युहन्‍ना 8:51 - पश्‍चिम तामाङ

⁵¹ ङ एङ्‌यीमात देमेन्‍नो पङ्‍ब खल्‍चे ङचे पङ्‍बे तम् ङ्‍येन्‍ब थे खेमेएनो स्‍यीस्‍ये अरे।”

युहन्‍ना 8:51 ပူးပေါင်းရင်းမြစ်များ

मत्‍ती 16:28

देमेन्‍नो ङ एङ्‌यीमात पङ्‍ब, चुरी रप्‍टीबलमा न्‍हङ्‌री डेत्‍डेत्‍मी म्‍हीइ जत थेइ य्‍हुल्‍री युटीबल अम्रङ्‌गदे स्‍यीस्‍ये अरे।”

लुका 2:26

“परमप्रभुचे पीत्युजेत्‍स्‍येकी मुक्‍ती न्‍हङ्‌बे ख्रीस्‍ट्त अम्रङ्‌गते ए स्‍यीस्‍ये अरे” पङ्‌ज्‍यीम् पबीत्र आत्‍माचे सीमीयोनत ङोन्‍ग्‍यम्‍नो था पीन्‍बल मुबल।

युहन्‍ना 14:23

येसुचे थेत जोहप् न्‍हङ्‌ज्‍यी, “ङत म्‍होइबलमाचे ङचे पङ्‍बे तम् ङ्‌येन्‍ज्‍यीम् ब्रब। ओसेम् थेङ्‌यीमात ङइ अपचे म्‍होइजेत्‍स्‍ये मुब, ओसेम् अपतेङ् ङ थेङ्‌यीमाज युज्‍यीम् थेमातेङ् बक्‍च्‍य टीस्‍ये मुब।

युहन्‍ना 15:20

ङचे एङ्‌यीमात, ‘योक्‍पो न्‍याबो बीम ङ्‍हच्‍छ्‍यङ् अत’ बी पङ्‍बे तम् व्‍हल् लउ। म्‍हीमाचे ङत दुख पीन्‍ज्‍यी पङ्‌सम् एङ्‍यीमातएनो पीन्‍स्‍ये मुब। ओसेम् थेङ्‍यीमाचे ङइ तम्‍मा ङ्‍येन्‍ज्‍यी पङ्‌सम् एङ्‌यीमाकी तमएनो ङ्‍येन्‍स्‍ये मुब।

युहन्‍ना 17:6

“जम्‍बुलीङ्‍ ग्‍यम्‍से थेङ्‌चे ङत न्‍हङ्‌बे म्‍हीमात ङचे थेङ्‌त स्‍येनलबल मुब। थेङ्‍यीमा थेङ्‌ल मुबल, ओसेम् थेङ्‌चेनो थेङ्‍यीमा ङत न्‍हङ्‍जेत्‍ज्‍यी। थेङ्‍यीमाचे थेङ्‌की फ्रोइ ङ्‌येन्‍बल मुब।

युहन्‍ना 5:24

“देमेन्‍नो ङ एङ्‌यीमात पङ्‌ब, खल्‍चे ङइ तम् ङ्‌येन्‍ज्‍यीम् ङत पीत्‍युजेत्‍पलत बीस्‍वास् स्‍य्‍हेङ्‌ब, थेतेङ् खेमेएनो अबेबे जीवन तब। ओसेम् थे न्‍यायरी दोःस्‍ये अरे, तर स्‍यीब ग्‍यम्‍से जीवन्‍री वङ्‌ज्‍यीन्‍बल तब।

युहन्‍ना 6:50

तर स्‍वर्‌ग ग्‍यम्‍से युबे ग्‍येङ् चुनो य्‍हीन्‍ब, खल्‍चे चु ग्‍येङ् चब हुजु स्‍यीस्‍ये अरे।

युहन्‍ना 8:12

येसुचे देबेएनो थेङ्‌यीमात सुङ्‌ज्‍यी, “जम्‍बुलीङ्‌की य्‍हल् ङनो य्‍हीन्‍ब। ङइ लीप्‍चे ब्रबलमा म्‍हुन्‍दुङ्‍री ब्रस्‍ये अरे, तलेपङ्‍सम् थेचे जीवनकी य्‍हल् यङ्‍स्‍ये मुब।”

युहन्‍ना 8:52

यहुदी अगुवामाचे थेङ्‌त पङ्‍ज्‍यी, “देरेम् ङ्‌यीमाचे देमेन्‍नो एत म्‍हङ् स्‍यप्‍पल टीम् बी स्‍येज्‍यी! अब्रहाम स्‍यीज्‍यी, अगम्‍बक्‍तमाएनो स्‍यीज्‍यी, होलेतलेनो एचे पङ्‍ब, ‘खल्‍चे ङचे पङ्‍बे तम् ङ्‍येन्‍ब थे खेमेएनो स्‍यीस्‍ये अरे’

युहन्‍ना 8:55

होलेतलेनो एङ्‍यीमाचे थेङ्‌त स्‍येबल अरे, ङचेम् थेङ्‍त ज्‍यनले स्‍येब। ङचेएनो थेङ्‌त अस्‍ये पङ्‍ज्‍यी पङ्‌सम् ङएनो एङ्‌यीमा र्‌हङ्‍बे भ्‍यु पङ्‍बे म्‍ही तस्‍येल। तर ङचे थेङ्‌त स्‍येब, ओसेम् थेङ्‌की फ्रोइ ङ्‍येन्‍ब।

हीब्रु 11:5

बीस्‍वास् ग्‍यम्सेनो हनोक अस्‍यीननो स्‍वर्‌गरी नोम्‍जेत्‍ज्‍यी, ओसेम् थे खनएनो यङ्‍ब अखम्, तलेपङ्‍सम् पर्‌मेस्‍वर्‌चे थेत नोम्‍जेत्‍पल मुबल। थेत नोम्‍जेत्‍प बीम ङोन्‍ग्‍यम् थेचे पर्‌मेस्‍वर्‌त तङ्‍नलबल मुबल पङ्‍बे तम् चु ग्‍यम्सेनो ङोन्‍बल मुब।

हीब्रु 2:9

तर य्‍हम्‍की लागीरी स्‍वर्‌गदुत्‍मा बीम ज्‍यीद तन लजेत्‍बे येसुत ङ्‍य्‍हङ्‍माचे म्रङब। ओसेम् पर्‌मेस्‍वर्‌की अनुग्रहचे लज्‍यीम् थेङ् जम्‍म म्‍हीमाकी लागीरी स्‍यीपीन्‍जेत्‍ज्‍यी। हुजु स्‍यीबे दुख नापीन्‍जेत्‍पल तज्‍यीम् पर्‌मेस्‍वर्‌चे थेङ्‌त महीमातेङ् स्‍य्‍हेसइ क्रेकी कुःपीन्‍जेत्‍ज्‍यी।