युहन्‍ना 9:4 - पश्‍चिम तामाङ

⁴ ङत पीत्‍युजेत्‍पलइ लक् ङ्‍य्‍हङ्‍माचे दीनीइ य्‍हल् मुननो स्‍य्‍हेङ्‍थोब। देरेम् ग्‍योनेनो म्‍हुन तय्‍हम्‍टीब ओसेम् खल्‍चेएनो लक् स्‍य्‍हेङ्‌ब अखम्।

युहन्‍ना 9:4 ပူးပေါင်းရင်းမြစ်များ

मत्‍ती 20:7

थेङ्‍यीमाचे थेत जोहाप् पीन्‍ज्‍यी, ‘तलेपङ्‍सम् ङ्‍यीमात खल्‍चेएनो म्‍हेलरी अकुल्।’ हुजु लीप्‍चे थेचे थेङ्‌यीमात, ‘एङ्‌यीमाएनो ङइ अङ्‌गुर्‌की म्रङ्‌री लक् स्‍य्‍हेङ्‌बरी ङ्‍यीउ’ बी पङ्‍ज्‍यी।

मर्‌कुस् 3:3

येसुचे हुजु या खर्‌बे म्‍हीत, “खज्‍यीम् जम्‍मइ गुङ्‍री रपो” बी सुङ्‌ज्‍यी।

युहन्‍ना 10:32

तर येसुचे थेङ्‌यीमात सुङ्‌ज्‍यी, “अपचे ङत स्‍य्‍हेङो बी सुङ्‍बे ज्‍यबे लक्‍मा ङचे एङ्‌यीमाकी ङोन्‍ग्‍यम् य्‍हक्‍कोनो स्‍य्‍हेङ्‌ज्‍यी। हुजु लक्‍मा न्‍हङ्‌री खजु लक्‍की लागीरी एङ्‍यीमाचे ङत युङ्‌ब प्रुङ्‍ब म्‍हइबल?”

युहन्‍ना 10:37

ङचे स्‍य्‍हेङ्‌बे लक् पर्‌मेस्‍वर् अप ग्‍यम्‍से अय्‍हीन्‍सम् एङ्‍यीमाचे ङत बीस्‍वास् थस्‍य्‍हेङो।

युहन्‍ना 12:35

येसुचे थेङ्‌यीमात जोहाप् न्‍हङ्‌ज्‍यी, “य्‍हम्‍बगीकीनो य्‍हल् एङ्‌यीमातेङ् बक्‍च्‍य तस्‍ये मुब। य्‍हल् एङ्‌यीमातेङ् बक्‍च्‍य मुबे बेलोरीनो र्‌हङ्‌की ग्‍यम्‍से ब्रउ, एङ्‌यीमात म्‍हुन्‍दुङ्‍चे अउप्‍खइ। म्‍हुन्‍दुङ्‍न्‍हङ् ब्रबलचे र्‌हङ् खन ङ्‍यीटीब बी अस्‍ये।

युहन्‍ना 17:4

थेङ्‌चे ङत टोप् लउ पङ्‍ज्‍यीम् न्‍हङ्‌बे जम्‍मनो लक् ङचे टोप् लज्‍यीम् ङचे चु जम्‍बुलीङ्‌री थेङ्‌की महीमा स्‍य्‍हेङ्‌बल मुब।

युहन्‍ना 4:34

ओसेम् येसुचे थेङ्‌यीमात सुङ्‌ज्‍यी, “ङत पीत्‍युजेत्‍पलइ थुः र्‌हङ्‌लेनो ब्रबतेङ् थेङ्‌की लक् टोप् स्‍य्‍हेङ्‌बनो ङइ चब य्‍हीन्‍ब।

युहन्‍ना 5:19

होत्‍तज्‍यीम् येसुचे थेङ्‌यीमात सुङ्‌ज्‍यी, “देमेन्‍नो ङ एङ्‌यीमात पङ्‌ब, जचे र्‌हङ्‌चेनो तएनो स्‍य्‍हेङ्‌ब अखम्, तर अपचे ता स्‍य्‍हेङ्‌जेत्‍पल म्रङ्‌ज्‍यी हुजुकीनो स्‍य्‍हेङ्‌ब, तलेपङ्‍सम् अपचे ता स्‍य्‍हेङ्‌जेत्‍ज्‍यी, जचे हुजुनो स्‍य्‍हेङ्‌ब।

युहन्‍ना 5:36

“तर युहन्‍नाल बीमएनो ङ्‌हच्‍छ्‌यङ् गवाही ङतेङ् मुब। ङइ अपचे ङत स्‍य्‍हेङ्‌बरी कुल्‍बे लक्‍मा ङचे स्‍य्‍हेङ्‍टीबल मुब, ओसेम् हुजु लक्‍माचेनो ङत अपचे पीत्‍युजेत्‍पल य्‍हीन्‍ब पङ्‌ज्‍यीम् गवाही पीन्‍ब।

युहन्‍ना 7:33

ओसेम् येसुचे सुङ्‌जेत्‍ज्‍यी, “य्‍हम्‍बगीकीनो ङ एङ्‌यीमातेङ् तस्‍ये मुब, हुजु लीप्‍चे ङ ङत पीत्‍युजेत्‍पलज दोःज्‍यीम् य्‍हर्‌स्‍ये मुब।

प्रेरीत् 4:20

तलेपङ्‍सम् ङ्‌यीमा र्‌हङ्‌चे म्रङ्‌बतेङ् थ्‍येःबे तम् अपङ्‍नले टीअखम्।”

गलाती 6:10

होत्‍तज्‍यीम् मौक यङ्‍ब अनुसार ङ्‍य्‍हङ्‍माचे जम्‍मा म्‍हीमात ज्‍यब स्‍य्‍हेङ्‌थोब, बीसेस लज्‍यीम् ङ्‍य्‍हङ्‍की बीस्‍वास्‍की म्‍हेम्‍यमाला।

एफीसी 5:16

ओसेम् एङ्‍यीमाचे ज्‍यबे लक्‍मा स्‍य्‍हेङ्‌बरी मौक यङ्‍सम् स्‍य्‍हेङ्‌ब थपीतो। तलेपङ्‍सम् तीन्‍हम्‍स्‍य्‍हो म्‍हीमाचे दुस्‍ट लक्‍मा स्‍य्‍हेङ्‌ब।

कलस्‍सी 4:5

एङ्‌यीमा ख्रीस्‍ट्‍त बीस्‍वास् अस्‍य्‍हेङ्‌बे म्‍हीमातेङ् मुबे बेलोरी एङ्‌यीमाचे थेङ्‍यीमातेङ् बुद्‍दी मुबे म्‍हीचे र्‌हङ्‌ले ब्‍यबहार् स्‍य्‍हेङो, ओसेम् एङ्‍यीमाचे यङ्‍बे जम्‍मनो मौक स्‍योर्‌न थलउ।