मुबल।

प्रेरीत् 5:3

ओसेम् पत्रुसचे पङ्‍ज्‍यी, “हननीया, एचे र्‌हङ्‌की सेम्‍री सैतानत टीबुङ्‍ज्‍यीम् पबीत्र आत्‍मात तले भ्‍यु पङ्‍बल? म्रङ् चुङ्‌ज्‍यीम् खबे टङ ग्‍यम्‍से एचे तले चेक् छुम्‍ज्‍यीम् थेन्‍बल?

गलाती 1:14

ओसेम् यहुदी धर्‌म अनुसार् ब्रबे ङइ यहुदी दउतर्‌मान्‍हङ्‍री ङ जम्‍मइ अगुवा मुबल। ङइ म्‍हेम्‍हेमाकी पेमा ङचे य्‍हक्‍को ज्‍यनले ङ्‌येन्‍ज्‍यीम् ब्रब मुबल।

२ तीमोथी 3:5

थेङ्‍यीमाचे पर्‌मेस्‍वर्‌त तेन्‍बम् स्‍य्‍हेङ्‍स्‍ये मुब, तर थेङ्‌की सक्‍तीत थेङ्‍यीमाकी ल्‍हीरी लक्‍मी स्‍य्‍हेङ्‍अपुङ्। चोतेबे लक् स्‍य्‍हेङ्‌बे म्‍हीमा ग्‍यम्‍से ए थारीङ् टीउ।

तीतस 1:15

सुद्‍द म्‍हीमाकी लागीरी जम्‍मनो स्‍हेःमा सुद्‍द तब। तर असुद्‍दतेङ् बीस्‍वास् अस्‍य्‍हेङ्‍बलमाकी लागीरी तएनो सुद्‍द अत, तलेपङ्‍सम् थेङ्‍यीमाकी सेम्‍तेङ् थेङ्‍यीमाचे म्‍हेन्‍बे तम् दुस्‍ट तब।

याकुब 4:8

एङ्‍यीमा पर्‌मेस्‍वर्‌की रेइरी खोउ, थेङ् एङ्‌यीमाकी रेइरी ब्‍योन्‍खस्‍ये मुब। एङ्‌यी पापीमा अज्‍यबे लक्‍मा स्‍य्‍हेङ्‌ब पीतो! ओसेम् एङ्‌यी सेम् ङ्‌ही थोःबे म्‍हीमा चोखो तम्‍कीनो म्‍हेनो!