युहन्‍ना 8:40 - पश्‍चिम तामाङ

⁴⁰ ङचे एङ्‌यीमात पर्‌मेस्‍वर् ग्‍यम्‍से थ्‍येःबे देमेन्‍की फ्रोइ स्‍येत्‍प, तर एङ्‍यीमाचे ङत सेत्‍प म्‍हइब। अब्रहामचे चोतेबे लक् खेमेएनो अस्‍य्‍हेङ्!

युहन्‍ना 8:40 ပူးပေါင်းရင်းမြစ်များ

युहन्‍ना 7:1

हुजु लीप्‍चे येसुचे गालील प्रदेस् कोर्‌जेत्‍ज्‍यी। थेङ्‌चे यहुदीया प्रदेस्‍री स्‍येःबे थुः अल, तलेपङ्‍सम् यहुदी अगुवामाचे थेङ्‌त सेत्‍परी म्‍हइटीबल मुबल।

युहन्‍ना 8:26

ङचे एङ्‌यीमाइ बारेरी पङ्‍थोबतेङ् न्‍याय स्‍य्‍हेङ्‌थोबे तम्‍मी य्‍हक्‍को मुब, तर ङत पीत्‍युजेत्‍पल देमेन् मुब, ओसेम् ङचे थेङ् ग्‍यम्‍से ता थ्‍येःज्‍यी हुजु तम्‍नो जम्‍बुलीङ्‌री स्‍येत्‍प।”

युहन्‍ना 8:56

एङ्‌यीमाकी म्‍हेमे अब्रहामचे ङइ दीन् म्रङ्‌बरी य्‍हक्‍को सेम् लबल मुबल, ओसेम् थेचे म्रङ्‌ज्‍यीम् य्‍हक्‍को तङ्‌ज्‍यी।”

रोमी 4:12

ओसेम् अब्राहाम खतना स्‍य्‍हेङ्‍बलमालएनो अप य्‍हीन्‍ब, थेङ्‍यीमाचे खतन स्‍य्‍हेङ्‍बल तज्‍यीम्‍कीनो अय्‍हीन् तर खतना स्‍य्‍हेङ्‍ब बीम ङोन्‍ग्‍यम् अब्रहाम्‍ल र्‌हङ्‍बे बीस्‍वास् थेङ्‍यीमातेङ् मुबल तज्‍यीम् य्‍हीन्‍ब।

गलाती 4:16

ङचे एङ्‍यीमात देमेन् तम् पङ्‍टीबल तज्‍यीम् ता देरेम् ङ एङ्‌यीमाकी सत्‍तुर् तज्‍यी स्‍यीम्?

गलाती 4:29

हुजु बेलोरी म्‍हीइ सेम्‍चे म्‍हेन्‍ब अनुसार् न्‍हबे जचे पर्‌मेस्‍वर्‌की आत्‍मा अनुसार् न्‍हबे जत दुख पीन्‍ज्‍यी ओसेम् देरेएनो होतेबनो मुब।

प्रकास 12:17

ओसेम् हुजु सङ्‌मो हुजु अमकोलतेङ् झेन् य्‍हक्‍को बोमो रप्‍ज्‍यी, ओसेम् हुजु सङ्‌मो अमकोलइ ल्‍हो-ल्‍हो कोलमातेङ् छेत्‍परी य्‍हर्‌ज्‍यी, थेङ्‌यीमा पर्‌मेस्‍वर्‌की अर्‌तीमा ङ्‌येन्‍ज्‍यीम् ब्रबमा ओसेम् येसुचे लोप्‍जेत्‍पे तम्‍त बीस्‍वास् स्‍य्‍हेङ्‌बलमा य्‍हीन्‍ब।

प्रकास 12:4

हुजु सङ्‌मोइ मेःचे स्‍वर्‌गइ सार्‌माकी बो सोम्न्‍हङ्‍री बो गीःत फ्‍याज्‍यीम् जम्‍बुलीङ्‌री ख्‍लापीत्‍ज्‍यी। ओसेम् कोल न्‍हब साच्‍चेनो चबरी हुजु सङ्‍मो अमकोलइ ङोन्‍री रप्‍ज्‍यी।