लुका 11:36 - पश्‍चिम तामाङ

³⁶ तारीएनो म्‍हुन्‍दुङ् अतनले एइ जम्‍मा ल्‍हीरी य्‍हल् मुज्‍यी पङ्‌सम्, मेतङ्‍की स्‍य्‍हेर्‌चे य्‍हल् तब र्‌हङ्‌ले एइ जम्‍मा ल्‍हीरी य्‍हल् तस्‍ये मुब।”

लुका 11:36 ပူးပေါင်းရင်းမြစ်များ

मत्‍ती 13:52

हुजु लीप्‍चे थेङ्‌चे थेङ्‌यीमात सुङ्‌ज्‍यी, “होत्‍तज्‍यीम् स्‍वर्‌गइ य्‍हुल्‍की बारेरी स्‍येःबे जम्‍मनो धर्‌म लोप्‍पोन्‍मा दीम्‍की न्‍याबो र्‌हङ्‍ब तब। थेचे र्‌हङ्‌की बर्‌ग्‍यम्‍से छार् स्‍हेमाएनो तेत्‍प ओसेम् दुक्‍प स्‍हेमाएनो तेत्‍प।”

मत्‍ती 5:15

खल म्‍हीचेएनो बत्‍ती म्रज्‍यीम् पतीचे अउप्, तर दीम्‍री मुबलमा जम्‍मतनो य्‍हल् पीन्‍खइ पङ्‍ज्‍यीम् नोबे ग्‍लारी थेन्‍ब।

लुका 11:35

होत्‍तज्‍यीम् होसीयार् तउ। एतेङ् मुबे य्‍हल् म्‍हुन्‍दुङ् अतखइ।

लुका 11:37

येसुचे सुङ्‌ब बुत्‍प बीसेम् फरीसी गीःचे थेइ दीम्‍री स्‍य्‍हेःब सोल्‍बरी थेङ्‌त ङ्‌होत्‍ज्‍यी। होत्‍तज्‍यीम् थेङ् थेतेङ् स्‍येःज्‍यीम् स्‍य्‍हेःब सोल्‍बरी स्‍य्‍हुजेत्‍ज्‍यी।

२ कोरीन्‍थी 4:6

तलेपङ्‍सम् “म्‍हुन्‍दुङ् ग्‍यम्‍से य्‍हल् सर्‌खइ” बी सुङ्‍जेत्‍पे पर्‌मेस्‍वर्‌चेनो ङय्‍हङ्‍माकी सेम्‍न्‍हङ् थेङ्‌की य्‍हल् सर्‌नलजेत्‍पल मुब। हुजु य्‍हल् ग्‍यम्सेनो ख्रीस्‍ट्‍की लीःरी सर्‌बे पर्‌मेस्‍वर्‌की महीमाकी ज्ञान्‍की य्‍हल् ङ्‍य्‍हङ्‍मात स्‍येनलज्‍यी।

एफीसी 4:14

हुजु लीप्‍चे लाबतेङ् छाल्‍चे खन नाबोर्‌ज्‍यी होलेचेनो नाबोर्‌बे ज्‍यीद दोङ्‍ग र्‌हङ्‍बे ज्‍यीद कोलमा र्‌हङ्‌ले ङ्‍य्‍हङ्‍मा भ्‍युकी तम् लोप्‍पे म्‍हीमाकी तम्‍मा ङ्‌येन्‍ज्‍यीम् होलेचेनो य्‍हर्‌स्‍ये अरे। थेङ्‍यीमाचे लोप्‍पे भ्‍यु तम्‍मा ग्‍यम्‍से ल्‍हो-ल्‍होमात अज्‍यबे ग्‍यम्‍री बोर्‌ब म्‍हइब।

कलस्‍सी 3:16

एङ्‌यीमाकी सेम् ख्रीस्‍ट्‍की फ्रोइचे प्‍लीङ्‍खइ। गीःचे गीःत जम्‍मनो बुद्‍दीचे लोप्‍ज्‍यीम् अर्‌ती पीनो। ओसेम् भजन सङ्‍ग्रहकी व्‍हइमा कोज्‍यीम्, भजनकी व्‍हइमा कोज्‍यीम् ओसेम् आत्‍मीक् व्‍हइमा कोज्‍यीम् पर्‌मेस्‍वर्‌त व्‍होर्‌छ्‌ये पीनो।

हीब्रु 5:14

तर कोङ्‌बे चबमी छर्‌ज्‍यीन्‍बे म्‍हीइ लागीरी य्‍हीन्‍ब। थेचेम् ज्‍यबतेङ् अज्‍यब फेःब खम्‍बे तालीम् यङ्‍ज्‍यीन्‍बल तब।

याकुब 1:25

तर एङ्‍यीमाचेम् म्‍हीमात पाप ग्‍यम्‍से फे:पीन्‍बे सीद्‍द नीयम्‍त ज्‍यनले ङ्‌येन्‍ज्‍यीम् एङ्‍यीमाचे थ्‍येःबे हुजु नीयम्‍त म्‍लेत्‍प अय्‍हीन्, तर नीयम अनुसार ब्रसम् पर्‌मेस्‍वर्‌चे एङ्‌यीमात मोलम् न्‍हङ्‌जेत्स्‍ये मुब।

२ पत्रुस 3:18

तर खेम पङ्‌लेनो ङ्‍य्‍हङ्‍की प्रभुतेङ् मुक्‍तीदाता येसु ख्रीस्‍ट्‍की अनुग्रहतेङ् ज्ञान्‍री य्‍हक्‍को तस्‍यीनोबोरो। देरे ओसेम् खेम पङ्‌लेनो थेङ्‍तनो तोप्‍प तखइ। आमेन्!