लुका 11:24 - पश्‍चिम तामाङ

²⁴ “म्‍हङ् स्‍यप्‍पे म्‍ही ग्‍यम्‍से म्‍हङ् डोङ्‌य्‍हर्‌ब बीसेम् थे उजाड-ग्‍लामारी ङ्‌यीज्‍यीम् टीबे ग्‍ला म्‍हइबरी कोर्‌ब। तर थेचे टीबे ग्‍ला अयङ्‌ब बीसेम्, ‘ङ खनचे डोङ्‌खज्‍यी हुजु दीम्‍रीनो दोःज्‍यीम् ङ्‌यीब’ बी पङ्‌ब।

लुका 11:24 ပူးပေါင်းရင်းမြစ်များ

मर्‌कुस् 5:10

ओसेम् हुजु म्‍हङ्‍चे, “ङ्‌यीमात चु ग्‍ला ग्‍यम्‍चे थल्‍हबो” पङ्‌ज्‍यीम् फ्‍या स्‍य्‍हु लज्‍यी।

मर्‌कुस् 9:25

य्‍हक्‍को म्‍हीमा र्‌हङ् मुबे ग्‍लारी खटीबल म्रङ्‌ज्‍यीम् येसुचे म्‍हङ्‌त, “ओ लेम्‍बतेङ् न्‍हादीङ् तनलबे म्‍हङ्, चु कोल ग्‍यम्‍से डोङो! ओसेम् दोःज्‍यीम् चु कोलइ ल्‍हीरी खेमेएनो थवङो!” बी बराज्‍यीम् कुल्‍जेत्‍ज्‍यी।

लुका 11:25

थे हुजुरी दोःखमम् ङोन्‍ग्‍यम् थे टीबे दीम् सङ्‍सेङ् लज्‍यीम् ज्‍यब स्‍य्‍हेङ्‌बल यङ्‌ब।

एफीसी 2:2

हुजु बेलोरी एङ्‍यीमा जम्‍बुलीङ्‌की अज्‍यबे पेठीम्‍मा ङ्‌येन्‍ज्‍यीम् ओसेम् म्‍हङ्‍माकी य्‍हुल्‍री राज्‍य स्‍य्‍हेङ्‌बे सैतान्‍की तम् ङ्‌येन्‍ज्‍यीम् ब्रटीब मुबल। ओसेम् पर्‌मेस्‍वर्‌चे कुल्‍जेत्‍पे तम्‍मा अङ्‍येन्‍बे म्‍हीमात हुजु सैतान्‍चे देरेएनो र्‌हङ्‍की अधीन्‍री थेन्‍बल मुब।

१ पत्रुस 5:8

छोर्‌ज्‍यीम् चोङ्‍ले टीउ, एङ्‌यीमाकी सत्‍तुर् सैतान्, ङ्‍हर्‌बे ता र्‌हङ्‌ले खल्‍त स्‍यप्‍ल ओसेम् चम्‍यङ्‍ल पङ्‍ज्‍यीम् दज्‍यीम् ब्रटीब।