लुका 10:18 - पश्‍चिम तामाङ

¹⁸ येसुचे थेङ्‌यीमात सुङ्‌ज्‍यी, “ङचे सैतानत तीप्‍लीक् फ्‍लीक्‍प र्‌हङ्‌ले स्‍वर्‌गचे तइटीबल म्रङ्‌ज्‍यी।

लुका 10:18 ပူးပေါင်းရင်းမြစ်များ

मत्‍ती 4:10

येसुचे थेत सुङ्‌ज्‍यी, “सैतान, चु ग्‍लासे य्‍हरो! धर्‌मइ छ्‍येःरी ब्रीबल मुब, ‘एचे परमप्रभु एइ पर्‌मेस्‍वर्‌त तेनो, ओसेम् थेङ्‍तकीनो स्‍य्‍हप्‍तो स्‍य्‍हेङो।’”

युहन्‍ना 12:31

देरेम् चु जम्‍बुलीङ्‌की न्‍याय स्‍य्‍हेङ्‌बे बेलो खबल मुब, देरेम् जम्‍बुलीङ्‌की सासक्‍त तेत्‍लास्‍ये मुब।

युहन्‍ना 16:11

ओसेम् पर्‌मेस्‍वर्‌की न्‍यायकी बारेरी थेङ्‌यीमात ङोन्‍जेत्‍स्‍ये मुब, तलेपङ्‍सम् चु जम्‍बुलीङ्‌की सासक् ङोन्‍नो दोसी तज्‍यीन्‍बल मुब।

हीब्रु 2:14

तलेपङ्‍सम् कोलमाकी ल्‍हीः स्‍यतेङ् काल तबल तज्‍यीम् येसु र्‌हङएनो थेङ्‍यीमाल र्‌हङ्‌ले स्‍यतेङ् कालनो तजेत्‍ज्‍यी। स्‍यीबे सक्‍ती मुबे सैतान्‍त नास् स्‍य्‍हेङ्‍जेत्‍परी थेङ् र्‌हङ्‌नो स्‍यीजेत्‍ज्‍यी।

१ युहन्‍ना 3:8

पाप स्‍य्‍हेङ्‍स्‍यीनो टीबे म्‍हीमा सैतान्‍ल य्‍हीन्‍ब। तलेपङ्‍सम् सैतान्‍चेम् चु:ब य्‍हङ्‌सेनो पाप स्‍य्‍हेङ्‍स्‍यीनो टीबल मुब। होत्‍तज्‍यीम् सैतान्‍की लक्‍मा नास् लबरी पर्‌मेस्‍वर्‌की ज म्रङ्‍खजेत्‍पल य्‍हीन्‍ब।

प्रकास 20:2

ओसेम् थेचे हुजु सङ्‍मोत चुङ्‌ज्‍यीम् हजार् गीः बर्‌स सम्‍मइ लागीरी खीःज्‍यीम् थेन्‍ज्‍यी। हुजु सङ्‌मोमी दङ्‌बोइ पुख्री म्‍हङ्‌माकी ग्‍यल्‍बोतेङ् सैतान् य्‍हीन्‍ब।

प्रकास 9:1

हुजुलीप्‍चे पाचौ स्‍वर्‌गदुत्‍चे थेइ तुरही र्‌हप्‍ज्‍यी ओसेम् ङचे मुग्‍यम्‍से सार् गी सरी तइयुबल म्रङ्‌ज्‍यी। हुजु सार्‌त दप्‍ज्‍यीम् दप्‍प अखम्‍बे नुप्‍पे व्‍हङ्‍की साचो पीन्‍ज्‍यी।