युहन्‍ना 7:6 - पश्‍चिम तामाङ

⁶ ओसेम् येसुचे थेङ्‌यीमात सुङ्‌ज्‍यी, “ङइ लागीरी दवम् ठीक् बेलो खबल अरे। एङ्‌यीमाकी लागीरीम् खजु बेलो पङ्‌लेनो ठीक् मुब।

युहन्‍ना 7:6 ပူးပေါင်းရင်းမြစ်များ

मत्‍ती 26:18

येसुचे थेङ्‌यीमात सुङ्‌ज्‍यी, “सहररी म्‍ही गीःज ङ्‍यीउ, ओसेम् थेत पङो, ‘लोप्‍पोन्‍चे सुङ्‌ब, ङइ बेलो खबल मुब, ओसेम् ङ एइ दीम्‍री ङइ डबमातेङ् बक्‍च्‍य नीस्‍तार पर्‌बइ डोन् चबे सेम् मुब।’”

युहन्‍ना 13:1

नीस्‍तार पर्‌ब खब बीम ङोन्‍ग्‍यम् येसुचे र्‌हङ जम्‍बुलीङ् ख्‍लेथेन्‍ज्‍यीम् अपज दोःज्‍यीम् ङ्‌यीबे बेलो खबल मुब बी खेम्‍जेत्‍ज्‍यी। थेङ्‌चे जम्‍बुलीङ्‌री मुबे र्‌हङ्‌की डबमात य्‍हक्‍को म्‍होइजेत्‍ज्‍यी, ओसेम् देरेम् थेङ्‌यीमात ज्‍युःसम्‍मनो म्‍होइजेत्‍ज्‍यी।

युहन्‍ना 17:1

चु तम् सुङ्‍जेत्‍प बीसेम् येसुचे स्‍वर्‌गतोर् स्‍हीज्‍यीम् चोले प्रार्‌थना स्‍य्‍हेङ्‍जेत्‍ज्‍यी, “अप, बेलो खबल मुब, जचे थेङ्‌की महीमा स्‍य्‍हेङ्‌खइ पङ्‍ज्‍यीम् थेङ्‌की जत महीमा न्‍हङ्‍जेतो।

युहन्‍ना 2:4

ओसेम् येसुचे जोहाप् न्‍हङ्‌ज्‍यी, “अम, ङचे ता स्‍य्‍हेङ्‍थोब बी थसुङो, तलेपङ्‍सम् दवम् लक् स्‍य्‍हेङ्‌बरी ङइ बेलो खबल अरे।”

युहन्‍ना 7:30

हुजु लीप्‍चे थेङ्‍यीमाचे थेङ्‌त चुङ्‍ब म्‍हइज्‍यी, तर खल्‍चेएनो थेङ्‌त चुङ्‌बरी या जङ् अखम्, तलेपङ्‍सम् दवम् थेङ्‌की बेलो खज्‍यीन्‍बल अरेबल।

युहन्‍ना 7:8

एङ्‍यीमा पर्‌ब म्‍हन्‍दीबरी ङ्‍यीउ, ङ चु पर्‌बरी देरे अङ्‍य्‍ही, तलेपङ्‍सम् दवम् ङइ लागीरी ठीक् बेलो खज्‍यीन्‍बल अरे।”

युहन्‍ना 8:20

येसुचे चु फ्रोइमा पर्‌मेस्‍वर्‌की दीम्‍की भेटी ताबे तङ्‍लोकी रेइरी लोप्‍जेत्‍टीबे बेलोरी सुङ्‌बल य्‍हीन्‍ब। तर थेङ्‌त खल्‍चेएनो अचुङ् तलेपङ्‍सम् थेङ्‌की बेलो दवम् खबल अरेबल।

प्रेरीत् 1:7

येसुचे थेङ्‌यीमात सुङ्‌ज्‍यी, “पर्‌मेस्‍वर् अपचेनो र्‌हङ्‌की अधीकार् ग्‍यम्‍चेनो बेलो तेत् लजेत्‍पल मुब। हुजु बेलो खेम तस्‍ये बी स्‍येःब म्‍हइब एङ्‌यीमाकी लक् अय्‍हीन्।