लुका 10:41 - पश्‍चिम तामाङ

⁴¹ प्रभुचे थेत सुङ्‌ज्‍यी, “मार्‌था, मार्‌था! ए य्‍हक्‍को स्‍य्‍हेमाइ बारेरी छेर्‌बल मुब।

लुका 10:41 ပူးပေါင်းရင်းမြစ်များ

मर्‌कुस् 4:19

तर थेमाइ जीवन्‍री छेर्‌ब, टङतेङ् ल्‍हो-ल्‍हो स्‍य्‍हेमाइ लोभ्‍चे लज्‍यीम् पर्‌मेस्‍वर्‌की फ्रोइत लक् स्‍य्‍हेङ् अपुङ्। होत्‍तज्‍यीम् थेमाइ बीस्‍वास्‍री तेएनो अरो।

लुका 10:38

येसुतेङ् थेङ्‌की डबमा स्‍येःटीमम् नम्‍स गीःरी दोःजेत्‍ज्‍यी। हुजु नम्‍सइ मार्‌था पङ्‌बे अमकोलचे थेइ दीम्‍री थेङ्‌मात स्‍वागत स्‍य्‍हेङ्‌ज्‍यी।

लुका 10:40

तर मार्‌थामी येसुत क्‍योङ्‌बरी योप्‍त स्‍य्‍हेङ्‌बरी उन्‍टीबल तज्‍यीम् थे येसुज खज्‍यीम् पङ्‌ज्‍यी, “प्रभु, योप्‍त स्‍य्‍हेङ्‌बरी ङइ अङचे ङत र्‌हो अस्‍य्‍हेङ्‌बल थेङ्‍चे अस्‍हीजेतो? ङत र्‌हो लबरी ङ्‌यीउ बी थेत सुङ्‌जेतो।”

लुका 12:22

ओसेम् येसुचे र्‌हङ्‌की डबमात सुङ्‌ज्‍यी, “होत्‍तज्‍यीम् ङ एङ्‌यीमात पङ्‌ब, एङ्‌यीमा सोबे लागीरी ता चल, ल्‍हीकी लागीरी ता येन्‍ल बी थछेरो।

लुका 21:34

“होसीयार् तज्‍यीम् टीउ, य्‍हक्‍को चबथुङ्‌ब लज्‍यीम् ङ्‌य्‍हेज्‍यीम् थब्रउ। ओसेम् चु जीवनकी लागीरी थछेरो, अय्‍हीन् पङ्‌सम् एङ्‌यीमाइ सेम् न्‍होङ्‌स्‍ये मुब। ओसेम्, हुजु दीन्‍री एङ्‌यीमा तीक्‍कुरीनो वरी स्‍यप्‍प र्‌हङ्‌ले स्‍यप्‍स्‍ये मुब।

लुका 8:14

पुजुइ जीङ्‌न्‍हङ् दोःबे ब्‍लु पङ्‍बलमी चु य्‍हीन्‍ब, थेङ्‍यीमाचे पर्‌मेस्‍वर्‌की फ्रोइ्‍मी ङ्‌येन्‍ब तर थेमाइ जीवन्‍री छेर्‌ब, टङतेङ् स्‍हेमाइ लोभ ओसेम् मोज्‍मजमाचे लज्‍यीम् बीस्‍वासत ङ्‌हच्‍छ्‌यङ् ताअबुङ। होत्‍तज्‍यीम् थेमाइ बीस्‍वास्‍री तेएनो अरो।

युहन्‍ना 11:1

बेथनीया पङ्‍बे नम्‍सरी टीबे लाजरस पङ्‍बे म्‍ही गी नबल मुबल। ओसेम् थेइ अनमा मरीयमतेङ् मार्‌थएनो बेथानीयारी टीबल मुबल।

युहन्‍ना 11:5

येसुचे मार्‌थतेङ् थेइ अङ मरीयम् ओसेम् अले लाजरसत म्‍होइजेत्‍प मुबल।

युहन्‍ना 12:2

थेङ्‍यीमाचे हुजुरी येसुइ लागीरी ङ्‌येसेकी स्‍येब स्‍य्‍हेङ्‌ज्‍यी। ओसेम् मार्‌थचे स्‍य्हेब क्‍योङ्‍बे लक् स्‍य्‍हेङ्‍टीब मुबल, ओसेम् लाजरसमी येसुतेङ् स्‍य्हेब सोल्‍बरी टीटीबे म्‍हीमातेङ् मुबल।

फीलीप्‍पी 4:6

तइ तम्‍रीएनो थछेरो, तर एङ्‌यीमात तोःबे जम्‍मनो तम्‍री प्रार्‌थना स्‍य्‍हेङो, ओसेम् पर्‌मेस्‍वर्‌त व्‍होर्‌छ्‌ये पीन्‍ज्‍यीम् र्‌हीदो।