युहन्‍ना 8:36 - पश्‍चिम तामाङ

³⁶ होत्‍तज्‍यीम् जचे एङ्‌यीमात छुटकारा पीन्‍ज्‍यी पङ्‌सम् एङ्‍यीमाचे देमेन्‍नो छुटकारा यङ्‍स्‍ये मुब।

युहन्‍ना 8:36 ပူးပေါင်းရင်းမြစ်များ

लुका 4:18

“प्रभुकी आत्‍मा ङतेङ् मुब, तलेपङ्‍सम् प्रङ्‌नमात ज्‍यबे सम्‍तर् स्‍येत्‍परी पर्‌मेस्‍वर्‌चे ङत दम्‍जेत्‍ज्‍यीम् पीत्‍युजेत्‍पल मुब। बन्‍दीरी मुबे म्‍हीमात पीत्‍परी, मीः अम्रङ्‌बमात म्रङ्‌न लबरी, ल्‍हो-ल्‍हो म्‍ही ग्‍यम्‍चे दुख यङ्‌बलमात पीत्‍परी,

रोमी 8:2

येसु ख्रीस्‍ट् ग्‍यम्‍से जीवन् न्‍हङ्‌बे आत्‍माइ सक्‍तीचे ङ्‍य्‍हङ्‍मात पाप्‍तेङ् स्‍यीबइ सक्‍ती ग्‍यम्‍से फेःपीन्‍जेत्‍पल मुब।

१ कोरीन्‍थी 7:22

तलेपङ्‍सम् प्रभुचे ङ्‌होत्‍जेत्‍पे बेलोरी बान मुबे म्‍ही, देरेम् थे प्रभुरी स्‍वतन्‍त्र तबल मुब। होलेनो प्रभुचे ङ्‌होत्‍जेत्‍पे बेलोरी स्‍वतन्‍त्र मुबे म्‍ही देरेम् ख्रीस्‍ट्‍की बान तबल मुब।

२ कोरीन्‍थी 3:17

तलेपङ्‍सम् प्रभु आत्‍मा य्‍हीन्‍ब, ओसेम् खन प्रभुइ आत्‍मा तब हुजुरी स्‍वतन्‍त्र तब।

गलाती 5:1

ख्रीस्‍ट्‍चे ङ्‍य्‍हङ्‍मात मोसाचे ब्रीबे नीयम् ग्‍यम्‍से फेःपीन्‍जेत्‍पल मुब, होत्‍तज्‍यीम् ङ्‍य्‍हङ्‍मा स्‍वतन्‍त्र तबल मुब। होत्‍तज्‍यीम् सेम् कोङ्‍ज्‍यीम् टीउ, ओसेम् देबेएनो मोसाचे ब्रीबे पर्‌मेस्‍वर्‌की नीयम्‍की बाना थतउ।