लुका 10:25 - पश्‍चिम तामाङ

²⁵ धर्‌म लोप्‍पोन् गीः खज्‍यीम् येसुत फसाइतीब म्‍हेन्‍ज्‍यीम् चोले पङ्‌ज्‍यी, “लोप्‍पोन्, पर्‌मेस्‍वर्‌तेङ् खेमेएनो अबेबे जीवन यङ्‌बरी ङचे ता स्‍य्‍हेङ्‌थोब?”

लुका 10:25 ပူးပေါင်းရင်းမြစ်များ

मर्‌कुस् 10:17

येसु हुजु ग्‍लाचे स्‍येःब छ्‍येमम् म्‍ही गीः छ्‍योङ्‍खज्‍यीम् थेङ्‌की ङोन्‍री पुइ जुःज्‍यीम् ङ्‌योत्‍ज्‍यी, “ज्‍यबे लोप्‍पोन्, खेमेएनो अबेबे जीवन् यङ्‌बरी ङचे त स्‍य्‍हेङ्‍थोब?”

मर्‌कुस् 10:3

येसुचे थेङ्‌यीमात ङ्‌योत्‍जेत्‍ज्‍यी, “एङ्‌यीमात मोसाचे ता कुल्‍बल मुब?”

मर्‌कुस् 12:28

धर्‌म-लोप्‍पोन् गीःचे हुजुरी तबे तम्‍मा ङ्‌येन्‍टीब मुबल। येसुचे सदुकी म्‍हीमात ज्‍यनले जोहाप् न्‍हङ्‌बल म्रङ्‌ज्‍यीम् थेचे येसुत ङ्‌योत्‍ज्‍यी, “लोप्‍पोन्, पर्‌मेस्‍वर्‌चे कुल्‍जेत्‍पे अर्‌तीमान्‍हङ्‌री खजु चइ गोदोब्‍न्‍हङ्‍री ङ्‍हच्‍छ्‍यङ् य्‍हीन्‍ब?”

लुका 10:24

तलेपङ्‍सम् ङ एङ्‌यीमात पङ्‌ब, एङ्‍यीमाचे म्रङ्‌बे चु तम्‍मा य्‍हक्‍को अगम्‍बक्‍तमातेङ् ग्‍यल्‍बोमाचे च्‍याबतेङ् ङ्‌येन्‍ब म्‍हइज्‍यी। तर थेङ्‍यीमाचे च्‍याबतेङ् ङ्‌येन् अम्‍यङ्।”

लुका 10:26

येसुचे सुङ्‌ज्‍यी, “चु तम्‍री मोसाचे ब्रीबे पर्‌मेस्‍वर्‌की नीयम्‍चे ता पङ्‌ब? हुचुरी एचे ता गोज्‍यी?”

लुका 18:18

यहुदीमाकी सासक् गीःचे येसुत “ज्‍यबे लोप्‍पोन्, खेमेएनो अबेबे जीवन् यङ्‌बरी ङचे ता स्‍य्‍हेङ्‌थोब?” बी ङ्‌योत्‍ज्‍यी।

लुका 7:30

तर फरीसीमातेङ् धर्‌म लोप्‍पोन्‍माचेमी थेमाइ लागीरी पर्‌मेस्‍वर्‌की योजनत अङ्‌येन्‍ज्‍यीम् युहन्‍ना ग्‍यम्‍से बप्‍तीस्‍मा अकीन्।

युहन्‍ना 8:6

थेङ्‍यीमाचे थेङ्‌त दोस् ल्‍हइदी म्‍य्‍हङ्‍मुवा बी चोले ङ्‌योत्‍पल मुबल। तर थेङ्‌चे कुरीक् लजेत्‍ज्‍यीम् सरी फ्‍या जुमीचे ब्रीजेत्‍ज्‍यी।

गलाती 3:18

तलेपङ्‍सम् पर्‌मेस्‍वर्‌चे न्‍हङ्‍जेत्‍प बी सुङ्‍बे मोलम् मोसाचे ब्रीबे नीयम् ग्‍यम्‍से यङ्‌सम् बाचा ग्‍यम्‍से यङ्‍बे तम्‍नो अत। तर पर्‌मेस्‍वर्‌चे बाचा ग्‍यम्सेनो हुजु मोलम् अब्रहाम्‍त न्‍हङ्‍जेत्‍ज्‍यी।