लुका 1:31 - पश्‍चिम तामाङ

³¹ देरे एइ फोरी कोल खस्‍ये मुब। ओसेम् ज गीः न्‍हस्‍ये मुब। एचे थेङ्‌की छेन् येसु थेनो।

लुका 1:31 ပူးပေါင်းရင်းမြစ်များ

मत्‍ती 1:21

मरीयमचे ज गी न्‍हस्‍ये मुब, ओसेम् एचे थेङ्‌की छेन् येसु थेन्‍स्‍ये मुब। तलेपङ्‍सम् थेङ्‌चे र्‌हङ्‌की म्‍हीमात थेङ्‌यीमाकी पापमा ग्‍यम्‍चे थर्‌न लजेत्‍स्‍ये मुब।”

मत्‍ती 1:23

“च्‍यागो, कङ्‍य अमकोलइ फोरी कोल खज्‍यीम् थेचे ज गी न्‍हस्‍ये मुब। ओसेम् म्‍हीमाचे थेङ्‌त इम्‍मानुएल पङ्‌स्‍ये मुब।” (इम्‍मानुएल पङ्‍बलमी, “पर्‌मेस्‍वर् ङ्‍य्‍हङ्तेङ्” य्‍हीन्‍ब।)

मत्‍ती 1:25

तर मरीयमचे ज अन्‍ह गदेसम्‍म योसेफ थेतेङ् बक्‍च्‍य अन्‍हु। मरीयमचे ज न्‍हब बीसेम् योसेफचे हुजु कोलकी मीन् येसु थेन्‍ज्‍यी।

लुका 1:13

तर स्‍वर्‌गदुत्‍चे थेत पङ्‌ज्‍यी, “जकरीया थलोङो! एइ प्रार्‌थना पर्‌मेस्‍वर्‌चे सेन्‍जेत्‍पल मुब। एइ म्रीङ् एलीसीबाचे एइ लागीरी ज गीः न्‍हस्‍ये मुब। ओसेम् एचे थेइ मीन् युहन्‍ना थेनो।

लुका 1:27

मरीयम पङ्‌बे कङ्‍य अमकोलज पीत्‍जेत्‍ज्‍यी। थेत दाऊदकी खलक्‍की योसेफ पङ्‌बे म्‍हीतेङ् भ्‍या स्‍य्‍हेङ्‌बरी र्‌हीत्‍पल मुबल।

लुका 2:21

दीन् ब्रेत्‍री कोलत मोसाचे ब्रीबे पर्‌मेस्‍वर्‌की नीयम् र्‌हङ्‌लेनो थेङ्‍यीमाचे खतना स्‍य्‍हेङ्‌ज्‍यी। ओसेम् थेङ्‌ल छेन् येसु थेन्‍ज्‍यी। येसु अमइ फोरी खब बीमम् ङोन्‍ग्‍यम्‍नो स्‍वर्‌गदुत्‍चे हुजु मीन् थेनो पङ्‌बल मुबल।

लुका 20:44

दाऊदचे मुक्‍ती न्‍हङ्‌बे ख्रीस्‍ट्त ‘प्रभु’ पङ्‌ब पङ्‌सम् थे खले दाऊदकी ज तब?”

गलाती 4:4

तर पर्‌मेस्‍वर्‌चे टोप लजेत्‍पे बेलो खब बीसेम् थेङ्‍चे र्‌हङ्‍की जत पीत्‍युजेत्‍ज्‍यी। थेङ् अमकोल ग्‍यम्‍चे न्‍हजेत्‍ज्‍यी, ओसेम् मोसाचे ब्रीबे नीयम् ङ्‌येन्‍ज्‍यीम् ब्रजेत्‍ज्‍यी।