युहन्‍ना 6:33 - पश्‍चिम तामाङ

³³ पर्‌मेस्‍वर्‌चे न्‍हङ्‌बे ग्‍येङ्‍मी थेनो य्‍हीन्‍ब, थे स्‍वर्‌ग ग्‍यम्‍से युज्‍यीम् जम्‍बुलीङ्‍त जीवन् पीन्‍ब।”

युहन्‍ना 6:33 ပူးပေါင်းရင်းမြစ်များ

युहन्‍ना 13:3

पर्‌मेस्‍वर्‌चे र्‌हङ्‍त जम्‍मनो तम्‍माकी हक् न्‍हङ्‌बल मुब पङ्‍बे तम् येसुचे खेम्‍जेत्‍पल मुबल। ओसेम् थेङ् पर्‌मेस्‍वर् ग्‍यम्सेनो ब्‍योन्‍युबल य्‍हीन्‍ब पङ्‍बतेङ् पर्‌मेस्‍वर्‌जनो दोःज्‍यीम् स्‍येटीब पङ्‍बे तम् खेम्‍जेत्‍पल मुबल।

युहन्‍ना 16:28

ङ अप ग्‍यम्सेनो जम्‍बुलीङ्‌री युबल य्‍हीन्‍ब। ओसेम् देरेम् ङ जम्‍बुलीङ्‍त ख्‍लेथेन्‍ज्‍यीम् अपज दोःज्‍यीम् य्‍हर्‌टीब।”

युहन्‍ना 17:8

तलेपङ्‍सम् थेङ्‌चे ङत न्‍हङ्‍जेत्‍पे सम्‍तर् ङचे थेङ्‌यीमात पीन्‍बल मुब, ओसेम् थेङ्‍यीमाचे स्‍वीकार् लबल मुब। देरेम् थेङ्‍यीमाचे ङ थेङ् ग्‍यम्‍से युबल बी स्‍येबल मुब, ओसेम् थेङ्‌चेनो ङत पीत्‍युजेत्‍पल पङ्‍ज्‍यीम् थेङ्‍यीमाचे बीस्‍वास् स्‍य्‍हेङ्‌बल मुब।

युहन्‍ना 3:13

स्‍वर्‌ग ग्‍यम्‍से दुङ्‌री युबे म्‍हीइ ज बीम ल्‍हो-ल्‍हो खलएनो स्‍वर्‌गरी ङ्‌यीबल अरे।

युहन्‍ना 6:32

येसुचे थेङ्‌यीमात सुङ्‌ज्‍यी, “ङ एङ्‌यीमात देमेन्‍नो पङ्‍ब, एङ्‌यीमात स्‍वर्‌गइ ग्‍येङ् पीन्‍बल मोसा अय्‍हीन्, तर ङइ अप य्‍हीन्‍ब, थेङ्‌चे एङ्‌यीमात स्‍वर्‌गइ देमेन्‍की ग्‍येङ् न्‍हङ्‍ब।

युहन्‍ना 6:38

तलेपङ्‍सम् ङ ङचे म्‍हेन्‍बल टोप् लबरी अय्‍हीन् तर ङत पीत्‍युजेत्‍पलइ थुः टोप् लबरी स्‍वर्‌ग ग्‍यम्‍से युबल य्‍हीन्‍ब।

युहन्‍ना 6:41

हुजु लीप्‍चे यहुदी अगुवामाचे थेङ्‌की बारेरी गन्‍गन् लब तीप्‍ज्‍यी, तलेपङ्‍सम् थेङ्‌चे, “ङ स्‍वर्‌ग ग्‍यम्‍से युबे ग्‍येङ् य्‍हीन्‍ब” बी सुङ्‌बल मुबल।

युहन्‍ना 6:48

जीवन्‍की ग्‍येङ् ङनो य्‍हीन्‍ब।

युहन्‍ना 6:50

तर स्‍वर्‌ग ग्‍यम्‍से युबे ग्‍येङ् चुनो य्‍हीन्‍ब, खल्‍चे चु ग्‍येङ् चब हुजु स्‍यीस्‍ये अरे।

युहन्‍ना 6:58

चु ग्‍येङ् स्‍वर्‌ग ग्‍यम्‍से युबल य्‍हीन्‍ब, चु ग्‍येङ् एङ्‌यीमाकी म्‍हेमेमाचे चबल र्‌हङ्‌ब अय्‍हीन्, थेङ्‍यीमाचे हुजु ग्‍येङ् चज्‍यीमएनो स्‍यीज्‍यी, तर चु ग्‍येङ् चबलमा खेम पङ्‌लेनो सोस्‍ये मुब।”

युहन्‍ना 8:42

येसुचे थेङ्‌यीमात सुङज्‍यी, “एङ्‌यीमाकी अप पर्‌मेस्‍वर् य्‍हीन्‍बल पङ्‌सम् एङ्‍यीमाचे ङत म्‍होइस्‍येल, तलेपङ्‍सम् ङ पर्‌मेस्‍वर् ग्‍यम्‍से युबल य्‍हीन्‍ब। ङ ङइ सेम्‍चे म्‍हेन्‍ज्‍यीम् युबल अय्‍हीन् तर ङत थेङ्‌चे पीत्‍युजेत्‍पल य्‍हीन्‍ब।

१ तीमोथी 1:15

येसु ख्रीस्‍ट् पापीमात थर्‌न लबरी जम्‍बुलीङ्‌री ब्‍योन्‍युज्‍यी। चु गोदोब्‍चेनो बीस्‍वास् स्‍य्‍हेङ्‌थोबे देमेन्‍की तम् य्‍हीन्‍ब। ओसेम् पापीमा न्‍हङ्‌री गोदोब्‍न्‍हङ् य्‍हक्‍को पाप स्‍य्‍हेङ्‌बे म्‍ही ङ य्‍हीन्‍ब।