युहन्‍ना 6:50 - पश्‍चिम तामाङ

⁵⁰ तर स्‍वर्‌ग ग्‍यम्‍से युबे ग्‍येङ् चुनो य्‍हीन्‍ब, खल्‍चे चु ग्‍येङ् चब हुजु स्‍यीस्‍ये अरे।

युहन्‍ना 6:50 ပူးပေါင်းရင်းမြစ်များ

युहन्‍ना 3:13

स्‍वर्‌ग ग्‍यम्‍से दुङ्‌री युबे म्‍हीइ ज बीम ल्‍हो-ल्‍हो खलएनो स्‍वर्‌गरी ङ्‌यीबल अरे।

युहन्‍ना 3:36

ओसेम् खल्‍चे पर्‌मेस्‍वर्‌की जत बीस्‍वास् लब थेतेङ् खेमेएनो अबेबे जीवन मुब। खल्‍चे जचे कुल्‍बे अर्‌ती अङ्‍येन्, थेचे खेमेएनो अबेबे जीवन् खेमेएनो यङ्‍स्‍ये अरे, तर पर्‌मेस्‍वर्‌की बोमो थेइ जोरी तस्‍यीनो टीस्‍ये मुब।

युहन्‍ना 5:24

“देमेन्‍नो ङ एङ्‌यीमात पङ्‌ब, खल्‍चे ङइ तम् ङ्‌येन्‍ज्‍यीम् ङत पीत्‍युजेत्‍पलत बीस्‍वास् स्‍य्‍हेङ्‌ब, थेतेङ् खेमेएनो अबेबे जीवन तब। ओसेम् थे न्‍यायरी दोःस्‍ये अरे, तर स्‍यीब ग्‍यम्‍से जीवन्‍री वङ्‌ज्‍यीन्‍बल तब।

युहन्‍ना 6:33

पर्‌मेस्‍वर्‌चे न्‍हङ्‌बे ग्‍येङ्‍मी थेनो य्‍हीन्‍ब, थे स्‍वर्‌ग ग्‍यम्‍से युज्‍यीम् जम्‍बुलीङ्‍त जीवन् पीन्‍ब।”

युहन्‍ना 6:42

थेङ्‍यीमाचे पङ्‍ज्‍यी, “चु योसेफकी ज येसु अय्‍हीनो स्‍यीम्? थेइ अप अमत ङ्‍य्‍हङ्‍माचे अस्‍येउ स्‍यीम्? चुजे खले, ‘ङ स्‍वर्‌गचे युबल’ बी पङ्‍ब?”

युहन्‍ना 6:47

ङ देमेन्‍नो एङ्‌यीमात पङ्‌ब, बीस्‍वास् स्‍य्‍हेङ्‍बलतेङ् खेमेएनो अबेबे जीवन् मुब।

युहन्‍ना 6:51

स्‍वर्‌ग ग्‍यम्‍से युबे जीवन पीन्‍बे ग्‍येङ् ङनो य्‍हीन्‍ब। खल्‍चे चु ग्‍येङ् चज्‍यी हुजु खेम पङ्‌लेनो सोस्‍ये मुब। ङचे पीन्‍स्‍येकी ग्‍येङ् ङइ ल्‍ही य्‍हीन्‍ब। ङइ ल्‍ही जम्‍बुलीङ्‌की म्‍हीमाचे जीवन् यङ्‍खइ पङ्‍ज्‍यीम् पीन्‍स्‍ये मुब।”

युहन्‍ना 6:58

चु ग्‍येङ् स्‍वर्‌ग ग्‍यम्‍से युबल य्‍हीन्‍ब, चु ग्‍येङ् एङ्‌यीमाकी म्‍हेमेमाचे चबल र्‌हङ्‌ब अय्‍हीन्, थेङ्‍यीमाचे हुजु ग्‍येङ् चज्‍यीमएनो स्‍यीज्‍यी, तर चु ग्‍येङ् चबलमा खेम पङ्‌लेनो सोस्‍ये मुब।”

युहन्‍ना 8:51

ङ एङ्‌यीमात देमेन्‍नो पङ्‍ब खल्‍चे ङचे पङ्‍बे तम् ङ्‍येन्‍ब थे खेमेएनो स्‍यीस्‍ये अरे।”

रोमी 8:10

तर ख्रीस्‍ट् एङ्‍यीमातेङ् मुज्‍यी पङ्‌सम् पाप्‍चे लज्‍यीम् एङ्‌यीमाकी ल्‍हीः स्‍यीथोलेनो पर्‌मेस्‍वर्‌की ङोन्‍री धर्‌मी ठार्‌तीबल तज्‍यीम् पबीत्र आत्‍मा ग्‍यम्‍से एङ्‍यीमा सोस्‍ये मुब।