युहन्‍ना 8:48 - पश्‍चिम तामाङ

⁴⁸ ओसेम् यहुदी अगुवामाचे पङ्‍ज्‍यी, “ङ्‌यीमाचे पङ्‍बे तम् ठीक्‍नो य्‍हीन्‍ब, ए सामरी म्‍ही य्‍हीन्‍ब, ओसेम् एत म्‍हङ् स्‍यप्‍पल मुब!”

युहन्‍ना 8:48 ပူးပေါင်းရင်းမြစ်များ

मत्‍ती 10:25

डब र्‌हङ्‌की लोप्‍पोन् गदे ओसेम् बान मालीक् गदे तबरीनो तङ्‍थोब। थेङ्‍यीमाचे दीम्‍की न्‍याबोतनो म्‍हङ्‍की ग्‍यल्‍बो बाल्‍जीबुल पङ्‍ब पङ्‌सम् दीम्‍की म्‍हेम्‍यमात झेन् गदे अज्‍यब पङ्‌ल?

मत्‍ती 10:5

येसुचे चु चुङ्‍ङ्‍य्‍ही प्रेरीतमात चोले कुल्‍ज्‍यीम् पीत्‍जेत्‍ज्‍यी, “एङ्‍यीमा यहुदी अय्‍हीन्‍बे म्‍हीमाइ गुङ्‍री ओसेम् सामरीमाकी ज्‍यीद सहर्‌मारी थवङो।

मत्‍ती 11:18

“तलेपङ्‍सम् युहन्‍ना चब थुङ्‌ब लज्‍यीम् अख, ओसेम् एङ्‍यीमाचे पङ्‌ब, ‘थेत म्‍हङ् स्‍यप्‍पल मुब।’

मत्‍ती 12:24

चु थ्‍येःज्‍यीम् फरीसीमाचे पङ्‍ज्‍यी, “चु म्‍हीचे म्‍हङ्‍माकी ग्‍यल्‍बो बाल्‍जीबुलकी सक्‍ती ग्‍यम्‍चे म्‍हङ् तेत्‍प।”

मत्‍ती 12:31

होत्‍तज्‍यीम् ङ एङ्‌यीमात पङ्‍ब, म्‍हीमाचे खीसइतीज्‍यीम् स्‍हेङ्‍बे पापमा क्षमा तस्‍ये मुब, तर पबीत्र आत्‍माइ बीरुद्‍दरी खीसइतीबल क्षमा तस्‍ये अरे।

मत्‍ती 15:7

ओ कपटीमा! यसैया अगम्‍बक्‍तचे एङ्‌यीमाकी बारेरी सुङ्‍बे चु तम् डीःब-

युहन्‍ना 1:19

यरुसलेम्‍की यहुदी अगुवामाचे डेत्-डेत् लम्‍बुमातेङ् लेबीमात युहन्‍नाइज, “ए खल य्‍हीन्‍ब?” बी ङ्‍योत्‍परी पीत्‍ज्‍यी।

युहन्‍ना 10:20

थेङ्‍यीमा न्‍हङ्‌री य्‍हक्‍को र्‌हङ्‍बचे, “चु म्‍हीत म्‍हङ् स्‍यप्‍पल मुब, थेम् म्‍योब य्‍हीन्‍ब। तले एङ्‌यीमा थेइ तम् ङ्‍येन्‍ब?” बी पङ्‍ज्‍यी।

युहन्‍ना 13:13

एङ्‍यीमाचे ङत लोप्‍पोन्‍तेङ् प्रभु पङ्‍ब। हुजु तम् ठीक्‍नो य्‍हीन्‍ब, तलेपङ्‍सम् एङ्‌यीमाकी लोप्‍पोन्‍तेङ् प्रभु ङनो य्‍हीन्‍ब।

युहन्‍ना 4:9

ओसेम् सामरी अमकोलचे पङ्‍ज्‍यी, “थेङ् यहुदी तज्‍यीमएनो ङ सामरी अमकोलइ या ग्‍यम्‍से खले यी सोल्‍ब?” (तलेपङ्‍सम् यहुदीमाचे सामरीमातेङ् तइ सम्‍बन्‍धएनो अथेन्‍ब मुबल।)

युहन्‍ना 7:20

य्‍हक्‍को म्‍हीमाचे पङ्‍ज्‍यी, “एत म्‍हङ् स्‍यप्‍नेम्, एत खल्‍चे सेत्‍प म्‍हइटीब?”

युहन्‍ना 8:22

थेङ्‌चे सुङ्‌बल थ्‍येःब बीसेम् यहुदीमाचे पङ्‍ज्‍यी, “थेचे र्‌हङ्‌चे र्‌हङ्‍त सेत्‍प म्‍हइटीब वुइ ता? तलेपङ्‍सम् थे ङ्‍यीटीबे ग्‍लारी ङ्‍य्‍हङ्‍मा ङ्‍यीब अखम् बी पङ्‍ब।”

युहन्‍ना 8:52

यहुदी अगुवामाचे थेङ्‌त पङ्‍ज्‍यी, “देरेम् ङ्‌यीमाचे देमेन्‍नो एत म्‍हङ् स्‍यप्‍पल टीम् बी स्‍येज्‍यी! अब्रहाम स्‍यीज्‍यी, अगम्‍बक्‍तमाएनो स्‍यीज्‍यी, होलेतलेनो एचे पङ्‍ब, ‘खल्‍चे ङचे पङ्‍बे तम् ङ्‍येन्‍ब थे खेमेएनो स्‍यीस्‍ये अरे’

रोमी 15:3

तलेपङ्‌सम् ख्रीस्‍टचेएनो र्‌हङ्‌त तङ्‌न लबे लक् स्‍य्‍हेङ्‍अजेत्। होलेनो धर्‌म छ्‍येःरी, “ओ पर्‌मेस्‍वर्, थेङ्‌त नीन्‍द स्‍य्‍हेङ्‌बलमाचे ङतएनो नीन्‍द स्‍य्‍हेङ्‌ज्‍यी” बी ब्रीबल मुब।

हीब्रु 13:13

होत्‍तज्‍यीम् ङ्‍य्‍हङ्‍मा सहर्‌की फीर्‌च्‍यो येसुइज ङ्‍यीइ, ओसेम् थेङ्‍चे र्‌हङ्‌ले ङ्‍य्‍हङ्‍माचेनो बेइजेत् नाके।

याकुब 2:19

एङ्‍यीमाचे पर्‌मेस्‍वर् गीकीनो मुब पङ्‍ज्‍यीम् बीस्‍वास् स्‍य्‍हेङ्‍ब अय्‍हीनो स्‍यीम्? हुजु एङ्‌यीमाकी लागीरी ज्‍यब य्‍हीन्‍ब। तर होतेबे बीस्‍वास्‍मी म्‍हङ्‍माचेएनो स्‍य्‍हेङ्‌ब, ओसेम् थेङ्‍यीमा लोङ्‍ज्‍यीम् दर्‌ब।