लुका 10:27 - पश्‍चिम तामाङ

²⁷ धर्‌म-लोप्‍पोन्‍चे पङ्‌ज्‍यी, “‘एचे परमप्रभु र्‌हङ्‌ल पर्‌मेस्‍वर्‌त र्‌हङ्‌की सेम् य्‍हङ्‌से, बुः य्‍हङ्‌से, बङ् य्‍हङ्‌से, म्‍हेन्लु य्‍हङ्‌से म्‍होइको।’ ओसेम् ‘र्‌हङ्‌की खीम्‍चेत र्‌हङ्‌त र्‌हङ्‌लेनो म्‍होइथोब।’”

लुका 10:27 ပူးပေါင်းရင်းမြစ်များ

मत्‍ती 19:19

एचे र्‌हङ्‌की अप-अमत स्‍य्‍हेस स्‍य्‍हेङो ओसेम् र्‌हङ्‌की खीम्‍चेत र्‌हङ्‌त र्‌हङ्‌लेनो म्‍होइगो।”

लुका 10:26

येसुचे सुङ्‌ज्‍यी, “चु तम्‍री मोसाचे ब्रीबे पर्‌मेस्‍वर्‌की नीयम्‍चे ता पङ्‌ब? हुचुरी एचे ता गोज्‍यी?”

रोमी 13:9

थेङ्‌की नीयम् न्‍हङ्‌री “ब्‍यभीचार थस्‍य्‍हेङो, म्‍ही थसेतो, य्‍हो थलो, लोभ थलो पङ्‍बे अर्‌तीमा कुल्‍जेत्‍पल मुब।” चु जम्‍मनो अर्‌तीमातेङ् ल्‍हो-ल्‍हो अर्‌तीमामी “एचे र्‌हङ्‌की खीम्‍सेत र्‌हङ्‍त म्‍होइब र्‌हङ्‌लेनो म्‍होइगो” पङ्‍ज्‍यीम् कुल्‍बे अर्‌ती गीःरीनो टोप् तब।

गलाती 5:13

बीस्‍वासी र्‌होमा, एङ्‍यीमामी स्‍वतन्‍त्र तबरी ङ्‌होत्‍जेत्‍पल य्‍हीन्‍ब। चु स्‍वतन्‍त्रत ल्‍हीकी स्‍वभाब अनुसार ब्रबरी थकोलो। बरु गीःचे गीःत म्‍होइज्‍यीम् ज्‍यब स्‍य्‍हेङो।

हीब्रु 8:10

परमप्रभु सुङ्‍जेत्‍प, खस्‍येकी बेलोरी, ङ इस्राएलकी म्‍हीमातेङ् चु छार् करार् खीःस्‍ये मुब, थेङ्‍यीमाकी सेम्‍री ङइ नीयम् थेन्‍पीन्‍स्‍ये मुब, ओसेम् थेङ्‍यीमाकी सेम्‍री हुजु ब्रीपीन्‍स्‍ये मुब, ओसेम् ङ थेङ्‌यीमाकी पर्‌मेस्‍वर् तस्‍ये मुब, ओसेम् थेङ्‌यीमा ङइ म्‍हीमा तस्‍ये मुब।

याकुब 2:8

धर्‌म छ्‍ये:री यङ्‍बे, “र्‌हङ्‍की खीम्‍सेत र्‌हङ्‍त र्‌हङ्‌लेनो म्‍होइगो” पङ्‍बे पर्‌मेस्‍वर्‌की य्‍हुल्‍की नीयम्‍त एङ्‍यीमाचे ङ्‍येन्‍ज्‍यी पङ्‌सम् ज्‍यब स्‍य्‍हेङ्‌ब।

१ युहन्‍ना 3:18

म्‍होइबे कोलमा, ङ्‍य्‍हङ्‍माचे तम् छीःमाचेकीनो म्‍होइब अय्‍हीन्, ङ्‌य्‍हङ्‌माकी म्‍होइब देमेन् तथोब, ओसेम् हुजु लक्‍री म्रङ्‍थोब।