लुका 1:13 - पश्‍चिम तामाङ

¹³ तर स्‍वर्‌गदुत्‍चे थेत पङ्‌ज्‍यी, “जकरीया थलोङो! एइ प्रार्‌थना पर्‌मेस्‍वर्‌चे सेन्‍जेत्‍पल मुब। एइ म्रीङ् एलीसीबाचे एइ लागीरी ज गीः न्‍हस्‍ये मुब। ओसेम् एचे थेइ मीन् युहन्‍ना थेनो।

लुका 1:13 ပူးပေါင်းရင်းမြစ်များ

मत्‍ती 1:21

मरीयमचे ज गी न्‍हस्‍ये मुब, ओसेम् एचे थेङ्‌की छेन् येसु थेन्‍स्‍ये मुब। तलेपङ्‍सम् थेङ्‌चे र्‌हङ्‌की म्‍हीमात थेङ्‌यीमाकी पापमा ग्‍यम्‍चे थर्‌न लजेत्‍स्‍ये मुब।”

मत्‍ती 14:27

तर येसुचे थेङ्‌यीमात हुजु बेलोरीनो, “थलोङो, ङ य्‍हीन्‍ब, आर् लउ” बी सुङ्‌ज्‍यी।

मत्‍ती 28:5

तर स्‍वर्‌गदुत्‍चे हुजु अमकोलमात पङ्‍ज्‍यी, “थलोङो, ङत था मुब, एङ्‌यीमा क्रुस्‍री च्‍योलाबे येसुत म्‍हइबरी खबल य्‍हीन्‍ब।

मर्‌कुस् 16:6

तर हुजु ब्‍योन् म्‍हीचे पङ्‍ज्‍यी, “थलोङो, एङ्‍यीमा क्रुस्‍री च्‍योलाबे नासरत्‍की येसुत म्‍हइटीब मुब। थेङ् चुरी अरे, थेङ् स्‍यीब ग्‍यम्‍से सोज्‍यीन्‍बल मुब! च्‍यागो, थेङ्‌त थेन्‍बे ग्‍ला चुनो य्‍हीन्‍ब।

लुका 1:14

थे न्‍हबे बेलोरी ए य्‍हक्‍को तङ्‌ज्‍यीम् छु:स्‍ये मुब। ओसेम् य्‍हक्‍को म्‍हीमाएनो तङ्‌स्‍ये मुब।

लुका 1:30

स्‍वर्‌गदुत्‍चे थेत पङ्‌ज्‍यी, “मरीयम थलोङो! तलेपङ्‍सम् एचे पर्‌मेस्‍वर् ग्‍यम्‍चे मोलम् यङ्‌बल मुब।

लुका 2:21

दीन् ब्रेत्‍री कोलत मोसाचे ब्रीबे पर्‌मेस्‍वर्‌की नीयम् र्‌हङ्‌लेनो थेङ्‍यीमाचे खतना स्‍य्‍हेङ्‌ज्‍यी। ओसेम् थेङ्‌ल छेन् येसु थेन्‍ज्‍यी। येसु अमइ फोरी खब बीमम् ङोन्‍ग्‍यम्‍नो स्‍वर्‌गदुत्‍चे हुजु मीन् थेनो पङ्‌बल मुबल।

प्रेरीत् 10:31

‘कर्‌नेलीयस, पर्‌मेस्‍वर्‌चे एइ प्रार्‌थना सेन्‍जेत्‍पल मुब। ओसेम् एचे प्रङ्‌नमात चब थुङ्‍ब पीन्‍बल थेङ्‌चे व्‍हल् लजेत्‍पल मुब।