युहन्‍ना 7:8 - पश्‍चिम तामाङ

⁸ एङ्‍यीमा पर्‌ब म्‍हन्‍दीबरी ङ्‍यीउ, ङ चु पर्‌बरी देरे अङ्‍य्‍ही, तलेपङ्‍सम् दवम् ङइ लागीरी ठीक् बेलो खज्‍यीन्‍बल अरे।”

युहन्‍ना 7:8 ပူးပေါင်းရင်းမြစ်များ

मत्‍ती 26:18

येसुचे थेङ्‌यीमात सुङ्‌ज्‍यी, “सहररी म्‍ही गीःज ङ्‍यीउ, ओसेम् थेत पङो, ‘लोप्‍पोन्‍चे सुङ्‌ब, ङइ बेलो खबल मुब, ओसेम् ङ एइ दीम्‍री ङइ डबमातेङ् बक्‍च्‍य नीस्‍तार पर्‌बइ डोन् चबे सेम् मुब।’”

युहन्‍ना 2:4

ओसेम् येसुचे जोहाप् न्‍हङ्‌ज्‍यी, “अम, ङचे ता स्‍य्‍हेङ्‍थोब बी थसुङो, तलेपङ्‍सम् दवम् लक् स्‍य्‍हेङ्‌बरी ङइ बेलो खबल अरे।”

युहन्‍ना 7:30

हुजु लीप्‍चे थेङ्‍यीमाचे थेङ्‌त चुङ्‍ब म्‍हइज्‍यी, तर खल्‍चेएनो थेङ्‌त चुङ्‌बरी या जङ् अखम्, तलेपङ्‍सम् दवम् थेङ्‌की बेलो खज्‍यीन्‍बल अरेबल।

युहन्‍ना 7:6

ओसेम् येसुचे थेङ्‌यीमात सुङ्‌ज्‍यी, “ङइ लागीरी दवम् ठीक् बेलो खबल अरे। एङ्‌यीमाकी लागीरीम् खजु बेलो पङ्‌लेनो ठीक् मुब।

युहन्‍ना 7:9

चोते सुङ्‌ब बीसेम् थेङ् गालील्‍रीनो स्‍य्‍हुजेत्‍ज्‍यी।

युहन्‍ना 8:20

येसुचे चु फ्रोइमा पर्‌मेस्‍वर्‌की दीम्‍की भेटी ताबे तङ्‍लोकी रेइरी लोप्‍जेत्‍टीबे बेलोरी सुङ्‌बल य्‍हीन्‍ब। तर थेङ्‌त खल्‍चेएनो अचुङ् तलेपङ्‍सम् थेङ्‌की बेलो दवम् खबल अरेबल।

युहन्‍ना 8:30

येसुचे सुङ्‍बे चु तम्‍मा थ्‍येःज्‍यीम् य्‍हक्‍को म्‍हीमाचे थेङ्‌त बीस्‍वास् लज्‍यी।