युहन्‍ना 6:7 - पश्‍चिम तामाङ

⁷ फीलीपचे पङ्‌ज्‍यी, “जम्‍मतनो ग्‍येङ् चेक-चेक्‍कीनो पीन्‍लेएनो मन ङ्‌ही म्‍हुइकी टङचेएनो ग्‍लुबरी योस्‍ये अरे।”

युहन्‍ना 6:7 ပူးပေါင်းရင်းမြစ်များ

मत्‍ती 18:28

“तर हुजु योक्‍पो डोङ्‍ज्‍यीम् य्‍हर्‌बे बेलोरी थेचे थेतेङ् बक्‍च्‍य लक् स्‍य्‍हेङ्‌बे योक्‍पो गीः दोज्‍यी। हुजुचे थेत मन्‍नङ् म्‍हुइकी पइस छ्‍ये फाथोब मुबल। थेचे हुजुत खार ङ्‍य्‍हेप्‍ज्‍यीम्, ‘एचे ङइ फाथोबे छ्‍ये ग्‍योन् फाको’ बी पङ्‍ज्‍यी।

मर्‌कुस् 6:37

तर येसुचे थेङ्‌यीमात, “एङ्‌यीमाचेनो थेङ्‌यीमात चब पीनो” बी सुङ्‌ज्‍यी। तर डबमाचे, “ङ्‌यीमाचे मन ङ्‌ही म्‍हुइकी टङ खर्‌च स्‍य्‍हेङ्‌ज्‍यीम् थेङ्‌यीमात चबे ग्‍येङ् ग्‍लुज्‍यीम् पीनो बी थेङ्‌चे सुङ्‌बल?” बी पङ्‌ज्‍यी।

युहन्‍ना 1:43

न्‍हम्‍स्‍य्‍होर्‌हङ् येसु गालील प्रदेस्‍री स्‍येबे थुः लजेत्‍ज्‍यी। ओसेम् थेङ्‌चे फीलीप्‍त खतु तज्‍यीम्, “ङइ लीप्‍चे ब्रउ” बी सुङ्‌ज्‍यी।

युहन्‍ना 1:44

फीलीपएनो अन्‍द्रीयासतेङ् पत्रुस र्‌हङ्‌लेनो बेथसेदा पङ्‍बे ज्‍यीद लीङ्‍सकी म्‍ही मुबल।

युहन्‍ना 1:45

फीलीपचे नथानेलत खतु लबरी ङ्‌यीज्‍यीम् पङ्‍ज्‍यी, “ङ्‌यीमाचे थेङ्‌त दोज्‍यी, थेङ्‌की बारेरी मोसातेङ् अगम्‍बक्‍तमाचे धर्‌म छ्‍येःरी ब्रीबल मुबल, थेङ्‍मी नासरतकी योसेफकी ज येसु य्‍हीन्‍ब।”

युहन्‍ना 1:46

नथानेल्‍चे थेत, “नासरत ग्‍यम्‍सेएनो तए ज्‍यबे तम् डोङ्‍ब खम्‍ब?” बी ङ्‌योत्‍ज्‍यी। फीलीपचे थेत जोहाप् पीन्‍ज्‍यी, “खज्‍यीम् च्‍याको।”

युहन्‍ना 1:48

ओसेम् नथानेल्‍चे थेङ्‌त, “थेङ्‌चे ङत खले खेम्‍जेत्‍ज्‍यी?” बी ङ्‌योत्‍ज्‍यी। येसुचे थेत जोहाप् न्‍हङ्‌ज्‍यी, “फीलीपचे एत ङ्‍होत्‍प बीम ङोन्‍ग्‍यम्‍नो ङचे एत मको दोङ्‌बोइ दुङ्‌री म्रङ्‍ज्‍यीन्‍बल मुबल।”

युहन्‍ना 12:5

“चु य्‍हक्‍को ज्‍यबे थङ्‍ खबे म्‍हङ्‍गो छ्‍युगु मन सोम् म्‍हुइकी डबल्‍री चुङ्‌ज्‍यीम् प्रङ्‌नमात पीन्‍सम् तस्‍येल, अय्‍हीनो स्‍यीम्?”